សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សេដ្ឋកិច្ច ៖ អង្គការសុខភាពពិភពលោក ដែលហៅកាត់ថា WHO ធ្លាប់បានធ្វើការសិក្សាស្រាវជ្រាវកន្លងមកហើយអំពីផលប៉ះពាល់នៃការបំពេញការងាររយៈពេលយូរម៉ោង ដែលក្នុងនោះមានមនុស្សដល់ទៅ ៧៤៥ ០០០ នាក់ បានបាត់បង់ជីវិតជារៀងរាល់ឆ្នាំ ដោយសារជំងឺដែលបានបង្កឡើងដូចជាដាច់សរសៃឈាមខួរក្បាល និងបញ្ហាបេះដូងផង។
ក្រៅពីនេះ WHO ក៏បានរកឃើញដែរថា ពលរដ្ឋពិភពលោកប្រមាណជា ៩ ភាគរយ កំពុងបន្តធ្វើការងាររយៈពេលវែងដល់ទៅ ៥៥ ម៉ោងជារៀងរាល់សប្តាហ៍ ដែលជាទូទៅអ្នកជំនាញសុខាភិបាលបានបញ្ជាក់ហើយថា ការធ្វើការងារយូរម៉ោងចន្លោះពី ៤៩ ទៅ ៥៥ ម៉ោង គឺជាកត្តាប៉ះពាល់ខ្លាំងដល់សុខភាពរបស់បុគ្គលិក។
ដើម្បីជាចំណែកដោះស្រាយបញ្ហាចំពោះការបំពេញការងារយូរម៉ោងនេះ អង្គការ 4-day Week Global Foudation បានរៀបចំកិច្ចការងារស្រាវជ្រាវមួយ ដែលមានការចូលរួមពីសំណាក់ក្រុមហ៊ុនអាជីវកម្មធំៗចំនួន ៣៣ មកពីជុំវិញពិភពលោក។
ការស្រាវជ្រាវ ដែលតម្រូវឱ្យបុគ្គលិករបស់ក្រុមហ៊ុនដែលបានចូលរួមក្នុងការបំពេញការងារត្រឹមតែ ៤ ថ្ងៃក្នុងមួយសប្តាហ៍ បានប្រព្រឹត្តទៅយ៉ាងជោគជ័យ ដែលជាលទ្ធផលអត្ថប្រយោជន៍ជាច្រើន ហើយបានផ្តល់ត្រឡប់មកវិញទាំងសុខាមាលភាពរបស់បុគ្គលិក និងទាំងសុខាមាលភាពរបស់អាជីវកម្មក្រុមហ៊ុន ដែលវាជាកត្តាជុំរុញយ៉ាងខ្លាំងទៅដល់សេដ្ឋកិច្ចរបស់ប្រទេសជាតិនីមួយៗ។
របាយការណ៍ស្រាវជ្រាវបានបង្ហាញថា បុគ្គលិកដែលបំពេញការងារ ៤ ថ្ងៃ ក្នុងមួយសប្តាហ៍ មិនត្រឹមតែអាចកាត់បន្ថយភាពស្ត្រេស និងកាត់បន្ថយការអស់កម្លាំងប្រចាំថ្ងៃប៉ុណ្ណោះទេ ថែមទាំងអាចរកឃើញថា ពួកគេមានភាពល្អប្រសើរឡើងនៃសុខភាពទាំងផ្លូវកាយ និងផ្លវចិត្តទៀតផង។
បន្ថែមលើសពីនេះ បុគ្គលិកអាចមានពេលវេលាដ៏សមតុល្យទាំងជាមួយនឹងខ្លួនឯង ជាមួយនឹងក្រុមហ៊ុន និងជាមួយក្រុមគ្រួសារ ខណៈដែលម្ចាស់អាជីវកម្ម និងក្រុមហ៊ុនវិញក៏ទទួលបានផលប្រយោជន៍យ៉ាងច្រើនផងដែរ ដោយក្នុងនោះអត្រាប្រាក់ចំណេញប្រចាំឆ្នាំជាមធ្យមអាចទទួលបានកំណើនដល់ទៅ ៨ ភាគរយ ក្នុងអំឡុងពេលនៃការសាកល្បងអនុវត្តនេះ។
ក្រោយបញ្ចប់ការធ្វើតេស្តនេះ ក្រុមហ៊ុនចំនួន ១៨ បានប្រកាសការគាំទ្រខ្លាំងហើយប្តេជ្ញាថានឹងបន្តអនុវត្តការងារ ៤ ថ្ងៃក្នុងមួយសប្តាហ៍នេះ បន្តទៅមុខទៀត ទោះបីជា ៧ ក្រុមហ៊ុនទៀតបានបញ្ជាក់ថានឹងបន្តរបៀបធ្វើការងារបែបនេះ ប៉ុន្តែមិនទាន់មានការសម្រេចចិត្តចុងក្រោយនៅឡើយ ហើយក្នុងពេលជាមួយគ្នានេះ បុគ្គលិកទាំងអស់ ដែលបានចូលរួមប្រមាណជា ៩៧ ភាគរយបាននិយាយថា ពួកគេចង់ឱ្យនយោជកគួរបន្តវិធីសាស្ត្រនេះ។ គួរបញ្ជាក់ផងដែរថា ក្រុមហ៊ុនភាគច្រើន ដែលបានចូលរួមកិច្ចការងារតេស្តសាកល្បងការបំពេញការងា រ៤ ថ្ងៃ ក្នុងមួយសប្តាហ៍នេះ ភាគច្រើន មានប្រភពមកពីសហរដ្ឋអាមេរិក និងប្រទេសអៀរឡង់ ហើយដំណើរការសាកល្បងត្រូវបានធ្វើឡើងតាំងតែពីដើមឆ្នាំ ២០២២ មកម្ល៉េះ៕
Account
Security
Favourite Content