សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យកសិកម្មនៅតែជាចលករសំខាន់ជួយជំរុញកំណើនសេដ្ឋកិច្ចរបស់ប្រទេសកម្ពុជា ខណៈដែលកាលពីពេលថ្មីៗនេះ រាជរដ្ឋាភិបាលបានប្រកាសពីការអនុវត្តគោលនយោបាយយុទ្ធសាស្ត្រថ្មី សម្រាប់ការអភិវឌ្ឍន៍កសិកម្ម សំដៅលើកកម្ពស់វិស័យកសិកម្មពីគ្រួសារទៅជាកសិកម្មពាណិជ្ជកម្ម និងលើកកម្ពស់ប្រាក់ចំណូលរបស់កសិករតាមរយៈផលិតផលបន្ថែមតម្លៃ។
ឯកឧត្តម បណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ឆ្នាំ២០២៤ ជាឆ្នាំដែលនាំមកនូវការអភិវឌ្ឍវិស័យកសិកម្មប្រសើរថែមទៀត តាមរយ:ការអនុវត្តកម្មវិធីគោលនយោបាយអាទិភាពរបស់រាជរដ្ឋាភិបាលក្នុងវិស័យកសិកម្មរួមមានដូចជា ៖
១-ការកសាងច្រវាក់តម្លៃផលិតកម្មកសិកម្មដើម្បីផលប្រយោជន៍តួអង្គទាំងអស់
២-ការដាក់ពង្រាយមន្រ្តីកសិកម្មឃុំ ដើម្បីជួយដោះស្រាយបញ្ហាប្រឈមនានារបស់កសិករ និងសម្របសម្រួលការចូលរួមរបស់កសិករក្នុងការកសាងច្រវាក់តម្លៃផលិតកម្ម
៣-ការកសាងសហគមន៍ទំនើប ដើម្បីដោះស្រាយបញ្ហាទុន ទីផ្សារ ធាតុចូលកសិកម្ម និងបង្កើនប្រសិទ្ធភាពសេដ្ឋកិច្ច។
ជាមួយគ្នានេះដែរ ការកសាងសហគមន៍ទំនើបដើម្បីដោះស្រាយបញ្ហាទុន ទីផ្សារធាតុចូលកសិកម្ម និងបង្កើនប្រសិទ្ធភាពសេដ្ឋកិច្ច ក្រសួងពាណិជ្ជកម្ម បាន និងកំពុងចរចារៀបចំនីតិវិធីក្នុងការចុះអនុស្សរណៈយោគយល់លើកទី៧ សម្រាប់ទីផ្សារអង្ករប្រទេសចិន ដើម្បីជំរុញបរិមាណឱ្យកើនឡើង២០ភាគរយ បន្ថែមទៀត សម្រាប់ឆ្នាំ២០២៣-២០២៤ ផងដែរ។
លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានថ្លែងកាលពីពេលថ្មីៗនេះថា ៖ ក្រសួងកំពុងពិនិត្យឡើងវិញនូវលទ្ធផលដំឡើងកម្រិតបរិមាណនាំចេញអង្ករចំនួន២០ភាគរយបន្ថែមទៅកាន់ទីផ្សារចិន ខណៈដែលពីមុននេះការនាំចេញអង្ករទៅចិនស្ថិតនៅក្នុងបរិមាណ៤០ម៉ឺនតោនរួចហើយ។
នេះជាការអនុវត្តនូវយុទ្ធសាស្រ្តសមាហរណកម្មពាណិជ្ជកម្មកម្ពុជា CTIS ២០១៩-២០២៣ ស្របទៅនឹងយុទ្ធសាស្ត្របញ្ចកោណរបស់រាជរដាភិបាល ដែលផ្តោតសំខាន់លើការពង្រឹងទីផ្សាចាស់ និងពង្រីកទីផ្សារថ្មី គួបផ្សំនឹងការធ្វើពិពិធកម្មទំនិញ និងទីផ្សារតាមរយៈការចុះកិច្ចព្រមសេរីទ្វេភាគីកម្ពុជា-ចិន រួមទាំងកិច្ចព្រមព្រៀងពាណិជ្ជកម្មសេរីទ្វភាគី និងពហុភាគីដទៃទៀត។
