សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាលពីដើមខែកញ្ញាកន្លងទៅនេះ នៅក្នុងសន្និសីទរ៉ែអន្តរជាតិ-ចិន ឆ្នាំ២០២៦ ដែលធ្វើឡើងនៅទីក្រុងTianjin ក្រសួងធនធានរ៉ែ និងធម្មជាតិរបស់ប្រទេសចិនបានដាក់បង្ហាញប្រព័ន្ធដំណើរការរុករករ៉ែ ឆ្លាតវៃ (AI-OreSeeking) សម្រាប់ប្រើប្រាស់ក្នុងសកម្មភាពរុករកធនធានរ៉ែឱ្យកាន់តែមានប្រសិទ្ធភាព និងមានភាពងាយស្រួល។
កាសែត Novinata ដែលបានដកស្រង់ចេញពីប្រភពច្បាស់ការណ៍មួយនៅប្រទេសចិនបានសរសេរថាប្រព័ន្ធនេះត្រូវបង្កើតឡើងដោយអាជ្ញាធរជាតិអង្កេតភូគព្ភសាស្ត្រចិន (China Geological Survey) ដោយប្រើប្រាស់បច្ចេកវិទ្យាបញ្ញាសិប្បនិម្មិត (AI) ដើម្បីអាចធ្វើការព្យាករណ៍ និងវាយតម្លៃទីតាំងធនធានរ៉ែបានយ៉ាងច្បាស់លាស់។
ប្រព័ន្ធនេះមានមុខងារសំខាន់ៗចំនួន ៥ បញ្ចូលគ្នា រួមទាំង ការគ្រប់គ្រងទិន្នន័យភូគព្ភសាស្ត្រ និងរ៉ែ ការគ្រប់គ្រងប្រភពចំណេះដឹង ការប្រមូល និងវិភាគទិន្នន័យ ការព្យាករណ៍ និងវាយតម្លៃដោយ AI និងការប្រើប្រាស់គំរូសម្រាប់រុករករ៉ែ។
ប្រភពដដែលបានបញ្ជាក់ទៀតថា វាអាចប្រមូលទិន្នន័យពីប្រភពផ្សេងៗបាន ដោយដកស្រង់ព័ត៌មានអំពីទីតាំងរ៉ែដែលមានសក្តានុពល កំណត់ទីតាំងតំបន់ដែលមានលទ្ធភាពខ្ពស់ និងបង្កើតរបាយការណ៍ដោយស្វ័យប្រវត្តិ។ វិធីនេះធ្វើឱ្យការងារវិភាគទិន្នន័យភូគព្ភសាស្ត្រភាគច្រើន អាចប្រព្រឹត្តទៅបានយ៉ាងងាយស្រួលនៅក្នុងប្រព័ន្ធតែមួយ។
គួរឱ្យដឹងដែរថា AI-OreSeeking អាចយកទៅប្រើប្រាស់ដើម្បីរុករកប្រភេទរ៉ែច្រើនមុខ ដូចជា មាស ដែក និងស្ពាន់។ នាពេលកន្លងមក ប្រព័ន្ធនេះត្រូវបានគេយកទៅប្រើយ៉ាងមានប្រសិទ្ធភាពរួចហើយនៅទីតាំងរ៉ែសំខាន់ៗមួយចំនួនក្នុងប្រទេសចិន ដូចជា តំបន់ភ្នំ Qinglin, ភ្នំ Wei និងតំបន់ Dzungar ភាគខាងលិច។
មកទល់ពេលនេះ វាត្រូវបានសាកល្បងក្នុងគម្រោងជាង ១០០ នៅតាមខេត្ត-តំបន់ជាង ១០ ទីតាំងក្នុងប្រទេសចិន ដូចជា Xizan, Xinjiang, Fujian,Shandong និងម៉ុងហ្គោលីផងដែរ។ លើសពីនេះ អជ្ញាធរអង្កេតភូគព្ភសាស្ត្រចិនក៏បានផ្លាស់ប្តូរបទពិសោធន៍បច្ចេកទេសជាមួយអ្នកជំនាញមកពីប្រទេសផ្សេងៗ ដូចជា អារ៉ាប៊ីសាអ៊ូឌីត និងអ៊ូសបេគីស្ថាន ជាដើម៕
Account
Security
Favourite Content