សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ម៉ាឡេស៊ី និងឥណ្ឌូណេស៊ី បានសម្រេចបិទមុខងារបញ្ញាសិប្បនិម្មិត Chatbot Grok របស់ Elon Musk ដោយសារមានការផលិតមាតិការ ឬ រូបភាពក្លែងក្លាយដែលអាចបំពាន ឬបៀតបៀនដល់ផ្លូវភេទ នេះបើយោងតាមសេចក្ដីរាយការណ៍ព័ត៌មានពី BBC ។
Grok មានមុខងារដូចទៅនឹង ChatGPT ឬ Gemini ដែរ ប៉ុន្តែភាគច្រើនត្រូវបានគេប្រើប្រាស់នៅលើវេទិកា X ដែលអនុញ្ញាតឱ្យអ្នកប្រើប្រាស់បង្កើតរូបភាព AI ។ យ៉ាងណាមិញ នៅក្នុងរយៈពេលប៉ុន្មានសប្តាហ៍ចុងក្រោយនេះ វាកាន់តែបង្កជាហានិភ័យគួរឱ្យបារម្ភ ដោយសារវាត្រូវបានគេប្រើប្រាស់ដើម្បីកែសម្រួលរូបភាពមនុស្សពិតទៅជារូបភាពដែលមានភាពស៊ិចស៊ី បង្ហាញម៉ូដសម្លៀកបំពាក់ ឬលើសពីនេះទៅទៀត។ សម្រាប់បណ្តាប្រទេសមួយចំនួននៅអាស៊ីអាគ្នេយ៍បានបង្ហាញពីក្តីបារម្ភថា Grok អាចត្រូវបានប្រើប្រាស់ដើម្បីផលិតរូបភាពអាសអាភាសដោយគ្មានការអនុញ្ញាត ឬ យល់ព្រមពីម្ចាស់រូបភាពដែលភាគច្រើនជាស្ត្រី និងកុមារ។ ទន្ទឹមនឹងនេះ ទាំង Grok និងក្រុមហ៊ុនមេរបស់ខ្លួន X កំពុងប្រឈមនឹងសម្ពាធរបស់អង់គ្លេស បន្ទាប់ពីលេខាធិការបច្ចេកវិទ្យា លោកស្រី Liz Kendall បានអំពាវនាវឱ្យមានការបិទឬ ហាមឃាត់ការចូលប្រើប្រាស់វេទិកាប្រព័ន្ធផ្សព្វផ្សាយសង្គម ដែលមិនអនុវត្តតាមច្បាប់សុវត្ថិភាពអនឡាញ។
ថ្មីៗនេះ ក្រសួងទំនាក់ទំនងរបស់ប្រទេសម៉ាឡេស៊ី និងឥណ្ឌូនេស៊ី បានចេញសេចក្តីថ្លែងការណ៍ដាច់ដោយឡែកពីគ្នា ដែលប្រកាសពីវិធានការរបស់ពួកគេប្រឆាំងនឹង Grok។ ជាមួយគ្នានេះ កាលពីថ្ងៃអាទិត្យ កន្លងទៅនេះ គណៈកម្មការទំនាក់ទំនង និងព័ត៌មានម៉ាឡេស៊ី បានលើកឡើងថា ខ្លួនបានចេញសេចក្តីជូនដំណឹងដល់ក្រុមហ៊ុន X រួចហើយ ដើម្បីស្វែងរកវិធានការតឹងរ៉ឹង បន្ទាប់ពីបានរកឃើញថា Grok ត្រូវបានប្រើប្រាស់ក្នុងរូបភាពមិនល្អម្តងហើយម្តងទៀត ដើម្បីបង្កើតមាតិកាដែលបង្កគ្រោះថ្នាក់។ យ៉ាងណាមិញ X បរាជ័យក្នុងការដោះស្រាយហានិភ័យដែលមានស្រាប់នៅលើវេទិការបស់ខ្លួន។ ដូច្នោះហើយ មុខងារ Grok នឹងត្រូវបានហាមឃាត់រហូតដល់ពេលដែល X ផ្តល់កិច្ចការពារប្រកបដោយប្រសិទ្ធភាព និងគាំទ្រឱ្យអ្នកប្រើប្រាស់អាចរាយការណ៍អំពីខ្លឹមសារដែលបង្កគ្រោះថ្នាក់នៅលើអ៊ីនធឺណិត។
លោក Meutya Hafid រដ្ឋមន្ត្រីក្រសួងទំនាក់ទំនង និងកិច្ចការឌីជីថលរបស់ឥណ្ឌូនេស៊ី បានលើកឡើងថា ការប្រើប្រាស់ Grok ដើម្បីផលិតខ្លឹមសារអាសអាភាស គឺជាការរំលោភសិទ្ធិមនុស្ស សេចក្តីថ្លៃថ្នូរ និងសុវត្ថិភាពតាមអ៊ីនធឺណិត ហើយក្រសួងក៏បានស្នើសុំឱ្យវេទិកា X ផ្តល់ការបំភ្លឺអំពីការប្រើប្រាស់ Grok នេះផងដែរ៕
Account
Security
Favourite Content