សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្មីៗនេះ រដ្ឋាភិបាលនៃប្រទេសជប៉ុនបានប្រកាសបញ្ជាទិញឧទ្ធម្ភាគចក្រទំនើបដែលផលិតដោយក្រុមហ៊ុនអាមេរិក Boeing ត្រកូល CH-47 Chinook ប្រមាណ ១៧គ្រឿង និងបានក្លាយទៅជាអតិថិជនទី៤ហើយដែលបញ្ជាទិញសព្វាវុធប្រភេទនេះ។
CH-47 Block II Chinook ជាម៉ូឌែលក្រោយនៃត្រកូល និងអាចរត់បានចំងាយឆ្ងាយជាងមុន។ ម៉ូឌែលនេះត្រូវបានប្រើប្រាស់ និងប្រតិបត្តិការដោយកងកម្លាំងយោធាសហរដ្ឋអាមេរិកនាពេលបច្ចុប្បន្ន។ ជប៉ុនដែលជាអតិថិជនទី៤បន្ទាប់ពីអាល្លឺម៉ង់ដែលធ្លាប់បានបញ្ជាទិញឧទ្ធម្ភាគចក្រនេះប្រមាណ ៤ពាន់លានដុល្លារក្នុងចំនួន៦០គ្រឿងកាលពីឆ្នាំ២០២២ ហើយអង់គ្លេសបានបញ្ជាទិញប្រមាណជា១៤គ្រឿងកាលពីឆ្នាំ២០២៤។
តាមផែនការត្រកូល CH-47 ថ្មីដែលជប៉ុនបញ្ជាទិញនោះនឹងត្រូវសហការផលិតដោយក្រុមហ៊ុន Boeing និងក្រុមហ៊ុនជប៉ុន Kawasaki Heavy Industries ទាំងដែលប្រទេសជប៉ុនកន្លងមកក៏ជាគោលដៅអ្នកជួយគាំទ្រផលិតគ្រឿងបន្លាស់របស់ CH-47 JA ផងដែរ។
គួរឲ្យដឹងដែរថា ឧទ្ធម្ភាគចក្រទាំង១៧គ្រឿងនឹងត្រូវដាក់ឲ្យប្រើប្រាស់ដោយកងកម្លាំងការពារជាតិជប៉ុនដើម្បីជំនួសឲ្យឧទ្ធម្ភាគចក្រ CH-47 JA ដែលជប៉ុនធ្លាប់បានបញ្ជាទិញតាំងតែពីទសវត្សរ៍ឆ្នាំ១៩៨០ និងប្រគល់ជូនជប៉ុនប្រើប្រាស់នៅទសវត្សរ៍ឆ្នាំ២០០០។
កាលពីឆ្នាំ២០១៩ កងទ័ពអាមេរិកបានសម្រេចចិត្តមិនអភិវឌ្ឍ និងផលិត CH-47F Block II ឡើយ ដោយសង្ឃឹមយកលុយវិនិយោគទៅលើសព្វាវុធផ្សេងវិញ ប៉ុន្តែប៉ុន្មានឆ្នាំក្រោយមក Block II ត្រូវបានដាក់បញ្ចូលក្នុងការកម្មវិធីផលិតឡើងវិញ ហើយក៏ទើបទទួលបានទុនវិនិយោគចុងក្រោយបំផុតប្រមាណជាង៤៦០លានដុល្លារ។
សមត្ថភាពពិសេសរបស់ CH-47 Chinook ត្រូវបានប្រើប្រាស់ជាពិសេសនៅក្នុងប្រតិបត្តិការជួយសង្គ្រោះក្នុងហេតុការណ៍មានគ្រោះធម្មជាតិ ប្រតិបត្តិការការពារដែនអាកាស និងសន្តិសុខជាតិ ហើយបច្ចុប្បន្នវាថែមទាំងត្រូវបានយកទៅប្រើប្រាស់ក្នុងបេសកកម្មឃ្លាំមើលតាមដែនសមុទ្រផងដែរ ខណៈដែលតម្លៃផលិតរបស់វានីមួយៗអាចមានចន្លោះពី ២៥លាន ទៅដល់ជិត ៧០លានដុល្លារ៕
Account
Security
Favourite Content