សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ សហរដ្ឋអាម៉េរិក ជាមហាអំណាចសព្វាវុធនៅលើសកលលោក ដោយក្នុងនោះសូម្បីតែយន្តហោះទម្លាក់គ្រាប់បែកខ្នាតយក្សក៏មានច្រើនប្រភេទផងដែរ រួមមានដូចជា ប្រភេទ B-52 Stratofortress, B-1B Lancer និង B-2 Spirit ជាដើម។ ថ្ងៃនេះ យើងនឹងលើកឡើងនូវប្រភេទយន្តហោះទម្លាក់គ្រាប់បែកចំនួន ២ប្រភេទ ដែលកំពុងមានឈ្មោះល្បីល្បាញបំផុតក្នុងប្រតិបត្តិការតាំងពីអតីតកាលរហូតមកដល់បច្ចុប្បន្ន ដើម្បីប្រៀបធៀបគ្នានូវចំណុចពិសេសមួយចំនួនរបស់វា។
កាលពីប៉ុន្មានថ្ងៃកន្លងមកនេះ យន្តហោះទម្លាក់គ្រាប់បែកខ្នាតយក្ស B-2 ទើបតែបានទទួលជោគជ័យក្នុងការវាយប្រហារដោយទម្លាក់គ្រាប់បែកទំងន់ធ្ងន់ទៅលើទីតាំងនុយក្លេអ៊ែររបស់អ៊ីរ៉ង់ចំនួន៣កន្លែង ដែលបានបង្កការភ្ញាក់ផ្អើលពាសពេញពិភពលោក។
B-2 និង B-52 មានមុខងារខុសគ្នាជាច្រើន ពោលគឺខុសទាំងរូបរាង និងគោលបំណងនៃការប្រើប្រាស់ ដោយ B-2 ត្រូវបានរចនាឡើងដើម្បីលាក់ខ្លួនពីរ៉ាដារបស់សត្រូវ ខណៈដែល B-52 គឺជាយន្តហោះដែលអាចហោះហើរបានក្នុងចំងាយឆ្ងាយ និងផ្ទុកគ្រាប់បែកបានច្រើនជាង។
លក្ខណៈសម្បត្តិរបស់ B-2 Spirit គឺវាត្រូវបានផលិតឡើងជាមួយនឹងមុខងារបំបាំងខ្លួន និងមានសមត្ថភាពក្នុងការជ្រៀតចូលក្នុងទីតាំងដែលមានរ៉ាដាដែនអាកាសលំបាកខ្លាំង។ B-2 នេះ អាចផ្ទុកសព្វាវុធក្នុងទំហំបាន ៤០០០ផោន ឬប្រមាណជាជិត ២តោន។ សម្រាប់មុខងារបើកយន្តហោះវិញ B-2 អាចផ្ទុកអ្នកបើកបរបានតែពីរនាក់ប៉ុណ្ណោះ។
B-2 គឺជាយន្តហោះដែលត្រូវបានផលិតឡើងនៅក្នុងឆ្នាំ១៩៨៨ និងអាចហោះហើរបានក្នុងចំងាយ ១១០០០គីឡូម៉ែត្រ។ បច្ចុប្បន្ន ការលក់នៅលើទីផ្សារស្ថិតក្នុងតម្លៃយ៉ាងហោចណាស់ ២,១ពាន់លានដុល្លារក្នុងមួយគ្រឿង។ គិតមកទល់បច្ចុប្បន្ន អាម៉េរិកបានផលិត និងដាក់ឲ្យប្រើប្រាស់យន្ដហោះប្រភេទនេះសរុបចំនួន១៩គ្រឿងមកហើយ ក្នុងនោះ ១គ្រឿងបានផ្ទុះធ្លាក់កាលពីឆ្នាំ២០០៨។
B-52 ឯណោះវិញ ថ្វីត្បិតតែជាម៉ូឌែលចាស់ ដែលផលិតដំបូងនៅចន្លោះឆ្នាំ១៩៥២ ដល់ឆ្នាំ១៩៦២ ក៏ពិតមែន ប៉ុន្តែវាមានសមត្ថភាពហោះបានក្នុងរយៈចំងាយឆ្ងាយប្រមាណជា១៤០០០គីឡូម៉ែត្រ និងអាចផ្ទុកបានគ្រាប់បែកបានច្រើនជាង B-2 ។ យន្ដហោះ B-52 អាចផ្ទុកបានរហូតទៅដល់៧០០០ផោន ដោយរាប់បញ្ចូលទាំងអាវុធគ្រប់ប្រភេទ និងឈានទៅដល់ក្បាលគ្រាប់នុយក្លេអ៊ែរទៀតផង។ សម្រាប់ការបើកបរយន្តហោះវិញ B-52 ត្រូវការអ្នកបើកបរដល់ទៅ៥នាក់ ដើម្បីអាចគ្រប់គ្រងប្រតិបត្តិរបស់យន្តហោះនេះបាន។ គួរបញ្ជាក់ផងដែរថា យន្ដហោះប្រភេទ B-52 តែងទទួលបានការយកចិត្តទុកដាក់ និងធ្លាប់បានជួសជុល ថែរក្សា បំពាក់បច្ចេកវិទ្យាថ្មីៗជាច្រើនដងមកហើយ៕
Account
Security
Favourite Content