សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វប្បធម៌ អរិយធម៌ និងសិល្បៈដ៏ល្អឯករបស់ខ្មែរកំពុងតែបន្តរីកមុខមាត់បន្ថែមទៀតនៅលើឆាកអន្តរជាតិតាមរយៈកម្មវិធីពិព័រណ៍ទេសចរណ៍មួយដែលមានរយៈពេលដល់ទៅ៤ឆ្នាំជាមួយនឹងវត្ថុសិល្បៈបុរាណ វត្ថុចម្លាក់ថ្មដែលមានអាយុកាលរាប់រយឆ្នាំប្រមាណជាង១០០ប្រភេទ។
កម្មវិធីតាំងពិព័រណ៍ទេសចរណ៍សិល្បៈបុរាណខ្មែរដែលត្រូវបានហៅជាភាសាអង់គ្លេស The Lost Empire of Cambodia បច្ចុប្បន្ន នេះកំពុងតែដំណើរការយ៉ាងរលូន និងគួរឲ្យមោទនភាពនៅក្នុងទីក្រុងឡូសអឺញជេឡេស សហរដ្ឋអាមេរិក នៅឯសារមន្ទីរ California Science Center ហើយកំពុងបន្តលក់សំបុត្រចូលទស្សនានៅឡើយរហូតដល់ថ្ងៃទី៥ ខែកញ្ញា មុនពេលដែលវត្ថុសិល្បៈទាំងនោះនឹងត្រូវធ្វើដំណើរទៅកាន់បណ្តាប្រទេសផ្សេងទៀតនៅលើសកលលោក ដើម្បីបង្អួតសម្រស់ និងបង្ហាញពីវប្បធម៌ អរិយធម៌ ប្រពៃណីដ៏ផូរផង់របស់ជនជាតិខ្មែរ។
ជាមួយគ្នានេះផងដែរ អ្នករៀបចំកម្មវិធីក៏បានដាក់បញ្ចូលនូវមុខងារបច្ចេកវិទ្យាវីដេអូ 3D IMAX ជាវីដេអូឯកសារប្រវត្តិរបស់ខ្មែរបុរាណដែលមានរយៈពេល៤០នាទី ដើម្បីអាចឲ្យភ្ញៀវបរទេសទទួលបាននូវការយល់ដឹង និងទទួលស្គាល់បានកាន់តែច្រើនអំពីប្រវត្តិសាស្ត្រដ៏សម្បូរបែបនៃអាណាចក្រខ្មែរដ៏អស្ចារ្យពីសម័យបុរាណ។
ក្រោមការអះអាងដោយមន្ត្រីសារមន្ទីរ California Science Center រដ្ឋកាលីហ្វ័រញ៉ា បានឲ្យដឹងថា វត្ថុសិល្បៈនៅទីនោះមានចំនួនសរុបចំនួន១២០ប្រភេទ ខណៈដែលលោក Andy Brouwer ដែលជាអ្នកជំនាញខាងទេសចរណ៍ ជាអ្នកធ្លាប់រស់នៅ និងធ្វើការក្នុងប្រទេសកម្ពុជាជាយូរឆ្នាំមកហើយនោះបានអះអាងថា វត្ថុសិល្បៈប្រមាណ៧៦ប្រភេទជារូបចម្លាក់ធ្វើពីថ្ម សំរិទ្ធ និងគ្រឿងស្មូន
ដែលបានប្រមូលជ្រើសរើសចេញពីសារមន្ទីរជាតិនាទីក្រុងភ្នំពេញ ខណៈដែលរូបចម្លាក់ពីថ្ម និងឈើប្រមាណជា២៥ប្រភេទទៀតគឺត្រូវបានជ្រើសយកចេញពីសារមន្ទីរអភិរក្សអង្គរក្នុងខេត្តសៀមរាប ដែលមានការគាំទ្រពីក្រុមហ៊ុន Getty Images ផងដែរ។
គួរឲ្យដឹងដែរថា នៅក្រោយការបញ្ចប់ទៅនៃការតាំងពិព័រណ៍នៅអាមេរិកហើយនោះ វត្ថុសិល្បៈបុរាណខ្មែរទាំងនោះនឹងត្រូវបន្តធ្វើដំណើរទៅកាន់បណ្តាប្រទេសផ្សេងទៀតនៅជុំវិញពិភពលោក ជាមួយនឹងរយៈពេលសរុប៤ឆ្នាំ ដែលក្នុងនោះរួមមានដូចជា ប្រទេសកាណា បន្ទាប់មកប្រទេសអូស្ត្រាលី បន្តទៅ ញូវស៊ឺឡេន និងអង់គ្លេស ហើយនឹងបញ្ចប់ទៅនៅក្នុងប្រទេសមួយចំនួននៅក្នុងតំបន់អឺរ៉ុប៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content