សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាលពីថ្ងៃអាទិត្យសប្តាហ៍កន្លងទៅនេះ តំណាងរបស់រដ្ឋាភិបាលប្រទេសកូរ៉េខាងត្បូង ចិន និងជប៉ុន បានជួបជុំគ្នាជាលើកដំបូងក្នុងរយៈពេល៥ឆ្នាំចុងក្រោយនេះ ក្រោមប្រធានបទផ្តោតសំខាន់ទៅលើបញ្ហាសេដ្ឋកិច្ចក្នុងតំបន់ និងសកល។
ក្នុងហេតុការណ៍កន្លងទៅនេះគេសង្កេតឃើញថា ដោយសារបញ្ហាសំពាធដែលបណ្តាលមកពីការតម្លើងពន្ធថ្មីរបស់ប្រធានាធិបតីអាមេរិក លោក Donald Trump ជាពិសេសទៅលើពន្ធនាំចូលរថយន្តទាំងឡាយមកចូលក្នុងទីផ្សារសហរដ្ឋអាមេរិកដែលវានឹងប៉ះពាល់ធ្ងន់ធ្ងរដល់បណ្តាប្រទេសជាច្រើន ជាពិសេសប្រទេសទាំង៣ ដែលស្ថិតក្នុងតំបន់អាស៊ីខាងលើនេះខ្លាំងជាងគេ ទើបធ្វើឲ្យមានការរៀបចំជាជំនួបកំពូលនេះកើតឡើង។
សេចក្តីថ្លែងការណ៍ដែលត្រូវបានបង្ហាញជាសាធារណៈក្រោយជំនួបគ្នាបានរៀបរាប់បែបនេះថា៖ កិច្ចប្រជុំថ្នាក់រដ្ឋមន្ត្រីសេដ្ឋកិច្ច និងពាណិជ្ជកម្មរវាងប្រទេសទាំង៣ បានព្រមព្រៀងគ្នាក្នុងការធ្វើការជាមួយគ្នាយ៉ាងជិតស្និទ្ធ និងគ្រប់ជ្រុងជ្រោយដើម្បីអាចលើកកំពស់សកម្មភាពពាណិជ្ជកម្មទាំងក្នុងតំបន់ និងក្នុងសកលលោក។
រដ្ឋមន្ត្រីក្រសួងពាណិជ្ជកម្មរបស់កូរ៉េខាងត្បូង លោក Ahn Duk Geun ដែលបានចូលរួមកិច្ចប្រជុំនេះដែរនោះបានថ្លែងថា៖ វាគឺជារឿងចាំបាច់ក្នុងពេលបច្ចុប្បន្នដើម្បីអាចពង្រឹងការអនុវត្តកិច្ចព្រមព្រៀង RCEP ដែលប្រទេសទាំង៣ក៏ជាអ្នកចូលរួមរួចទៅហើយនោះ ព្រមទាំងបង្កើតក្របខ័ណ្ឌសម្រាប់ពង្រីកកិច្ចសហប្រតិបត្តិការពាណិជ្ជកម្មក្នុងចំណោមប្រទេសទាំង ៣ តាមរយៈកិច្ចចរចាទៅលើកិច្ចព្រមព្រៀងពាណិជ្ជកម្មសេរី FTA ថ្មីមួយទៀតកូរ៉េ-ចិន-ជប៉ុនផងដែរ។
គួរឲ្យដឹងដែរថា ជំនួបរវាងរដ្ឋមន្ត្រីទាំង៣បានធ្វើឡើងនៅមុនពេលដែលការអនុវត្តពន្ធដោយអាមេរិកនឹងត្រូវធ្វើឡើង។ រដ្ឋាភិបាលទីក្រុងសេអ៊ូល ប៉េកាំង និងតូក្យូ គឺជាដៃគូពាណិជ្ជកម្ម និងសម្ព័ន្ធមិត្តដ៏សំខាន់បំផុតរបស់សហរដ្ឋអាមេរិកក្នុងក្របខណ្ឌកិច្ចព្រមព្រៀង និងបញ្ហានយោបាយជាច្រើនរបស់សកលលោកផង ក៏ជាអ្នកនាំចូលធំជាងគេទៅលើផលិតផលរថយន្តផង។
កាលពីសប្តាហ៍មុន លោក Trump បានប្រកាសតម្លើងពន្ធ២៥ភាគរយទៅលើគ្រប់ផលិតផលរថយន្តទាំងអស់ដែលវានឹងអាចធ្វើឲ្យប៉ះពាល៉ធ្ងន់ធ្ងរដល់ប្រទេសកូរ៉េខាងត្បូង ជប៉ុន និងចិនយ៉ាងខ្លាំង។
ចាប់តាំងតែពីឆ្នាំ២០១២ កិច្ចខិតខំរបស់ប្រទេសទាំង៣ ដើម្បីបង្កើតបានទៅជាកិច្ចព្រមព្រៀងពាណិជ្ជកម្មត្រីភាគីគឺធ្វើឡើងមិនអាចទៅរួចនោះទេ លើកលែងដែលកិច្ចព្រមព្រៀង RCEP ដែលបានអនុវត្តកាលពីឆ្នាំ២០២២ ទើបអាចមានវត្តមានចូលរួមដោយកូរ៉េខាងត្បូង ជប៉ុន និងចិនកើតឡើង។ តាមរយៈការពិភាក្សាគ្នាលើកនេះ ភាគីទាំង ៣ ក៏បានយល់ព្រមថា នឹងត្រូវតែជួបប្រជុំគ្នាម្តងទៀត ដោយគ្រោងធ្វើឡើងនៅក្នុងប្រទេសជប៉ុន៕
Account
Security
Favourite Content