តស់ ! ទៅស្គាល់អាជីវកម្មបរិយាបន្នចំនួន៣ ដែលលើកមុខមាត់វិស័យស្រូវអង្ករកម្ពុជាទៅកាន់ពិភពលោក

ភ្នំពេញ ៖ ក្នុងនាមជាប្រទេសដែលមានផ្ទៃដីកសិកម្មច្រើនស្រាប់ កម្ពុជាកំពុងប្រឹងប្រែងធ្វើយ៉ាងណាឱ្យ​ផលិតផលកសិកម្មមានគុណភាពខ្ពស់ស្របតាមស្តង់ដារនាំចេញ។ ក្រៅពីកិច្ចខិតខំប្រឹងប្រែងរបស់ស្ថាប័នរដ្ឋ វិស័យឯកជនឯណោះក៏បានរួមចំណែកក្នុងការលើកកម្ពស់កសិផលខ្មែរទៅកាន់ទីផ្សារអន្តរជាតិផងដែរ។

ជាក់ស្ដែង ខាងក្រោមនេះជាក្រុមហ៊ុនបរិយាបន្នចំនួន៣ ដែលកំពុងប្រកបអាជីវកម្មលើវិស័យស្រូវ អង្ករ និងកំពុងសម្រិតសម្រាំងយកផលិតផលអង្ករដ៏ល្បីល្បាញរបស់កម្ពុជាទៅកាន់ទីផ្សារពិភពលោក៖

១. Amru Rice (Cambodia)​

Amru Rice ជា​ក្រុមហ៊ុននាំចេញ​អង្ករដ៏ធំមួយរបស់​កម្ពុជា ដែលកំពុងពង្រីកការធ្វើកសិកម្មនៅក្នុងស្រុកឱ្យដើរតាមស្តង់ដារ ដើម្បី​បង្កើន​បរិមាណ​ការ​ធ្វើក​សិ​កម្ម​ស្រូវ​សរីរាង្គ។

​នៅ​ឆ្នាំ​២០២៣ គម្រោង​ការធ្វើ​កសិកម្ម​តាម​កិច្ចសន្យា​ដែល​គ្រប់គ្រង​ដោយ​ក្រុមហ៊ុន Amru Rice បាន និងកំពុង​ពង្រីក​ខេត្ត​គោលដៅដែល​គ្របដណ្តប់​ស្ទើរតែ​គ្រប់តំបន់សំខាន់ៗ​នៃ​ប្រទេស​កម្ពុជា រួមទាំង​តំបន់​ភាគ​ឦសាន ជាពិសេស​នៅ​ខេត្តព្រះវិហារ ដោយ​ចាប់​ដៃគូ​ជាមួយ​សហករណ៍​កសិកម្ម​ (ACs)​ ចំនួន​៣៥ លើ​ដំណាំ​ស្រូវ​សរីរាង្គ ផ្ដល់​អត្ថប្រយោជន៍​ដល់​ប្រមាណ ៩៥០០ គ្រួសារ សម្រាប់​ស្រូវ​សរីរាង្គ​ជិត ២០០០០​ តោន។​

ក្រុមហ៊ុននេះកំពុងធ្វើការជាមួយកសិករប្រមាណជា ២ម៉ឺននាក់តាំងតែពីឆ្នាំ២០១៣​មក ដោយ​ផ្ដោតសំខាន់លើការលើកស្ទួយជីវភាពកសិករកម្ពុជា តាមរយៈការផ្ដល់នូវធនធាន ចំណេះដឹង គ្រាប់ពូជដែលមានគុណភាពខ្ពស់ ជីសរីរាង្គ  ព្រមទាំង​បច្ចេកទេស​កសិកម្ម​ទំនើបផងដែរ។ បច្ចុប្បន្ន ក្រុមហ៊ុននេះកំពុងនាំចេញអង្ករកម្ពុជាដែលមានគុណភាពខ្ពស់ដូចជា ប្រភេទ​អង្ករផ្កាម្លិះ និងអង្ករផ្ការំដួលជាដើមទៅកាន់ទីផ្សារពិភពលោក។

២. Signature Asia

Signature Asia ជាឈ្មោះក្រុមហ៊ុនក្នុងស្រុកមួយដែលផ្ដោតសំខាន់ទៅលើការពង្រីកវិសាលភាពនៃ​វិស័យ​កសិកម្មរបស់កម្ពុជាឱ្យឈានទៅរកភាពរីកចម្រើនថែមមួយកម្រិតទៀត។ ជាមួយគ្នានេះ ដើម្បីឈានទៅសម្រេចបាននូវការធ្វើកសិកម្មប្រកបទៅដោយនិរន្តរភាព ក្រុមហ៊ុនខាងលើ​បានរួម​ចំណែកក្នុងការបង្កើតជាគម្រោងនានា និងបានចុះកុងត្រាកសិកម្មជាបន្តបន្ទាប់ជាមួយ​កសិករ​រាប់ពាន់គ្រួសារផងដែរ។

