សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កងកម្លាំងទ័ពសម្រាប់ទីអវកាសអាមេរិកដែលហៅកាត់ថា USSF (The United State Space Force) គឺជាកងកម្លាំងដាច់ដោយឡែកមួយក្នុងចំណោមកងកម្លាំងយោធាទាំង៨អង្គភាពរបស់ប្រទេស ហើយក៏ជាអង្គភាពទ័ពអវកាសដែលមានភាពឯករាជ្យជាងគេបំផុតតែមួយគត់លើពិភពលោកផងដែរ ពីព្រោះថាមិនស្ថិតនៅក្រោមចំណុះអង្គភាពណាផ្សេងក្រៅតែពីកងកម្លាំងទ័ពអាកាសអាមេរិក US Air Force ឡើយ។
ថ្វីត្បិតតែជាអង្គភាពថ្មីទើបតែបានបង្កើតឡើងកាលពីថ្ងៃទី២០ ខែធ្នូ ឆ្នាំ២០១៩ ឬអាយុកាលប្រមាណជា៣ឆ្នាំក្តី ប៉ុន្តែ USSF ត្រូវបានទទួលកញ្ចប់ថវិកាដ៏ច្រើនសន្ធឹកសន្ធាប់រៀបចំការងារបានយ៉ាងល្អឥតខ្ជោះ និងគ្រប់ជ្រុងជ្រោយបំផុតចាប់រាប់តាំងតែពីចំនួនយោធាដែលធ្វើការ និងបេសកកម្មការងារដែលត្រូវបំពេញ។
USSF មានចំនួនយោធាសរុបគិតត្រឹមពេលនេះ ៨ ៦០០នាក់មកហើយ និងកំពុងប្រតិបត្តិការងារជាមួយនឹងយានអវកាសសម្រាប់តែអង្គភាពប៉ុណ្ណោះដល់ទៅ៧៧គ្រឿងដែលក្នុងនោះស្ថិតនៅក្នុងគោលបំណងនៃកម្មវិធីជាច្រើនបូករួមទាំង GPS, Space Fence, military satellite communications constellations, X-37B spaceplanes, U.S. missile warning system, U.S. space surveillance network,និង the Satellite Control Network ជាដើម។
ទោះបីជាយ៉ាងណាក្តី USSF មានដានជាប់ជាមួយនឹងអាមេរិកតាំងពីរយូរមកហើយ ពោលគឺតាំងតែពីឆ្នាំ១៩៤៥ ក្នុងសម័យសង្គ្រាមត្រជាក់មកម្ល៉េះ ប៉ុន្តែស្ថិតនៅក្នុងកិច្ចការងារមួយចំណែកតូចប៉ុណ្ណោះនៃអង្គការកងទ័ពអាកាសអាមេរិក ហើយជាបន្តបន្ទាប់កិច្ចការងាររបស់វាបានដើរតួយ៉ាងសំខាន់នៅក្នុងយុទ្ធសាស្ត្រនិងគោលនយោបាយការពារជាតិរបស់អាមេរិកផងទើបបានធ្វើឲ្យ USSF កាន់តែរីកធំធាត់ឡើងរហូតក្លាយទៅជាអង្គភាពមួយមានរចនាសម្ព័ន្ធធំដូចទៅនឹងអង្គភាពទាំង៧ផ្សេងទៀត។
តួនាទីរបស់ USSF បច្ចុប្បន្នត្រូវបានពណ៍នាយ៉ាងលំអិតនៅក្នុងរដ្ឋាភិបាលអាមេរិកដែលក្នុងនោះមានត្រួសៗដូចជាកិច្ចការងារសម្រាប់សន្តិសុខនៅទីអវកាស Space Security, Space Combat Power Projection, Space Mobility and Logistics, Information Mobility និង Space Domain Awareness ។ គួរឲ្យដឹងដែរថា USSF របស់អាមេរិកជារៀងរាល់ឆ្នាំគឺតែងតែទទួលបាននូវកញ្ចប់ថវិកាសម្រាប់ចំណាយដល់ទៅរាប់ពាន់លានដុល្លារហើយជាក់ស្តែងសម្រាប់ឆ្នាំ២០២៣ខាងមុខនេះវិញសភាអាមេរិកទើបតែបានអនុម័តកញ្ចប់ថ្មីរួចរាល់ហើយដែលមានរហូតទៅដល់២៤,៥ពាន់លានដុល្លារដែលក្នុងនោះមាន៣,៦ពាន់លានដុល្លារសម្រាប់ចំណាយលើសេវាកម្មបាញ់បង្ហោះផ្កាយរណប ៤ពាន់លានដុល្លារសម្រាប់ប្រតិបត្តិការនិងការមើលថែយានអវកាសចំណែក១ពាន់លានដុល្លារសម្រាប់ប្រាក់ខែយោធាទាំង៨៦០០នាក់ហើយចុងក្រោយគឺ ១៥,៨ពាន់លានដុល្លារសម្រាប់តែកិច្ចការងារស្រាវជ្រាវអភិវឌ្ឍ ធ្វើតេស្តបច្ចេកវិទ្យា និងអាវុធសម្រាប់កងកម្លាំងទ័ពអវកាសប៉ុណ្ណោះ៕
Account
Security
Favourite Content