សិប្បកម្មត្រីងៀត នៅខេត្តសៀមរាប ទទួលបានអតិថិជនថ្មីៗកាន់តែច្រើន ក្រោយការផ្សព្វផ្សាយរបស់អ្នកសារព័ត៌មាន

សៀមរាប ៖ ការលក់ផលិតផលកែច្នៃពីផលិតផលជលផលនៃសិប្បកម្មកែច្នៃតី្រ សំណាង សុធា និងសហគ្រាសកែច្នៃត្រីងៀត Home Taste Food ទទួលបានកំណើននៃការបញ្ជារទិញពីអតិថិជនថ្មីៗបន្ថែមទៀតជាច្រើនទៀត ក្រោយក្រសួងកសិកម្ម និងអង្គការយូនីដូ សហការគ្នា​ក្នុងការដឹកនាំអ្នកសារព័ត៌មានចុះទៅទស្សនកិច្ចដោយផ្ទាល់ ដើម្បីផ្សព្វផ្សាយពីការអនុវត្តស្តង់ដារចំណីអាហារនៅសិប្បកម្មទាំងនេះ។

លោក យន់ សំណាង ម្ចាស់សិប្បកម្មកែច្នៃត្រី សំណាង សុធា បានប្រាប់ឱ្យដឹងកាលពីពេលថ្មីៗនេះថា មួយរយៈពេលចុងក្រោយនេះ ពោលគឺចាប់តាំងពីក្រុមការងារក្រសួងកសិកម្ម និងអង្គការយូនីដូ បាននាំអ្នកសារព័ត៌មានមកដល់សិប្បកម្មដោយផ្ទាល់មក លោកសង្កេតឃើញថា ការលក់ផលិផលតកែច្នៃ ដូចជា ត្រីងៀត ជាដើម មានកំណើនក្នុងរង្វង់១០ភាគរយ ដែលសុទ្ធសឹងតែ​ជាអតិថិជនថ្មីៗ។

លោកបានបញ្ជាក់​ថា ៖ «បើតាមខ្ញុំមើលទៅការលក់ដែលកើនឡើងប្រមាណ១០ភាគរយនេះសុទ្ធតែជាអតិថិជនថ្មីៗ ដែ​លគាត់បានខល (call) មកកម្មង់ទិញ។ អតិថិជនថ្មីៗ ដែលបានបញ្ជាទិញទាំងនោះ គឺសម្រាប់យកទៅបរិភោគមិនមែនជាអ្នកល​ក់បន្តឡើយ។ ខ្ញុំយល់ថា ការដែលផលិតផលរបស់យើងមានស្ដង់ដារបច្ចេកទេស អនាម័យខ្ពស់ ស្របតាមនិមិត្តសញ្ញា គុ​ណភាពផលិតផលជលផលកម្ពុជា (CQS) មិនត្រឹមតែលក់បានតម្លៃខ្ពស់ទេ ថែមទាំងមានកំណើននៃការលក់ជាបន្តប​ន្ទាប់»។

អ្នកស្រី ម៉ូ នីដា ជាអតិថិជនថ្មីរបស់សិប្បកម្មកែច្នៃត្រី សំណាង សុធា ដែលបានទិញត្រីកន្ធរប្រឡាក់ងៀត, ត្រីកំភ្លាវ និងប្រ​ហុកសាច់ ពីសិប្បកម្មនេះបានប្រាប់ឱ្យដឹងដែរថា ក្រោយពីបានភ្លក់រសជាតិផលិតផលពីខាងសិប្បកម្ម សំណាង សុធា ដែលកូនរបស់អ្នកស្រីបានទិញផ្ញើ និងបានឃើញពីការផ្សព្វផ្សាយថា សិប្បកម្មនេះមានការកែច្នៃស្ដង់ដារបច្ចេកទេស អនាម័យខ្ពស់មក អ្នកស្រីក៏បានបញ្ជារទិញភ្លាមៗ ដោយមួយចំណែកសម្រាប់បរិភោគ និងមួយចំណែកសម្រាប់ផ្ញើកូននៅសហរដ្ឋអាមេរិកផងដែរ។

អ្នកស្រីបានបញ្ជាក់ថា ៖ «ខ្ញុំធ្លាប់ភ្លក់ម្តងនៅសៀមរាប ក្រោយមកខ្ញុំឃើញគេផ្សាយពីសិប្បកម្មនេះនៅតាមទូរទស្សន៍ថា មានអនាម័យ មានស្តង់ត្រឹមត្រូវ ទើបខ្ញុំសាកកម្មង់ទិញដើម្បីទុកហូបខ្លួនឯងផង និងផ្ញើទៅកូននៅអាមេរិកផង។ តម្លៃប៉ុណ្ណឹងសម្រាប់ខ្ញុំគឺសមរម្យហើយ តែបើសិនជាខាងសិប្បកម្មគាត់លក់ធូរជាងហ្នឹងបន្តិចទៀត អ្នកក្នុងស្រុកនឹងជួយទិញហូបកាន់តែច្រើន»។

មិនត្រឹមតែសិប្បកម្មកែច្នៃត្រី សំណាង សុធាប៉ុណ្ណោះទេ ដែលមានកំណើននៃការលក់ សម្រាប់សហគ្រាសកែច្នៃត្រីងៀត Home Taste Food របស់ អ្នកស្រី ស៊ឹម សេរីររ័ត្ន ក៏លក់បានច្រើនជាងមុនចន្លោះពី ១០ ទៅ ១៥ ភាគរយដែរ ។