តាមរយៈកុងត្រានោះ ក្រុមហ៊ុន Signature Asia បានបណ្ដុះបណ្ដាលកសិករឱ្យដាំ​ដុះទៅតាម​ស្តង់ដារ​ដែលរួមមានទាំងបច្ចេកទេសក្នុងការដាំដុះ និងថែទាំ ការប្រើប្រាស់ជីកសិកម្ម ការគិត​គូរពី​បរិស្ថាន គ្មានការកាប់បំផ្លាញព្រៃឈើ និងគ្មានការដាំដុះលើផ្ទៃដីខុសច្បាប់ជាដើម។ ដោយផលិតបាននូវទិន្នផលដែលមានស្តង់ដារបែបនេះ ធ្វើឱ្យក្រុមហ៊ុនមានលទ្ធភាពក្នុងការនាំចេញ ផលិតផលអង្កររបស់ខ្លួនចេញទៅកាន់ទីផ្សារអន្តរជាតិបានយ៉ាងទូលំទូលាយ។

៣. FedRice

FedRice ជាឈ្មោះក្រុមហ៊ុនមួយដែលបានឈរជើងជាង ១០ឆ្នាំ​ នៅលើវិស័យស្រូវអង្ករ។ បច្ចុប្បន្ន ក្រុមហ៊ុននេះមានទីតាំងនៅក្នុងខេត្តបាត់ដំបង ជាខេត្តដែលមានសក្កានុពលវិស័យកសិកម្ម ដ៏សំខាន់មួយរបស់កម្ពុជា។

មិនខុសគ្នាប៉ុន្មានពីក្រុមហ៊ុនទាំង២ខាងលើ ដើម្បីសម្រេចគោលដៅផលិតអង្ករដែលមាន​គុណភាព​ខ្ពស់ FedRice បានចុះកុងត្រាកសិកម្មជាមួយកសិករកម្ពុជា និងបានយកចិត្តទុកដាក់ខ្ពស់ទៅលើ​ដំណើរការដាំដុះ ជាពិសេសគឺការប្រើប្រាស់ជីកសិកម្មតែម្ដង។ ជីកសិកម្ម ត្រូវតែជាជីសរីរាង្គដែលរួមចំណែកក្នុងការកសាងសុវត្ថិភាពចំណីអាហារ ព្រមទាំង​ជាចំណែកក្នុងការលើកស្ទួយគុណភាពដីនិយាយដោយឡែក និងនិយាយជារួមអាចថែរក្សា​បរិស្ថានដាំដុះបានល្អប្រសើរ។

ក្រៅពីការយកចិត្តទុកដាក់លើការដាំដុះ ក្រុមហ៊ុនក៏បានសង្កត់ធ្ងន់ទៅលើការប្រមូលផល ជាពិសេស ដំណើរការកិនស្រូវ ដោយធ្វើយ៉ាងណាមិនឱ្យបាត់បង់នូវសារធាតុបំប៉ន និងរសជាតិដ៏ឈ្ងុយ​ឆ្ងាញ់របស់​អង្ករកម្ពុជា។ តាំងតែពីឆ្នាំ២០១៣ មក FedRice បានផ្គត់ផ្គង់អង្ករ ៣ ប្រភេទ ដែលជាអង្ករមានគុណភាពខ្ពស់​បំផុតរបស់ពិភពលោក និងមានលទ្ធភាពផលិតអង្ករបានប្រមាណ ១២០០០តោន ក្នុងមួយឆ្នាំ។

គិតមកដល់ពេលនេះ ផលិតផលអង្កដែលមានគុណភាពល្អរបស់ក្រុមហ៊ុននេះ បានចែកចាយទៅកាន់​ទីផ្សារពិភពលោកដូចជា ប្រទេសមួយចំនួននៃទ្វីបអាហ្វ្រីក អ៊ឺរ៉ុប និងសហរដ្ឋ​អាមេរិក​ផងដែរ។

គួរបញ្ជាក់ថា អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើត ដំណោះ​ស្រាយ​ជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធ​របស់ប្រជាជនក្រីក្រ និងប្រជាជនមានចំណូលទាប (BoP និង B40)។

បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូល​ខ្ពស់គួរ​សម និងបង្កើននូវស្តង់ដារជីវភាពរស់នៅប្រសើរជាងមុន ដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល