សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
PT Dewhirst ជាក្រុមហ៊ុនផលិតសម្លៀកបំពាក់ដ៏ធំមួយដែលមានមូលដ្ឋានកណ្តាលនៅប្រទេសឥណ្ឌូនេស៊ី និងមានប្រតិបត្តិការងារនៅតាមបណ្តាប្រទេសជាង៤០ផ្សេងទៀតតាមរយៈមុខជំនួញប្រតិបត្តិការរោងចក្រកាត់ដេរ និងផ្តល់ការងារជូនមនុស្សរាប់ម៉ឺននាក់។
តាមរយៈបទពិសោធជាង៤០ឆ្នាំ ក្រុមហ៊ុនតែងតែបានបង្ហាញអំពីការយល់ដឹងពីសក្ដានុពលរបស់ជនពិការចំពោះក្រុមហ៊ុន។ ក្នុងនាមជាក្រុមហ៊ុនកាត់ដេរឈានមុខគេក្នុងប្រទេសផងនោះ PT Dewhirst បាន និងកំពុងផ្តល់ឱកាសការងារស្មើៗគ្នាសម្រាប់អ្នកស្វែងរកការងារដែលមានពិការភាពតាំងពីឆ្នាំ២០០១មកដោយមានកម្មករសរុបចំនួន ២៧ ០០០នៅទូទាំងប្រទេស ហើយក្នុងនោះកម្មករដែលពិការភាពមានចំនួន ២៩នាក់។
ប្រធានផ្នែកធនធានមនុស្សនៃក្រុមហ៊ុន PT Dewhirst បានលើកឡើងបែបនេះថា៖
«ពួកយើងជាក់ស្តែង ពិតជាចង់ផ្តល់ការងារឲ្យបានកាន់តែច្រើនចំពោះជនពិការភាពដោយសារតែយើងអាចមើលឃើញពីសក្តានុពលដ៏សំខាន់នៃក្រុមមនុស្សទាំងនោះ ទាំងជំនាញ និងផលិតផលនៃការងារ ហើយវាក៏ជាការប្តេជ្ញាចិត្តជាយូរមកហើយពីសំណាក់ថ្នាក់ដឹកនាំរបស់ក្រុមហ៊ុនរបស់យើងផងដែរ»។
បច្ចុប្បន្ន PT Dewhirst ត្រូវបានគេចាត់ទុកថាធុរកិច្ចបរិយបន្នគំរូមួយនៅឥណ្ឌូនេស៊ីតាមរយៈការផ្តល់ការងារជូនជនពិភារ និងសកម្មភាពសង្គមជាច្រើនផ្សេងទៀតដែលជាយុទ្ធសាស្ត្រក្នុងការជំរុញការងារនេះកន្លងមក ហើយក្រុមហ៊ុនក៏បានអភិវឌ្ឍនូវកម្មវិធីបណ្តុះបណ្តាលជំនាញបន្ថែមដល់បុគ្គលិកនៅក្រុមហ៊ុនផ្ទាល់ និងនៅតាមសាលារៀនវិជ្ជាជីវៈជាច្រើនផងដែរក្នុងកិច្ចដំណើរការជ្រើសរើស និងផ្តល់ការងារជូនក្រុមពលរដ្ឋពិការ។
PT Dewhirst ជាក្រុមហ៊ុនកាត់ដេរមានជំនាញខាងឌីសាញ អភិវឌ្ឍ និងផលិតផលិតផលសំលៀកបំពាក់បុរសជាច្រើនប្រភេទ រួមទាំងការកាត់ដេរ អាវក្រៅផ្លូវការ ខោធម្មតា អាវក្រៅ អាវធម្មតា និងសំលៀកបំពាក់កម្សាន្ត។
គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច សំដៅទៅលើអង្គភាពទាំងឡាយណាដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content