សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា ការបង្ហាញវត្តមាន AI ថ្មីមួយរបស់ចិនមានឈ្មោះថា DeepSeek បានធ្វើឲ្យភាគហ៊ុនរបស់ក្រុមហ៊ុនបចេ្ចកវិទ្យានៅលើពិភពលោកជាច្រើនធ្លាក់ចុះ។
Deepseek គឺជាកម្មវិធី chatbot របស់ចិនដែលមានមុខងារស្រដៀងទៅនឹង ChatGPT របស់ OpenAI ឬ Gemini របស់ Google ដែលអ្នកប្រើប្រាស់អាចសួរព័ត៌មាន ឬ ចំណេះដឹងផ្សេងៗ។ ថ្មីៗនេះ ភាគហ៊ុនរបស់ក្រុមហ៊ុនបចេ្ចកវិទ្យាល្បីៗជាច្រើនបានធ្លាក់ចុះ បន្ទាប់ពី DeepSeek បានបង្ហាញគំរូ AI ថ្មីរបស់ខ្លួន ដែលត្រូវបានគេរាយការណ៍ថា មានតម្លៃសមរម្យជាង និងអាចដំណើរការលើបន្ទះឈីបកម្រិតខ្ពស់មិនស្មុគស្មាញដូចជា ChatGPT របស់ OpenAI ។ កាលពីថ្ងៃចន្ទ ភាគហ៊ុន Nasdaq 100 បានធ្លាក់ចុះ ៣,២ ភាគរយ, ភាគហ៊ុន S&P 500 ធ្លាក់ចុះ ១,៩ ភាគរយ, ភាគហ៊ុន Nvidia ធ្លាក់ចុះប្រហែល ៧ ភាគរយ, ខណៈពេលដែល Tesla, Amazon និង Meta បានធ្លាក់ចុះជាង ២ ភាគរយ។ លើសពីនេះ ភាគហ៊ុនរបស់ក្រុមហ៊ុនផលិតបន្ទះឈីបកុំព្យូទ័ររបស់ហូឡង់ ASML Holding NV បានធ្លាក់ចុះជាង ៨ ភាគរយ។
ទន្ទឹមនឹងនេះ វត្តមានរបស់ Deepseek ធ្វើឲ្យមនុស្សជាច្រើនមានចម្ងល់អំពីតម្លៃថ្លៃខ្ពស់របស់ក្រុមហ៊ុនបចេ្ចកវិទ្យាមួយចំនួនដូចជា Nvidia ដែលជាក្រុមហ៊ុននាំមុខគេក្នុងការកើនឡើងភាគហ៊ុន AI ទូទាំងពិភពលោក ជាមួយនឹងបន្ទះឈីបរបស់ពួកគេមានសារៈសំខាន់សម្រាប់ការរីកចម្រើននៃបច្ចេកវិទ្យា។ លោក Vey-Sern Ling នាយកគ្រប់គ្រងនៅ Union Bancaire Privee លើកឡើងថា DeepSeek បង្ហាញថាវាអាចទៅរួចក្នុងការអភិវឌ្ឍគំរូ AI ដ៏មានឥទ្ធិពលដែលចំណាយតិចជាង។ លើសពីនេះ ករណីវិនិយោគនៃខ្សែសង្វាក់ផ្គត់ផ្គង់ AI ទាំងមូល ដែលត្រូវបានជំរុញដោយការចំណាយដ៏ច្រើនលើសលប់ពីក្រុមហ៊ុនបច្ចេកវិទ្យាធំៗអាចត្រូវបានប៉ះពាល់ដោយសារវា។
គួរឲ្យបញ្ជក់ដែរថា Deepsek គឺជាគំរូ AI នៃអាជីវកម្មទើបចាប់ផ្តើម startup របស់ចិន ដែលបង្កើតឡើងដោយលោក Liang Wenfeng។ ឥឡូវនេះ Deepseek កំពុងទទួលបានការទទួលស្គាល់យ៉ាងឆាប់រហ័សប្រហាក់ប្រហែលទៅនឹងដៃគូប្រកួតប្រជែងខ្លាំងដូចជា OpenAI និង Meta Platforms ជាដើម។ កាលពីថ្ងៃចន្ទ Deepseek មានសន្ទុះខ្លាំងជាង ChatGPT ដែលធ្វើឲ្យវាក្លាយជាកម្មវិធីឥតគិតថ្លៃដែលស្ថិតនៅចំណាត់ថ្នាក់កំពូលនៅលើ App Store នៅសហរដ្ឋអាម៉េរិក។ លើសពីនេះ គេសង្ស័យថា កម្មវិធី AI ថ្មីនេះអាចមានសមត្ថភាពប្រកួតប្រជែងនឹងឥទ្ធិពលរបស់ Silicon Valley និងផ្លាស់ប្តូរទិដ្ឋភាពនៃការប្រកួតប្រជែង AI ។ អ្នកជំនាញលើកឡើងថា បច្ចេកវិទ្យាទំនើបបំផុតនៅអាមេរិកដូចជា Nvida និង ChatGPT គឺត្រូវបានទទួលស្គាល់ថាអស្ចារ្យបំផុតនៅទូទាំងពិភពលោក ប៉ុន្តែគេក៏មានការព្រួយបារម្ភអំពីការផ្លាស់ប្តូរផងដែរ។ ជាក់ស្តែង ការលេចឡើងនៃ DeepSeek បង្ហាញសញ្ញានៃការប្រកួតប្រជែងកាន់តែខ្លាំងនៅក្នុងវិស័យ AI ហើយដៃគូប្រកួតប្រជែងនាពេលអនាគតទំនងជានឹងផ្លាស់ប្តូរយ៉ាងឆាប់រហ័ស ដែលធ្វើឲ្យវាកាន់តែពិបាកសម្រាប់ក្រុមហ៊ុន ឬ អាជីវកម្មដែលស្ថិតក្នុងការក្រកួតប្រជែង។
កាលពីខែធ្នូ ក្រុមអ្នកស្រាវជ្រាវ DeepSeek បានបង្ហាញនៅក្នុងក្រដាសមួយថា ម៉ូដែល DeepSeek-V3 របស់ពួកគេដែលចាប់ផ្តើមនៅថ្ងៃទី ១០ ខែមករា ត្រូវបានបណ្តុះបណ្តាលដោយប្រើបន្ទះឈីប H800 របស់ Nvidia ដែលមានតម្លៃក្រោម ៦ លានដុល្លារ។ យ៉ាងណាមិញ បន្ទះឈីប H800 មិនមែនជាបន្ទះឈីបកម្រិតកំពូលនោះទេ ដែលត្រូវបានបង្កើតឡើងជាជម្រើសដែលមានសមត្ថភាពទាប ដើម្បីចៀសវាងពីហាមឃាត់ក្រោមការដាក់ទណ្ឌកម្មរបស់សហរដ្ឋអាម៉េរិកមិនឲ្យលក់ទៅកាន់ប្រទេសចិននៅពេលក្រោយ៕
Account
Security
Favourite Content