សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ការរងគ្រោះដែលបណ្តាលមកពីធម្មជាតិពីមួយថ្ងៃទៅមួយថ្ហៃកាន់តែមានសភាពធ្ងន់ធ្ងរ និងអាក្រក់ឡើងជាងពេលណាទាំងអស់នៅក្នុងប្រវត្តិសាស្ត្រ ហើយផលប៉ះពាល់ក៏កាន់តែធ្ងន់ធ្ងរមិនអាចប្រកែកបានចំពោះមនុស្សជាតិ ក៏ដូចជាជីវិតសត្វ និងរុក្ខជាតិផ្សេងៗ ខណៈដែលអង្គការសហប្រជាជាតិដែលជាស្ថាប័នកំពូលរបស់ពិភពលោកក៏នៅមិនមានវិធីសាស្ត្រដើម្បីអាចលុបបំបាត់គ្រោះធម្មជាតិទាំងនោះបានដែរ។
លោកស្រី Celeste Saulo អគ្គលេខាធិការអង្គការឧតុនិយមពិភពលោក (World Metrological Organization) បានទទួលស្គាល់អំពីការពិតទាំងនេះថា ពិតជាមិនអាចផ្លាស់ប្តូរអ្វីដែលកំពុងកើតឡើងដែលបណ្តាលមកពីបញ្ហាបម្រែប្រមួលអាកាសធាតុទាំងនេះទេ ប៉ុន្តែអ្វីដែលអាចធ្វើបាននោះគឺជាកិច្ចការពារមនុស្សគ្រប់គ្នាកុំឲ្យបន្តរងគ្រោះ ហើយវិធីសាស្ត្រនោះមានតែមួយគត់ គឺការព្រមានទុកជាមុន ឬផ្តល់សញ្ញាជាមុនសម្រាប់ព្រឹត្តិការណ៍គ្រោះថ្នាក់ធម្មជាតិ (Early Warning)ផ្សេងៗដែលនឹងកើតមាន។
លោក Eric White ប្រធានផ្នែកសម្របខ្លួនជាមួយនឹងអាកាសធាតុនៃវេទិកាសេដ្ឋកិច្ចអន្តរជាតិ (World Economic Forum) បានលើកឡើងស្រដៀងគ្នាដែរថា៖ គ្រោះធម្មជាតិបានវាយប្រហារពិភពលោកកាន់តែច្រើន និងគ្រោះថ្នាក់កាន់តែខ្លាំង ហើយក៏មានអាចទាយទុកជាមុនបានដូចគ្រាមុននោះដែរ ជាពិសេសដូចជាគ្រោះរាំងស្ងួត, គ្រោះទឹកជំនន់ និងការកើនឡើងកំដៅផែនដីជាដើម ហើយមានពេលខ្លះ វាអាចនឹងកើតឡើងនៅទីតាំងដែលវាពុំធ្លាប់មាននោះឡើយ។
យោងតាមរបាយការណ៍របស់អង្គការសហប្រជាជាតិ (UN) បានបង្ហាញថា គ្រោះធម្មជាតិដែលបង្កឡើង អាចធ្វើឲ្យមនុស្សផ្លាស់ប្តូរទីលំនៅក្នុងចំនួនដ៏ច្រើន ពោលគឺអាចដល៉ទៅ ៣ ដង ធៀបទៅនឹងមនុស្សដែលផ្លាស់ប្តូរទីលំនៅដោយសារសង្គ្រាម។
UN ថ្វីត្បិតតែមិនអាចប្រឆាំងទៅនឹងវិបត្តិធម្មជាតិទាំងនោះបាន ប៉ុន្តែដូចទៅនឹងអ្វីដែលអ្នកជំនាញទាំង២នាក់ខាងលើបានលើកឡើង គឺពួកគេចង់ឲ្យមានកិច្ចការពារដ៏មានប្រសិទ្ធភាពមួយធ្វើឡើងមុនពេលហេតុការណ៍អាក្រក់កើតឡើង។ នៅក្នុងនោះ វិធីសាស្ត្រតែមួយគត់ដែល UN អាចអនុវត្តបាន និងមានអត្រាជោគជ័យខ្ពស់ នោះគឺតាមរយៈការបង្កើតជាប្រព័ន្ធផ្តល់សញ្ញាទុកជាមុនមួយដែលមានឈ្មោះថា Early Warning for All (EW4ALL)។
EW4ALL ត្រូវបានបង្កើតឡើងតាំងពីឆ្នាំ២០១៨មកម្ល៉េះ ដោយវាមានមុខងារផ្តល់សញ្ញាអាសន្នបន្ទាន់ជាមុនទៅដល់អ្នកប្រើប្រាស់មុនហេតុការណ៍ធម្មជាតិកើតឡើង ហើយគេជឿជាក់ថាវានឹងអាចជួយសង្គ្រោះជីវិតមនុស្សរាប់ពាន់នាក់ជារៀងរាល់ឆ្នាំ ទាំងនៅក្នុងតំបន់ ក៏ដូចជាប្រទេសមួួចំនួនដែលតែងតែរងគ្រោះដោយសារគ្រោះធម្មជាតិ។
យោងតាមការស្រាវជ្រាវនាពេលកន្លងមក UN បានបង្ហាញថា ការប្រើប្រាស់ប្រព័ន្ធផ្តល់សញ្ញាអាសន្នជាមុនបានត្រឹមត្រូវមុន២៤ម៉ោង គឺអាចកាត់បន្ថយផលប៉ះពាល់ដល់ទៅ ៣០ភាគរយ។ ប៉ុន្តែ ទោះជាយ៉ាងណាក្តី មកទល់នឹងពេលបច្ចុប្បន្ននេះ ប្រទេសជាងពាក់កណ្តាលពិភពលោកនៅមិនទាន់មានប្រព័ន្ធផ្តល់សញ្ញាជាមុននេះនៅគ្រប់កន្លែងក្នុងប្រទេសរបស់ពួកគេនៅឡើយ ខណៈដែលការវាយប្រហារជាប្រចាំឆ្នាំបានធ្វើឲ្យមនុស្សបាត់បង់ជីវិតរហូតដល់ទៅ ៥០ ០០០នាក់ ចំណែកឯផលប៉ះពាល់ដល់សេដ្ឋកិច្ចគឺមានច្រើនស្ទើរមិនអាចគណនាបាន។
ទោះជាយ៉ាងណាក្តី សម្រាប់ EW4ALL បច្ចុប្បន្ន មានការចូលរួមពាក់ព័ន្ធធ្វើការ និងតភ្ជាប់គ្នារវាងស្ថាប័នអង្គការកំពូលធំៗទាំង៤របស់ពិភពលោក ដែលសុទ្ធតែមានរួមបញ្ចូលនូវសេវាកម្មសំខាន់ៗ និងផ្សេងៗគ្នា រាប់ចាប់ពីកម្រិតប្រថុយប្រថានទៅនឹងគ្រោះធម្មជាតិទៅដល់ការព្យាករណ៍អំពីគ្រោះធម្មជាតិ៕
Account
Security
Favourite Content