សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ អគ្គនាយកដ្ឋានពន្ធដារ នៅថ្ងៃទី១៩ ខែកុម្ភៈ ឆ្នាំ២០២៥ បានរៀបចំសិក្ខាសាលាផ្សព្វផ្សាយអំពីយុទ្ធសាស្ត្រកៀរគរចំណូលរបស់រាជរដ្ឋាភិបាល នីតិកាលទី៧ នៃរដ្ឋសភា និងផែនការយុទ្ធសាស្ត្រ ផែនការប្រតិបត្តិ ២០២៤-២០២៨ របស់អគ្គនាយកដ្ឋានពន្ធដារ។ សិក្ខាសាលានេះត្រូវបានធ្វើឡើងដោយផ្ទាល់ និងបន្តផ្ទាល់តាមអនឡាញ។
លោកបណ្ឌិត សេង ជាសិទ្ធ ប្រធាននាយកដ្ឋាននីតិកម្មគោលនយោបាយសារពើពន្ធ និងសហប្រតិបត្តិការពន្ធដារអន្តរជាតិបានគូសបញ្ជាក់ថា សិក្ខាសាលានេះមានគោលបំណងផ្សព្វផ្សាយឱ្យបានទូលំទូលាយអំពីយុទ្ធសាស្ត្រកៀរគរចំណូលរបស់រាជរដ្ឋាភិបាលនីតិកាលទី៧ នៃរដ្ឋសភា និងផែនការយុទ្ធសាស្ត្រ និងផែនការប្រតិបត្តិ ២០២៤-២០២៨ របស់អគ្គនាយកដ្ឋានពន្ធដារ ជូនអង្គភាពពន្ធដារទាំងអស់ចូលរួមក្នុងការអនុវត្តប្រកបដោយស្មារតីទទួលខុសត្រូវ និងប្រសិទ្ធភាពខ្ពស់។ ជារួម យុទ្ធសាស្ត្រកៀរគរចំណូលរបស់រាជរដ្ឋាភិបាល នីតិកាលទី៧ នៃរដ្ឋសភា ត្រូវបានដាក់ចេញក្នុងគោលបំណងដើម្បីបន្តការងារកែទម្រង់ហិរញ្ញវត្ថុសាធារណៈមួយដំណាក់កាលទៀត និងដើម្បីធានាឱ្យបាននូវកំណើនសេដ្ឋកិច្ច ធានានូវយុត្តិធម៌ និងសមធម៌ក្នុងការបង់ពន្ធ និងធានាឱ្យបាននូវកំណើនចំណូល និងប្រសិទ្ធភាពនៃការគ្រប់គ្រងការប្រមូលចំណូល សំដៅឆ្លើយតបទៅនឹងតម្រូវការចំណាយរបស់រាជរដ្ឋាភិបាលសម្រាប់ការអនុវត្តយុទ្ធសាស្ត្របញ្ចកោណដំណាក់កាលទី១។
ជាមួយគ្នានេះ យុទ្ធសាស្ត្របានដាក់ចេញនូវវិធានការទាក់ទិននឹងពន្ធដារដោយបន្តធ្វើទំនើបកម្ម និងពង្រឹងអភិបាលកិច្ច និងស្ថាប័នធានាឱ្យបាននូវកំណើនប្រកបដោយប្រសិទ្ធភាព ការគ្រប់គ្រងលើការប្រមូលចំណូលពន្ធ តាមរយៈការធ្វើបរិវត្តកម្មអគ្គនាយកដ្ឋានពន្ធដារឱ្យទៅជារដ្ឋបាលសារពើពន្ធ ២.០បូក(Tax Administration 2.0+) និងឈានឆ្ពោះទៅរដ្ឋបាលសារពើពន្ធជំនាន់ ៣.០ (Tax Administration 3.0) ដើម្បីបង្កើនសមត្ថភាព ប្រសិទ្ធភាព និងស័ក្តិសិទ្ធិភាពក្នុងការគ្រប់គ្រង ការប្រមូលចំណូលពន្ធ និងការផ្តល់សេវាជូនអ្នកជាប់ពន្ធផងដែរ។
លោកបណ្ឌិត ម៉ុង ឡាមី ប្រធានការិយាល័យគោលនយោបាយសារពើពន្ធ បានធ្វើបទបង្ហាញលើប្រធានបទស្តីពីយុទ្ធសាស្ត្រកៀរគរចំណូលរបស់រាជរដ្ឋាភិបាលនីតិកាលទី៧ នៃរដ្ឋសភា ដែលចែកចេញជា ៩ ផ្នែក រួមមាន៖ ១.សេចក្តីផ្តើម ២.វិធានការគោលនយោបាយដែលបាននិងកំពុង អនុវត្តក្នុងឆ្នាំ២០២៤ ៣.ក្របខ័ណ្ឌរួមនៃយុទ្ធសាស្ត្រកៀរគរចំណូលរបស់រាជរដ្ឋាភិ ទ្ធសាស្ត្រកៀរគរចំណូលរបស់រាជរដ្ឋាភិបាល នីតិកាលទី៧ នៃរដ្ឋសភា ៤.ការធ្វើទំនើប ភាវូបនីយកម្មរដ្ឋបាលសារពើពន្ធ ៥.ការធ្វើទំនើបកម្ម និងវិចារណកម្មគោលនយោបាយ ៦.ការពង្រឹងរដ្ឋបាល និងគោលនយោបាយ ចំណូលមិនមែនសារពើពន្ធ ៧.ការគ្រប់គ្រងហានិភ័យ ៨.ការត្រួតពិនិត្យ និងវាយតម្លៃ និង ៩.សេចក្តីសន្និដ្ឋាន។
ជាមួយគ្នានេះ លោកបណ្ឌិតក៏បានធ្វើការរៀបរាប់អំពីសាវតារសង្ខេបនៃការរៀបចំប្រមូលឯកសារ និងចងក្រងសេចក្តីព្រាងដំបូងនូវផែនការយុទ្ធសាស្ត្រ របស់អគ្គនាយកដ្ឋានពន្ធដារជូនអង្គសិក្ខាសាលា ដោយក្រុមការងារបានធ្វើការសិក្សាស្រាវជ្រាវនូវឯកសារគោលនយោបាយជាតិ និងអន្តរជាតិពាក់ព័ន្ធនឹងពន្ធដារ ដើម្បីជាមូលដ្ឋានសម្រាប់ជជែកពិភាក្សា និងជាធាតុចូលដ៏មានសារៈសំខាន់ក្នុងការរៀបចំនូវ គ្រោងឆ្អឹងនៃសេចក្តីព្រាងផែនការយុទ្ធសាស្ត្រនេះផងដែរ។
ជាមួយគ្នានេះដែរ លោក ខាន់ បញ្ញាឫទ្ធិ អនុប្រធានការិយាល័យគោលនយោបាយសារពើពន្ធ ក៏បានធ្វើបទបង្ហាញលម្អិតស្តីពីផែនការយុទ្ធសាស្ត្រ និងផែនការប្រតិបត្តិ ២០២៤-២០២៨ របស់អគ្គនាយកដ្ឋានពន្ធដារ ដោយចែកចេញជា៣ផ្នែក រួមមាន៖ ១.សាវតារនិងទិដ្ឋភាពទូទៅ ២.គោលបំណងនិងគោលដៅជាយុទ្ធសាស្ត្រ និង៣.ផែនការប្រតិបត្តិ២០២៤-២០២៨ របស់អគ្គនាយកដ្ឋានពន្ធដារ៕
Account
Security
Favourite Content