រដ្ឋមន្ត្រី បរិស្ថាន ៖ គម្រោងគោលដៅលំហែបៃតង នឹងធ្វើឱ្យប្រជាសហគមន៍ប្រែក្លាយជាសហគ្រិនភាព និងមានប្រាក់ចំណូល

ភ្នំពេញ ៖ គម្រោងគោលដៅលំហែបៃតង នឹងធ្វើឱ្យប្រជាសហគមន៍ក្លាយជាសហគ្រិនភាពមានប្រាក់ចំណូលជាប្រចាំពីការផ្តល់សេវាកម្មនៅតាមមូលដ្ឋាននីមួយៗ ដែលរួមមានសេវាកម្ម ទេសចរណ៍ធម្មជាតិ កន្លែងស្នាក់នៅ សេវាដឹកជញ្ចូនក្នុងតំបន់ និងការលក់ដូរផលិតផលក្នុងស្រុកជូនភ្ញៀវទេសចរ ដែលប្រជាសហគមន៍មានភាពជាម្ចាស់ និងឯករាជ្យភាព។

ខាងលើនេះ ជាការថ្លែងរបស់ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នៅក្នុងជំនួបពិភាក្សាការងារ និងសម្តែងការគួរសមរបស់លោកបណ្ឌិត ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកកម្ពុជា (PATA) ដែលបានបង្ហាញគម្រោង និងស្នើសុំការគាំទ្រការរៀបចំមជ្ឈមណ្ឌលសមាធិ១កន្លែងនៅស្ទឹងពពក ក្នុងស្រុកស្រែអំបិល ខេត្តកោះកុង  ក្នុងគោលបំណងលើកស្ទួយវិស័យអេកូទេសចរណ៍ ទេសចរណ៍សាសនា និងធម្មជាតិ  ក្នុងន័យរួមចំណែកដល់ការលើកកម្ពស់សេដ្ឋកិច្ចមូលដ្ឋាន លើកស្ទួយជីវភាពប្រជាសហគមន៍ ដើម្បីពង្រឹងការការពារ និងអភិរក្សធនធានធម្មជាតិកម្ពុជា ស្របតាមយុទ្ធសាស្រ្តរបស់ក្រសួងបរិស្ថាន។

ឯកឧត្តមបណ្ឌិត អ៊ាង សុផល្លែត បានមានប្រសាសន៍ថា ការគិតគូរលើកកម្ពស់ជីវភាព​សហ​គ​មន៍ និងផ្តល់ផលប្រយោជន៍ជូនសហគមន៍មូលដ្ឋាន គឺស្របតាមគោលការណ៍រួម ស្តីពីការគ្រប់គ្រង និងអភិវឌ្ឍក្នុងតំបន់ការពារធម្មជាតិ ដែលបានបំបែកចេញពីយុទ្ធសាស្រ្តចក្រាវិស័យបរិស្ថាន ឆ្នាំ២០២៣-២០២៨ ។

ឯកឧត្តមរដ្ឋមន្ត្រី បានមានប្រសាសន៍ជំរុញឱ្យមានការគិតគូរបន្ថែមទៀត លើការបណ្តុះស្មារតីឱ្យប្រជាសហគមន៍ មូលដ្ឋាន ក្លាយជាសហគ្រិនភាព ហើយគំនិតច្នៃប្រឌិតថ្មីៗរបស់សហគមន៍ ដែលកើតចេញពីសហគ្រិនភាពនេះ នឹងជួយឱ្យសហគមន៍មានសម្រស់ស្អាតប្លែកខុសពីគ្នាពីតំបន់មួយទៅតំបន់មួយទៀត។

ឯកឧត្តមបណ្ឌិត អ៊ាង សុផល្លែត បានគូសបញ្ជាក់បន្ថែមទៀតថា៖ ភាពស្អាតរបស់ប្រជាសហគមន៍ដែលកើតចេញពីភាពស្អាត ភាពបៃតង និងចីរភាព ដែលជាការងារអាទិភាពចម្បងរបស់ក្រសួងបរិស្ថាន ក្នុងបេសកកម្មធ្វើឱ្យកម្ពុជាមានភាពស្អាត គឺស្អាតពីខាងក្រៅដែលនៅជុំវិញខ្លួន រួមមានស្អាតដី ស្អាតទឹក និងស្អាតខ្យល់ ។

ស្របពេលជាមួយគ្នានេះ ការកែប្រែផ្នត់គំនិតស្អាត ក៏ជាកត្តាលីករជួយឱ្យភាពស្អាតបានឋិតថេរចីរកាលយូរអង្វែង។ ចំណែកភាពស្អាតពីខាងក្នុងវិញរួមមានភាពស្អាតកើតចេញពីចិត្តទៀងត្រង់របស់ប្រជាសហគមន៍ខ្មែរ ដូចជា ការលក់ដូរផលិតផលកសិផលជូនអ្នកទេសចរមិនថ្លៃ មានតម្លៃស្តង់ដារត្រឹមត្រូវ ទោះបីស្ថិតនៅក្នុងរដូវកាលបុណ្យទានក្តី និងមានការគិតគូរដល់សុខភាពអ្នកប្រើប្រាស់ផងដែរ។

ភ្ជាប់គម្រោងទេសចរណ៍ខាងលើនេះ ដើម្បីលើកស្ទួយវិស័យទេសចរណ៍ឱ្យដំណើរការទៅល្អ បើគេងាកទៅមើលសក្តានុពលទេសចរណ៍ខេត្តស្ទឹងត្រែង ដែលក្នុងសហគមន៍មានសេវាកម្មជិះទូកធ្វើដំណើរកម្សាន្ត មើលតំបន់រ៉ាមសារនៅតាម​ដងទន្លេមេគង្គ និងបោះតង់ស្នាក់នៅពេលយប់បានប្រកបដោយសុវត្ថិភាព ព្រោះតំបន់នេះមានការរ៉ាប់រងពីប្រជាសហគមន៍ទេសចរណ៍ផ្ទាល់ ។
អ្នកសម្របសម្រួលប្រចាំនៅរមណីយដ្ឋានកោះហាន លោកសេង សុធា បានទទួលស្គាល់ថា នៅឆ្នាំ២០២៤នេះមានភ្ញៀវទេសចរជាតិ និងអន្តរជាតិ មកកម្សាន្តចំនួន៣លើកមកហើយ ដោយពួកគេទាំងនោះបានមកស្នាក់នៅ បរិ​ភោគត្រីធម្មជាតិអាំងស្រស់ៗ ជិះទូកធ្វើដំណើរកម្សាន្តតាមទឹកជ្រលងដងព្រៃ មើលសត្វស្លាប  និងបោះតង់ ស្នាក់នៅពេលយប់ក្នុងរយៈពេល២ថ្ងៃ១យប់ ។   

នៅរមណីយដ្ឋានកោះហាន ជាតំបន់ទេសចរណ៍ ដែលបានគាំទ្រដល់ការងើបឡើងវិញនូវវិស័យនេះ ប្រជាសហគមន៍ខិតខំពង្រឹងសេវាកម្មនេះឱ្យកាន់តែល្អ ដើម្បីជូនភ្ញៀវទស្សនាដើមរំចេក មានទឹកហូររាក់ៗ-ទៅបោះតង់នៅរមណីយដ្ឋានកោះហាន នៅឃុំកោះស្នែង-និង នៅទូលខ្សាច់កោះទន្សាយ ឃុំអូរស្វាយ ស្រុកបុរីអូរស្វាយសែនជ័យជាដើម។

សូមបញ្ជាក់ថា តំបន់រ៉ាមសារពិតជាមានសក្តានុពលធនធានជីវៈចម្រុះគ្រប់ប្រភេទ បានថតរូបទេសភាពស្អាតៗ ដែលជាប្រភពទាក់ទាញអារម្មណ៍ភ្ញៀវទេសចរឱ្យមកទស្សនាម្ដង ហើយចង់មកម្ដងទៀត ។ ការផ្តើមកម្រើកឡើងវិញវិស័យទេសចរណ៍នេះធ្វើឱ្យប្រជាសហគមន៍រួមគ្នាបម្រើសេវាកម្មជូនភ្ញៀវតាមការណែនាំបានកាន់តែប្រសើរឡើង ព្រោះវាជាប្រភពផ្តល់នៅប្រាក់ចំណូលរបស់ពួកគាត់ ហើយភ្ញៀវទេសចរសប្បាយចិត្ត បានធ្វើដំណើរកម្សាន្តមានសុវត្ថិភាព មើលទេសភាពតំបន់រ៉ាមសារ បានបរិភោគត្រីធម្មជាតិ និងមើលសត្វស្លាប ដែលកំពុងរស់នៅតាមដងទន្លេមេគង្គក្នុងប្រទេសកម្ពុជាយើង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