លោកជំទាវរដ្ឋមន្ត្រី បានលើកឡើងពីការយកចិត្តទុកដាក់របស់រាជរដ្ឋាភិបាលដើម្បីវិស័យស្រូវអង្ករកម្ពុជាមានភាពប្រកួតប្រជែង ដែលមានការលើកទឹកចិត្តផ្នែកពន្ធដារ និងអាករដល់រោងម៉ាស៊ីនកិនស្រូវ និងអ្នកនាំចេញតាំងពីឆ្នាំ២០១១ ហើយបានបន្តជូនរយៈពេល៥ឆ្នាំបន្ថែមទៀតសម្រាប់សហគ្រាសដែលអស់អាណត្តិ។
ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា ក៏បានបញ្ជាក់ថា ៖ ការផ្តល់កូតានាំចូលអង្ករពីកម្ពុជារបស់មិត្តចិន បានជួយជំរុញការអភិវឌ្ឍវិស័យស្រូវអង្កររបស់កម្ពុជា។ ចាប់ពីឆ្នាំ២០១៤ មកដល់ឆ្នាំ២០២១ មិត្តចិនបានផ្តល់កូតាចំនួន៦លើករួចមកហើយ ដោយឡែកលើកទី០៧នេះ សង្ឃឹមថានឹងទទួលបានបន្ថែមចំនួន ២០ភាគរយ ដែលនឹងជំរុញដល់កំណើននៃការនាំចេញអង្កររបស់កម្ពុជា។
យោងតាមសហព័ន្ធស្រូវអង្ករកម្ពុជា CRF សម្រាប់ស្ថានភាពបច្ចុប្បន្ននៃវិស័យស្រូវអង្ករកម្ពុជា គឺមានរោងម៉ាស៊ីនខ្នាតមធ្យម និងធំចំនួន ២៤០ ដែលក្នុងនោះ រោងម៉ាស៊ីនចំនួន១៣០ មានសមត្ថភាពកិនកែច្នៃ និងឆ្លើយតបទៅតាមបទដ្ឋានស្តង់ដានាំចេញទៅទីផ្សារអន្តរជាតិ ។ ចំណែកសមត្ថភាពកិនកែច្នៃវិញមានចំនួន ១២០០ តោនក្នុងមួយម៉ោង និងសមត្ថភាពនៃឡសម្រាប់សម្ងួតស្រូវបានចំនួនជាង ៤២ ០០០តោនក្នុងមួយថ្ងៃ។
លើសពីនេះ រោងម៉ាស៊ីននៅកម្ពុជា អាចរក្សាស្តុកស្រូវបានចំនួន ២ លានតោនក្នុងមួយវគ្គ ដែលនេះបង្ហាញអំពីសមត្ថភាព និងសក្តានុពលរបស់រោងចក្រកិនស្រូវនៅកម្ពុជាទាំងអស់ក្នុងការកិនកែច្នៃ និងផ្គត់ផ្គង់បានរហូតដល់ចំនួនជាង ៤លានតោនក្នុងមួយឆ្នាំ។
ឯកឧត្តម បណ្ឌិត យ៉ង សាំងកុមារ បានបញ្ជាក់ថា ៖ សម្រាប់រោងចក្រ ឃ្លាំងស្តុក និងឡសម្ងួត ដែលមានសមត្ថភាពកិនកែច្នៃ និងឆ្លើយតបទៅតាមបទដ្ឋានស្តង់ដារទីផ្សារអន្តរជាតិ មានបរិមាណសមស្របហើយ ក្នុងស្ថានភាពបច្ចុប្បន្ន តែអ្វីដែលនៅខ្វះ គឺទុនក្នុងការប្រមូលទិញស្រូវស្តុក សម្រាប់កែច្នៃនាំចេញ និងការដែលធ្វើយ៉ាងឱ្យថ្លៃដើម នៃការកែច្នៃ និងការដឹកជញ្ជូន នៅតែជាបញ្ហាប្រឈមនៅឡើយ។
Account
Security
Favourite Content