សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចំណេះដឹង ៖ ពាក្យពេញរបស់ COP26 គឺ Conference of the Parties 26th ដែលជាកិច្ចប្រជុំកំពូល និងធំបំផុតរបស់ពិភពលោក ដើម្បី ប្រយុទ្ធប្រឆាំងនឹងវិបត្តិអាកាសធាតុ ស្របទៅនឹងសន្ធិសញ្ញាដែលរៀបចំឡើងដោយអង្គការសហប្រជាជាតិ The United Nations Framework Convention on Climate Change (UNFCCC)ដែលធ្លាប់បានចុះហត្ថលេខាដោយបណ្តាប្រទេសជាច្រើនតាំងពីឆ្នាំ១៩៩៤។
នៅក្នុងព្រឹត្តិការណ៍នេះត្រូវបានរៀបចំនៅក្នុងទីក្រុង Glasgow ប្រទេសស្កុតឡែនដោយមានអង់គ្លេស និងអ៊ីតាលីជាម្ចាស់ផ្ទះរៀបចំចាប់ពីថ្ងៃទី៣១ ខែតុលា ឆ្នាំ២០២១ ដល់ថ្ងៃទី១២ ខែវិច្ឆិកា ឆ្នាំ២០២១ ហើយក្នុងនោះបណ្តាប្រទេសជាង២០០ ដែលបានចូលរួម ឬត្រូវជា៨៥ភាគរយនៃប្រទេសដែលបានគ្របដណ្តបដោយព្រៃឈើនៅលើសកលលោកទាំងមូលផងដែរ។
តើហេតុអ្វីមនុស្សគ្រប់គ្នាគួរតាមដានពីព្រឹត្តិការណ៍មួយនេះ ហើយតើវាមានសារៈសំខាន់យ៉ាងណាសម្រាប់មនុស្សជាតិ ?
COP26 គឺជាកិច្ចប្រជុំដ៏សំខាន់បំផុតក្នុងការអនុញ្ញាតឲ្យពិភពលោក ជាពិសេស រដ្ឋាភិបាលនៃប្រទេសទាំងអស់ក្នុងការប្តេជ្ញាចិត្តរួមគ្នា សម្រេចឲ្យបានតាមផែនការរួមគឺមិនឲ្យសីតុណ្ហភាពរបស់សកលលោកកើនឡើងលើសពី ១,៥ភាគរយឡើយនៅត្រឹមឆ្នាំ២១០០ ដែលកន្លងមកក្រុមប្រឹក្សាអន្តររដ្ឋាភិបាលស្តីពីការប្រែប្រួលអាកាសធាតុ ឬ The Intergovernmental Panel on Climate Change IPCC តែងតែព្រមានថា វានឹងអាចបង្កឲ្យពិភពផែនដីនូវរលកកំដៅដ៏ក្តៅហួសហេតុ ធ្វើឲ្យទឹកសមុទ្រកើនឡើងខ្លាំង ព្រមទាំងអាចបំផ្លិចបំផ្លាញជីវិតផ្កាថ្មក្រោមសមុទ្រ ដែលជាធាតុចាំបាច់បំផុតក្នុងការផលិតអុកស៊ីសែនលើភពផែនដីនេះ។
នៅក្នុងអំឡុងពេលនៃកិច្ចប្រជុំនេះ សម្តេច Pope Francis ក៏បានព្រមានដែរថា ជម្លោះអាចនឹងកើតមានឡើង ប្រសិនបើរដ្ឋាភិបាលដែលនឹងទទួលបានកញ្ចប់ជំនួយណាមួយពីកិច្ចប្រជុំនេះបែរជាយកវាទៅប្រើប្រាស់ខុសគោលដៅ ដូចជាយកទៅស្តារសេដ្ឋកិច្ចជាតិ ព្រមទាំងជួយសង្គ្រោះដល់ក្រុមហ៊ុនអាជីវកម្មក្នុងប្រទេសដែលកំពុងងើបឡើងវិញពីវិបត្តិកូវីដជំនួសឲ្យការប្រើប្រាស់វាទៅលើកិច្ចការងារលើកកម្ពស់ដល់ការប្រយុទ្ធប្រឆាំងទៅនឹងការបញ្ចេញជាតិពុលទៅក្នុងបរិយាកាស។
បញ្ហាមួយទៀតដែលកំពុងប្រឈមចំពោះមុខនៃកិច្ចប្រជុំដ៏ធំមួយនេះ ក្រៅតែពីបញ្ហាខាងក្រៅហើយនោះ បញ្ហាខាងក្នុងផ្ទាល់គឺជាការសន្យាដែលមិនទាន់ត្រូវបានធ្វើបានសម្រេចនៅឡើយដោយបណ្តាប្រទេសជាអ្នកមានរបស់សកលលោកដែលធ្លាប់បានបង្ហាញជំហថានឹងបរិច្ចាគប្រាក់យ៉ាងហោចណាស់១០០ពាន់លានជារៀងរាល់ឆ្នាំទៅដល់ប្រទេសដែលទទួលរងគ្រោះធ្ងន់ធ្ងរជាងគេបំផុត ដោយសារបញ្ហាបម្រែបម្រួលអាកាសធាតុ ដែលទាំងអស់នេះវានឹងក្លាយទៅជាចំណុចមួយមិនអាចខ្វះបានឡើយនៅក្នុងកិច្ចប្រជុំនៅក្នុងឆ្នាំនេះ។ ដូច្នេះហើយក្រុមការងារអ្នកសម្របសម្រួលនៅក្នុងកិច្ចប្រជុំលើកទី២៦នេះបានដាក់ចេញគោលបំណងសំខាន់ចំនួន៤ធំៗដែលត្រូវតែទទួលបានសម្រាប់ឆ្នាំនេះមានដូចជា ៖
១ – ធានាឲ្យបាននូវពិភពលោកដែលមិនបញ្ចេញកាបូន១០០ភាគរយត្រឹមពាក់កណ្តាសតវត្សរ៍នេះ និងមិនឲ្យមានការកើនឡើងនៃសីតុណ្ហភាពលើសពី ១,៥អង្សារ
២ – ដាក់បញ្ចូលនៃផែនការសកម្មភាពក្នុងការការពារសហគមន៍ និងជម្រកធម្មជាតិគ្រប់ទ្រង់ទ្រាយ
៣ – ធ្វើការចែកចាយហិរញ្ញវត្ថុពីកញ្ចប់ប្រាក់ដែលទទួលបានពីការប្តេជ្ញាចិត្តរបស់រដ្ឋាភិបាលនៃបណ្តាប្រទេស
៤ – ចូលរួមសហការគ្នាដើម្បីសម្រេចឲ្យបានតាមគោលដៅ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content