សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ៖ អាជីវកម្មសង្គម ដែលមានឈ្មោះថា K & K pipe Cambodia ជាអ្នកជំនាញផលិតបំពង់ទុយោ ដែលមានតម្លៃទាបងាយស្រួលប្រើប្រាស់ និងសម្រាប់អ្នកដែលពុំមានជំនាញក្នុងការងារជាជាងសំណង់ ក៏អាចតភ្ជាប់ទុយោសាងសង់បណ្តាញទឹកចូលផ្ទះ ឬចម្ការដំណាំ សម្រាប់ស្រោចស្រពបន្លែដោយខ្លួនឯងបានដែរ ខណៈដែលនាពេលបច្ចុប្បន្ន ក្រុមហ៊ុនក្នុងស្រុកមួយនេះ បាន និងកំពុងដំណើរការជំរុញខ្លួនឱ្យក្លាយជាអាជីវកម្មបរិយាបន្ន។
លោក សុខ ខេមរា ជាអ្នកទំនាក់ទំនងដៃគូវិនិយោគ និងអតិថិជនបានឱ្យដឹងថា ក្រុមហ៊ុនបានសម្រេចចិត្តបើកដំណើរអាជីវកម្មតាមបែបធរុកិច្ចបរិយាបន្នកាលពីអំឡុងមុនពេលនៃវិបត្តិរាតត្បាតកូវីដ-១៩ ដោយសង្ឃឹមថា អាចជួយដល់ពលរដ្ឋមានជីវភាពក្រីក្រ និងខ្វះខាតធនធាននៅតែអាចបំពេញក្តីស្រមៃក្នុងការសាងសង់បណ្តាញទឹកសម្រាប់ប្រើប្រាស់ក្នុងលំនៅដ្ឋាន ឬចម្ការររបស់ខ្លួនឯងបាន។
នៅក្នុងដំណើរការខ្សែសង្វាក់ផលិតកម្ម ក្រុមហ៊ុន ទុយោ ម៉ាក K & K កម្ពុជា បានផលិត និងផ្គត់ផ្គង់ផលិតផលទុយោ និងគ្រឿងតំណ PE ជាច្រើនប្រភេទស្របតាមគ្រប់មាត្រដ្ឋាន និងតម្រូវការរបស់អ្នកប្រើប្រាស់មានតាមលំដាប់ថ្នាក់ និងសមស្របគ្រប់គម្រោង ដោយធានាផ្តល់ជូននូវទុយោ HDPE និងតំណរដែលមានគុណភាពខ្ពស់បំផុត ផលិតដោយបច្ចេកទេស និងផលិតកម្មច្បាស់លាស់ជាមួយម៉ាស៊ីនទំនើបៗចុងក្រោយបំផុត ។ ទុយោរបស់ក្រុមហ៊ុន ទុយោម៉ាក K & K (ខេមបូឌា) ខូអិលធីឌី ជាសារធាតុជ័រគុណភាពខ្ពស់ ដែលធ្វើឱ្យបំពង់ទុយោរឹងមាំ ប្រើប្រាស់បានយូរ ធន់នឹងសម្ពាធទឹកកម្រិតខ្ពស់ ជាមួយនឹងការធានាគុណភាពរហូតដល់៥០ឆ្នាំ។
លោក សុខ ខេមរា បានបញ្ជាក់ថា ខេ & ខេ ផាយផ៍ ខេមបូឌា ដែលកំពុងអភិវឌ្ឍខ្លួន ដើម្បីក្លាយជាអាជីវកម្មបរិយាបន្ន បានបង្កើតឡើងដើម្បីដោះស្រាយបញ្ហាកង្វះខាតទុយោ តបណ្តាញទឹក និងប្រើប្រាស់ក្នុងវិស័យសំខាន់ៗនៅកម្ពុជា។ ក្រុមហ៊ុនបានផលិតបំពង់ទុយោមួយប្រភេទ HDPE ដែលមានលក្ខណៈរឹងមាំ ស្វិតជាប់ល្អ ងាយស្រួលសាងសង់ និងមានការទទួលស្គាល់ពី ISO-4427 ផងដែរ។
លោក សុខ ខេមរា បានបញ្ជាក់ថា ក្រៅពីប្រាក់ចំណេញដែលមានពីប្រតិបត្តិការនៅលើទីផ្សារនៅទូទាំងប្រទេស ក្រុមហ៊ុនបានដាក់ការប្តេជ្ញាចិត្តថា នឹងព្យាយាមជួយដល់ពលរដ្ឋកម្ពុជាដែលមានជីវភាពខ្សត់ខ្សោយតាមរយៈការផ្តល់ការងារដោយអាចទទួលបានកម្រៃជាប្រាក់ប្រចាំខែ ហើយអាចមានលទ្ធភាពគ្រប់គ្រាន់ក្នុងការរស់នៅជាមួយលំនៅដ្ឋានសមរម្យ ខណៈដែលចក្ខុវិស័យរបស់ក្រុមហ៊ុននឹងបញ្ជ្រាបផលិតផលទុយោតជាបណ្តាញនៅក្នុងលំនៅដ្ឋាន ក៏ដូចជាអគារនានាឱ្យបានចំនួន១លានខ្នងជាមួយតម្លៃសមរម្យ។
តាមរយៈចក្ខុវិស័យដ៏មុតស្រួចរបស់ក្រុមហ៊ុន លោកជឿជាក់ថា K & K (ខេមបូឌា) នឹងក្លាយជាធុរកិច្ចបរិយាបន្ន ដែលអនុវត្តឈរលើគោលការណ៍ផ្តល់ប្រយោជន៍សម្រាប់មនុស្សគ្រប់គ្នាដែលពាក់ព័ន្ធទាំងអស់ ហើយក្នុងនោះប្រជាពលរដ្ឋគ្រប់រូបនឹងអាចទទួលបានឱកាសក្នុងការកសាងបទពិសោធលើការប្រើប្រាស់ទុយោទឹកស្អាតដែលរឹងមាំជាប់ល្អ ចំណាយតិច និងអាចជួយកាត់បន្ថយភាពក្រីក្របានយ៉ាងប្រាកដ។
សូមបញ្ជាក់ថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ។ បន្ទាត់អាជីវកម្មបរិយាបន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើនស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40) ៕
Account
Security
Favourite Content