សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅសប្តាហ៍នេះ មន្ទីរបញ្ចកោណរបស់សហរដ្ឋអាមេរិកបានប្រកាសលើការសម្រេចចិត្តផ្តល់កុងត្រាថ្មីមួយទៀតដែលមានតម្លៃប្រមាណ២៥០លានដុល្លារទៅឲ្យក្រុមហ៊ុនដែលជំនាញផលិតអាវុធបច្ចេកវិទ្យាក្នុងស្រុកមួយឈ្មោះ Anduril Industries ដើម្បីបញ្ជាទិញយកប្រព័ន្ធស្ទាក់ចាប់ និងបំផ្លាញដំណើរការដ្រូនដ៏ល្បីរបស់ក្រុមហ៊ុន Roadrunner interceptor ក្នុងចំនួនជាច្រើនរយគ្រឿង។
នៅក្នុងកិច្ចព្រមព្រៀងនេះ ក្រុមហ៊ុន Anduril បានប្រកាសកាលពីថ្ងៃអង្គារថា ក្រសួងការពារជាតិអាមេរិកនឹងបញ្ជាទិញ Roadrunner សរុបប្រមាណជា៥០០គ្រឿងព្រមទាំងឧបករណ៍ដែលអាចបំពាក់ជាមួយនឹងយន្តហោះចម្បាំងមានមុខងារក្នុងការបំផ្លាញប្រព័ន្ធបញ្ជាដ្រូនពីចំងាយផងដែរ គឺPusar electroic warfare capability។
នៅក្នុងសេចក្តីថ្លែងការណ៍ដោយក្រុមហ៊ុនដដែលនេះបានបញ្ជាក់បែបនេះថា៖
«កុងត្រាចុងក្រោយរបស់យើងគឺបានឆ្លុះបញ្ចាំងអំពីការប្តេជ្ញាចិត្តរបស់ Anduril ដើម្បីបង្កើនការវិនិយោគទៅលើកិច្ចអភិវឌ្ឍនិងស្រាវជ្រាវបន្ថែមទៀតទៅលើបច្ចេកវិទ្យាថ្មីៗសម្រាប់កិច្ចការងារការពារជាតិដែលវានឹងអាចជួយធានាបាននូវសុវត្ថិភាពជូនកងកម្លាំងយោធាអាមេរិកកាន់តែមានប្រសិទ្ធភាពឡើង»។
យ៉ាងណាក៏ដោយ បើទោះបីជាមិនបានបញ្ជាក់លំអិតអំពីការដាក់ពង្រាយ Roandrunner ក្តី ប៉ុន្តែបុគ្គលិកជាន់ខ្ពស់របស់ក្រុមហ៊ុនសុំមិនបញ្ចេញអត្តសញ្ញាណម្នាក់បានរៀបរាប់ប្រាប់ទៅកាន់ Defencenews ថា អាវុធសម្រាប់បំផ្លាញដ្រូនទាំងនោះនឹងត្រូវបញ្ចូនទៅតាមតំបន់ដែលមានមូលដ្ឋានទ័ពអាមេរិកមួយចំនួនដែលកំពុងរងការគំរាមកំហែងខ្លាំងពីការវាយប្រហារតាមរយៈដ្រូន ហើយតាមផែនការ ប៉ង់តាហ្គោន នឹងចាប់ផ្តើមដឹកជញ្ជូនវាចេញទៅតាមគោលដៅនៅក្នុងឆ្នាំនេះរហូតទៅដល់ចុងឆ្នាំ២០២៥។
គួរឲ្យដឹងដែរថា ក្រុមហ៊ុន Anduril បាន និងកំពុងដំណើរការកុងត្រាដែលមានតម្លៃ១ពាន់លានដុល្លារជាមួយនឹងកងកម្លាំងបញ្ជាការពិសេសរបស់សហរដ្ឋអាមេរិក ( U.S. Special Operations Command) ដើម្បីផ្គត់ផ្គង់ឧបករណ៍ និងកម្មវិធីសម្រាប់រារាំងយន្តហោះដ្រូន ប៉ុន្តែក្រុមហ៊ុនមិនបានអះអាងទេថា កុងត្រាថ្មី ដែលមានតម្លៃ ២៥០លានដុល្លារនេះគឺជាផ្នែកមួយនៃកុងត្រាធំនេះ ឬយ់ាងណានោះទេ។
Roadrunner ជាប្រព័ន្ធអាវុធអាចបំផ្ទុះបំផ្លាញដ្រូនគ្រប់ប្រភេទដែលមានប្រសិទ្ធភាពខ្ពស់ ភ្ជាប់ជាមួយបច្ចេកវិទ្យាចុងក្រោយបំផុតរបស់ Anduril ដែលទើបតែបានដាក់បង្ហាញខ្លួនជាផ្លុវការកាលពីខែធ្នូឆ្នាំកន្លងទៅប៉ុណ្ណោះ។ វាគឺជាផែនការអភិវឌ្ឍដ៏សម្ងាត់របស់ក្រុមហ៊ុនអស់រយៈពេល២ឆ្នាំដោយមានការគាំទ្រហិរញ្ញវត្ថុទាំងស្រុងពីក្រុមហ៊ុនផ្ទាល់។
ក្រោយបង្ហាញខ្លួនភ្លាម Anduril ទទួលបានកុងត្រាភ្លាមជាមួយការបញ្ជាទិញរាប់រយគ្រឿងពីរដ្ឋាភិបាលអាមេរិក ហើយតាមការអះអាងដោយស្ថាបនិក លោក Palmer Luckey បានបញ្ជាក់ថា ក្រុមហ៊ុននឹងបង្កើនសមត្ថភាពផលិតឲ្យបានទៅដល់រាប់រយពាន់គ្រឿងនៅពេលខាងមុខ ជាពិសេស ធ្វើឲ្យតម្លៃនៃការផលិតកាន់តែទាបជាងពេលបច្ចុប្បន្ន៕
Account
Security
Favourite Content