អ្នកស្រី ស៊ឹម សេរីររ័ត្ន បានប្រាប់ថា ចាប់តាំងពីមានក្រុមសារព័ត៌ជួយផ្សព្វផ្សាយ​មកឃើញថា ការលក់មានការប្រសើរឡើងជា​ងមុន ដោយការលក់មានការកើនឡើងពី១០ ទៅ ១៥ភាគរយ ហើយភាគច្រើនជាអតិថិជនថ្មីៗស្ទើរទាំងអស់។

អ្នកស្រីបានបញ្ជាក់បែបនេះថា ៖ «អតិថិជនថ្មីៗទាក់ទងមកសួរព័ត៌មានលំអិតអំពីផលិតកម្ម និង​តំលៃលក់រាយ និងបោះដុំ ហើយក៏មានអតិថិជនថ្មីៗទាក់ទងមកដើម្បីទិញយកទៅបរិភោគ និង​ទិញយកទៅផ្ញើ​បងប្អូននៅស្រុកក្រៅផងដែរ។ យើងរី​ករាយនូវលទ្ធផលដ៏ល្អនេះ និងអរគុណខាងក្រសួងកសិកម្ម ក៏ដូចជាអង្គការយូនីដូ ចំពោះការគាំទ្រនាពេលកន្លងមកដែរ»។

លោកស្រី ឃឺម ចរិយា អ្នកសម្របសម្រួលវិស័យឯកជនគម្រោង CAPFish-Capture បានមានប្រសាសន៍ថា ដំណើរទ​ស្សនកិច្ចរបស់អ្នកសារព័ត៌មាននៅពេលថ្មីៗមក​នេះបានផ្តល់ផលប្រយោជន៍ជាច្រើនលើការជួយជំរុញម៉ាកយីហោរ​បស់ស​ហគ្រាសដែលបានទៅទស្សនា និងបានជួយលើកស្ទួយព្រមទាំងផ្សព្វផ្សាយ ផលិតផលរបស់សហគ្រាសទាំងនោះទៅដ​ល់សាធារណៈជន និងទីផ្សារនានាផងដែរ។

លោកស្រីបានបន្ថែមថា ដំណើរទស្សនកិច្ចនេះក៏បានជួយបង្កើនភាពជឿជាក់របស់សហគ្រាសក្នុងការប្រកួតប្រជែងទីផ្សារ និ​ងកសាងទំនុកចិត្តដល់អ្នកប្រើប្រាស់ទំនិញ និងផលិតផលប្រកបដោយអនាម័យ ស្តង់ដារ​សុវត្តិភាពនៅកម្ពុជា។

លោកស្រីអះអាងថាទៀតថា ៖ «ដំណើរទស្សនកិច្ចនេះបានបង្ហាញពីជោគជ័យនៃកិច្ចសហការ និងភាពជាដៃគូរជាមួយអ្ន​ក​ពាក់ពន្ធ័ដែលធ្វើការលើសុវត្តិភាពចំណីម្ហូបអាហារចេញពីផលិតផលជលផលព្រមទាំងបង្ហាញភាពជាម្ចាស់របស់រដ្ឋាភិបាល​ក្នុងការជំរុញអាជីវកម្មផលិតកម្មជលផល»។

លោក​ សេតធី ស៊ីថារ៉ាម៉ា ធមបាធូ ប្រធានគម្រោងអភិវឌ្ឍជលផលក្រោយប្រមូលផល (CAPFish-Capture) ធ្លាប់​បាននិយា​យថា អង្គការ UNIDO តាមរយៈគម្រោង (CAPFish-CAPTURE) នឹងធ្វើការសហការជាមួយរដ្ឋបាលជលផល និងស្ថា​ប័នអនុវត្តច្បាប់ពាក់ពន្ធ័ក្នុងការរៀបចំបង្កើតលក្ខខណ្ឌសមស្របសម្រាប់អជ្ញាធរមានសមត្ថកិច្ច ឱ្យមានលទ្ធភាពអ​នុ​វត្តប្រព័ន្ធត្រួតពិនិត្យមួយដែលសមស្របតាមលក្ខខណ្ឌតម្រូវទីផ្សារអន្តរជាតិ។

អង្គការ UNIDO- CAPFish ក៏សហការណ៍​ជាមួយអ្នកពាក់ពន្ធ័សំខាន់ៗដែលរួមមាន ៖ ក្រុមអ្នកផលិតផ្នែកឯកជន ដើម្បីធា​នាការអនុវត្តន៍​គោលការណ៍​សុវត្ថិភាពអាហារបានល្អ និងបង្កើនភាពប្រកួតប្រជែងទាំងក្នុងទីផ្សារថ្នាក់តំបន់ និងអន្តរជាតិ​។ អង្គការ UNIDO មានគោលដៅ និងក្តីស្រមៃថា នឹងនាំយកផលិតផលជលផលកម្ពុជា ទៅទីផ្សារអន្តរជាតិ រួមទាំងសហភាពអឺរុបក្នុងឆ្នាំ២០២៤ ៕ អត្ថបទដោយ ៖ វណ្ណ សុជាតា​


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *