សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជប៉ុន ជាទឹកដីនៃការអភិវឌ្ឍគ្រប់វិស័យ និងជាប្រទេសដែលបង្ហាញអំពីគំរូនៃការយកចិត្តទុកដាក់បំផុតក្នុងការបំពេញការងាររបស់ពលរដ្ឋទោះបីជាបុគ្គលិកក្រុមហ៊ុនឯកជន រដ្ឋ ឬរហូតទៅដលកសិករក្តី។
ជាលទ្ធផលវាបានធ្វើឲ្យសេដ្ឋកិច្ចជប៉ុននៅតែខ្លាំង និងរីកចម្រើនរហូតមកសូម្បីតែវិស័យកសិកម្មក៏ដោយ។ ជាក់ស្ដែង សាច់គោដ៏ល្បីល្បាញរបស់ជនជាតិជប៉ុន ឬជាភាសាជប៉ុន Wagyu ដែលស្ថិតនៅក្នុងតំបន់ Matsusaka បច្ចុប្បន្នអាចមានតម្លៃរហូតទៅដល់រាប់ពាន់ដុល្លារ ដែលបង្ហាញថារបៀបនៃការចិញ្ចឹម និងការយកចិត្តទុកដាក់របស់កសិករជនជាតិជប៉ុនគឺមានលក្ខណៈពិសេសដែលកសិករទូទៅគួរតែរៀនសូត្រតាម។
កាលពីឆ្នាំ២០០២ សត្វគោជប៉ុនមួយក្បាលដែលអាចកាប់លក់ជាសាច់គោ Wagyu ត្រូវបានគេដាក់ដេញថ្លៃ និងលក់បានរហូតទៅដល់៥០លានយេន ឬត្រូវជា ៣៣ ០០០០ដុល្លារ។ Wagyu ក្រៅតែពីផ្តល់នូវសារធាតុចិញ្ចឹមដ៏ប្រសើរសម្រាប់សុខភាពហើយ វាថែមទាំងមានរសជាតិឆ្ងាញ់ ទន់ ផ្អែម និងងាយស្រួលរំលាយបំផុតនៅពេលដែលអ្នកទទួលទានចូលទៅក្នុងមាត់ដែលនេះជាចំណែកមួយដែលធ្វើឲ្យតម្លៃរបស់វាមានទីផ្សារខ្ពស់លើសពីសត្វគោធម្មតា។
Wagyu មានប្រវត្តិរាប់សិបឆ្នាំមកហើយ និងមិនដែលធ្លាក់ថ្លៃខ្លាំងឡើយក្នុងទីផ្សាររបស់ប្រទេសជប៉ុនដែលជាទូទៅមានតម្លៃប្រហែល ៣៥០ដុល្លារក្នុងមួយខាំ ប៉ុន្តែថ្មីៗនេះវាត្រូវបានជប៉ុនអនុញ្ញាតឲ្យអាចធ្វើការនាំចេញទៅក្រៅប្រទេសដែលក្នុងនោះទីក្រុងប៉ារីស ប្រទេសបារាំងជាគោលដៅដំបូង និងកំពុងត្រូវបានដាក់លក់ក្នុងតម្លៃរហូតទៅដល់ ៥៣០ដុល្លារក្នុងមួយខាំ ឬប្រមាណជា៥៣០០ដុល្លារក្នុងមួយគីឡូក្រាម។
សាច់គោ Wagyu ទាំងប្រវត្តិ ទាំងរសជាតិ ទាំងតម្លៃ បានបង្ហាញឲ្យមនុស្សគ្រប់គ្នាមើលឃើញថាការយកចិត្តទុកដាក់នៃការចិញ្ចឹម និងយកចិត្តទុកដាក់ទៅលើបច្ចេកទេសនៃការថែរក្សាពីសំណាក់កសិករពិតជាបានផ្តល់មកវិញនូវគុណតម្លៃដែលមិនអាចកាត់ថ្លៃបានទោះបីជាបច្ចុប្បន្នការចិញ្ចឹមថែរក្សារបស់កសិករជប៉ុនត្រូវបានធ្វើឡើងដោយបូករួមទាំងបែបប្រពៃណី និងតាមបែបទំនើបបញ្ចូលគ្នា។
ដំណើរការនៃការចិញ្ចឹមមានលក្ខណៈច្បាស់លាស់តាមក្បួនខ្នាត ហើយតាមឯកសារដែលបានដកស្រង់ដោយ The Business Insiders បានបង្ហាញថា កសិករជប៉ុននៅ Matsusaka ខ្លះសុទ្ធតែជាកសិករដែលមានចំណេះដឹង និងជំនាញតជំនាន់គ្នាជាច្រើនឆ្នាំមកហើយ។
រាប់ចាប់តាំងពីអាយុកាលនៃសត្វគោទៅដលចំណីអាហាររបស់វា និងអាកាសធាតុដែលត្រូវរស់នៅបូករួមទាំងការយកចិត្តទុកដាកតាមដានតាមរបៀបទំនើបផង វាបានធ្វើឲ្យ Wagyu ក្លាយទៅជាសាច់គោដ៏មានឳជារសលេខមួយរបស់ពិភពលោក និងមានតម្លៃថ្លៃជាងគេនៅលើពិភពលោក៕
Account
Security
Favourite Content