សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្នុងសម័យកាលនៃការប្រកួតប្រជែងទីផ្សារដ៏សេរីរបស់ពិភពលោក ការផលិតទ្រង់ទ្រាយធំ ឬ Mass Production ត្រូវបានគេចាត់ទុកថាគឺជាកូនសោរដ៏សំខាន់សម្រាប់បណ្តាប្រទេសទាំងឡាយណាដែលមានធនធានមនុស្ស និងលក្ខខណ្ឌអំណោយផលល្អប្រសើរជាងគេក្នុងការទទួលយកអត្ថប្រយោជន៍ជាច្រើនពីទីផ្សារដែលកំពុងមានតម្រូវការយ៉ាងច្រើនសន្ធឹកសន្ធាប់។
តើអ្វីទៅជាការផលិតទ្រង់ទ្រាយធំ ឬ Mass Production ហើយវាមានអត្ថប្រយោជន៍ និងផលប៉ះពាល់អ្វីខ្លះចំពោះក្រុមហ៊ុន និងប្រទេសជាតិ?
Mass Production សំដៅទៅលើផលិតកម្មនៅក្នុងរោងចក្រធំៗដែលអាចផលិតបាននូវផលិតផលដ៏ច្រើនប្រកបដោយស្តង់ដាដែលបានកំណត់ ហើយជាសង្វាក់ផលិតកម្មដែលប្រើប្រាស់ការផលិតតាមខ្នាត ឬតាមដំណាក់កាល assembly lines ឬជាការផលិតដោយរួមបញ្ជុលជាមួយនឹងបច្ចេកវិទ្យាស្វ័យប្រវត្តិមួយចំណែកធំនៃសង្វាក់ផលិតទាំងមូល។
ជាលទ្ធផលនៅក្នុងសង្វាក់ផលិតកម្មទ្រង់ទ្រាយធំ ឬ Mass Production នេះ ផលិតផលដែលផលិតអាចបំពេញតាមតម្រូវការក្នុងទីផ្សារធំបានទាំងចំនួន និងគុណភាព ហើយគឺជាផលិតកម្មដែលងាយស្រួលក្នុងការត្រួតពិនិត្យ និងកែប្រែ ជាពិសេសការងារបែងចែកការងាររបស់ធនធានមនុស្សតែម្តង។
បច្ចេកវិទ្យាដើរជាបន្ទាត់ ឬតាមដំណាក់កាល Assembly Lines ត្រូវបានគេស្រាវជ្រាវរកឃើញថា បានកកើតឡើងដំបូងនៅក្នុងការផលិតទ្រង់ទ្រាយធំដោយក្រុមហ៊ុន Ford កាលពីឆ្នាំ១៩១៣ ដែលគ្រានោះមានលោក Henry Ford គឺជាអ្នកបង្កើតគំនិត និងអនុវត្តការងារនេះដោយផ្ទាល់។
ជាទូទៅ ការផលិតទ្រង់ទ្រាយធំមិនត្រឹមតែអាចទំលាក់តម្លៃថ្លៃដើមរបស់ផលិតផលណាមួយនោះទេ ហើយលើសពីនេះវាគឺជាប្រព័ន្ធធ្វើការងារដែលប្រើប្រាស់ធនធានមនុស្សតិចតួចបំផុតធៀបទៅនឹងផលិតកម្មបែបបុរាណផងដែរ។ ក្រៅពីនោះ Mass Production អាចបង្កើតបាននូវកម្រិតគុណភាពដែលមានភាពប្រកួតប្រជែងខ្ពស់ ហើយអាចបង្កើនល្បឿននៃការផលិតបានកាន់តែលឿនអាស្រ័យទៅនឹងការប្រើប្រាស់បច្ចេកវិទ្យាកាន់តែទំនើប។ ដូចនេះមិនត្រឹមតែកាត់បន្ថយថ្លៃដើមនោះទេវាគឺអាចបំពេញតាមចិត្តរបស់អតិថិជន ឬមានន័យស្មើនឹងបង្កើនប្រាក់ចំណូលបានខ្ពស់សម្រាប់ក្រុមហ៊ុនទៀតផង។ ទោះយ៉ាងណាក៏ដោយ ការផលិតទ្រង់ទ្រាយធំមិនសុទ្ធតែមានប្រយោជន៍ទាំងអស់នោះទេ ពីព្រោះថា ការបង្កើតបណ្តាញដំឡើងដោយស្វ័យប្រវត្តិគឺពឹងផ្អែកខ្លាំងលើដើមទុនច្រើន ហើយទាមទារការវិនិយោគជាមុនរួមទាំងពេលវេលា និងធនធានផងដែរ។ ប្រសិនបើមានកំហុសក្នុងការរចនាផលិតកម្ម ការវិនិយោគមួយចំណែកណាមួយនោះប្រហែលជាចាំបាច់វានឹងទាមទារឲ្យមានការរៀបចំឡើងវិញ និងបង្កើតដំណើរការផលិតកម្មទ្រង់ទ្រាយធំឡើងវិញជាមិនខាន ជាពិសេសការផលិតទ្រង់ទ្រាយធំបានលុបបំបាត់ការងាររបស់មនុស្សមួយចំនួនធំផងដែរក្នុងពេលជាមួយគ្នានេះ៕
Account
Security
Favourite Content