កម្ពុជា និងជប៉ុន នឹងជំរុញកិច្ចសហប្រតិបត្តិការរវាងសហគ្រាសធុនតូច និងមធ្យមនៃប្រទេសទាំងពីរ

ភ្នំពេញ ៖ កម្ពុជា និងជប៉ុន នឹងជំរុញកិច្ចសហប្រតិបត្តិការរវាងសហគ្រាសធុនតូច និងមធ្យមនៃប្រទេសទាំងពីរ ជាពិសេសលើកកម្ពស់ទំនាក់ទំនងធុរកិច្ចឱ្យកាន់តែស៊ីជម្រៅថែមមួយកម្រិតទៀត។

ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កាលពីចុងសប្តាហ៍កន្លងទៅនេះ បានទទួលជួបគណៈប្រតិភូធុរកិច្ចជប៉ុន ដឹកនាំដោយលោក Takahashi Fumiaki ប្រធានសមាគមជប៉ុន-កម្ពុជា (JCA) ដើម្បីពិភាក្សាអំពីកិច្ចសហប្រតិបត្តិការសក្តានុពលរវាងសហគ្រាសធុនតូច និងមធ្យមនៃប្រទេសទាំងពីរ។

លោក Takahashi បានបញ្ជាក់នូវការប្តេជ្ញាចិត្តរបស់សមាគមជប៉ុន-កម្ពុជា ក្នុងការលើកកម្ពស់ទំនាក់ទំនងធុរកិច្ចរវាងប្រទេសជប៉ុន និងកម្ពុជាឱ្យកាន់តែស៊ីជម្រៅមួយកម្រិតទៀត។ ជាមួយនឹងការបើកដំណើរការការិយាល័យសមាគមនាពេលថ្មីៗនេះ លោកបានសង្កត់ធ្ងន់លើសក្តានុពលក្នុងការសម្របសម្រួលទំនាក់ទំនងដោយផ្ទាល់ និងកិច្ចសហការរវាងសហគ្រិនជប៉ុន និងកម្ពុជា ដោយបន្ស៊ីដំណើរការការងារជាជាងពឹងផ្អែកតែលើទំនាក់ទំនងការទូត។

សូមរំលឹកថា សមាគមជប៉ុន-កម្ពុជា បានបើកការិយាល័យរបស់ខ្លួននៅក្នុងប្រទេសកម្ពុជានាថ្ងៃទី១ ខែមេសា ឆ្នាំ២០២៤។ ការវិវត្តជាវិជ្ជមាននេះត្រូវបានរំពឹងថា នឹងជំរុញឱ្យមានទំនាក់ទំនងកាន់តែស្អិតរមួតរវាងសហគ្រាសធុនតូចនិងមធ្យមជប៉ុន ជាមួយនិងសមភាគីកម្ពុជារបស់ពួកគេ ដើម្បីជំរុញកំណើនរួមនិងផលិតមុខទំនិញពិសេស(niche market)សម្រាប់បម្រើទីផ្សារទាំងនៅក្នុងតំបន់អាស៊ាន និងទីផ្សារអន្តរជាតិ។

ឯកឧត្តមរដ្ឋមន្ត្រី ហែម វណ្ណឌី បានលើកឡើងថា វត្តមានផ្ទាល់របស់សមាគមនៅក្នុងប្រទេស មានសារៈសំខាន់ ហើយកម្ពុជានឹងប្រើប្រាស់ការិយាល័យរបស់សមាគមជាប្រយោជន៍ ក្នុងការរៀនសូត្រអំពីនវានុវត្តន៍របស់ជប៉ុន និងស្វែងរកកិច្ចសហប្រតិបត្តិការ ដើម្បីបម្រើទាំងទីផ្សារក្នុងស្រុក និងសម្រាប់ការនាំចេញ។ ឯកឧត្តមបានសង្កត់ធ្ងន់លើសក្តានុពលថ្មីនៅក្នុងប្រព័ន្ធអេកូឡូស៊ីសហគ្រាសធុនតូចនិងមធ្យមរបស់ កម្ពុជា និងការប្តេជ្ញាចិត្តរបស់ក្រសួងក្នុងការកែលម្អសេវាសាធារណៈ ជាពិសេសហេដ្ឋារចនាសម្ព័ន្ធគុណភាពជាតិ ដើម្បីគាំទ្រដល់ធុរកិច្ចជនឱ្យបានកាន់តែប្រសើរ។ ជាមួយគ្នានេះ ដោយផ្តោតលើកិច្ចសហប្រតិបត្តិការ និងសក្តានុពល ដូចជាការកែច្នៃកសិផល បច្ចេកវិទ្យាបៃតង និងគ្រឿងអេឡិចត្រូនិក ឯកឧត្តមបានលើកឡើងថា កម្ពុជាចង់ទាក់ទាញការវិនិយោគពីជប៉ុន ជាពិសេសលើវិស័យដែលផ្តល់តម្លៃបន្ថែមខ្ពស់ដល់កសិផលក្នុងស្រុក និងបង្កើនផលិតភាព។

លោក Kazunori KATO នាយកប្រតិបត្តិនិងជាអគ្គលេខាធិការរបស់សមាគមជប៉ុន-កម្ពុជា បានជម្រាបជូនពីយុទ្ធសាស្ត្របឋម​ចំនួនពីររបស់សមាគម ដែលផ្តោតលើការសហការផលិតមុខទំនិញជាមួយសហគ្រាសធុនតូចនិងមធ្យមកម្ពុជា ព្រមទាំងគំនិតផ្តួចផ្តើមក្នុងការបណ្តុះបណ្តាលជំនាញបច្ចេកទេស ដើម្បីលើកកម្ពស់កម្លាំងពលកម្មកម្ពុជា។ លោកបានបង្ហាញចំណាប់អារម្មណ៍វិជ្ជមានពីដំណើរទស្សនកិច្ចរបស់គណៈប្រតិភូធុរកិច្ចជប៉ុននៅកម្ពុជាកាលពីពេលថ្មីៗនេះ។

បន្ថែមលើកិច្ចសហប្រតិបត្តិការជាមួយសហគ្រាសកម្ពុជា សមាគម សហព័ន្ធធុរកិច្ច និងសភាពាណិជ្ជកម្ម  ឯកឧត្តមរដ្ឋមន្ត្រីក៏បានស្នើឱ្យសមាគមសហការជាមួយ សហគ្រិនខ្មែរ ដែលជាបរធនបាលរបស់រាជរដ្ឋា ភិបាល ក្នុងការគាំទ្រដល់ធុរកិច្ចថ្មី និងសហគ្រាសធុនតូចនិងមធ្យមនៅកម្ពុជា។ ឯកឧត្តមបានលើកឡើងថា ភាពជាដៃគូនេះនឹងអាចប្រើប្រាស់ជំនាញ និងបទពិសោធន៍របស់សហគ្រិនខ្មែរដែលបានផ្តល់ការបណ្តុះបណ្តាលបច្ចេកទេស និងការគាំទ្រហិរញ្ញវត្ថុ ដើម្បីជំរុញកិច្ចសហប្រតិបត្តិការរវាងសហគ្រាសធុនតូចនិងមធ្យមជប៉ុន និងសហគ្រាសកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល