អ្នកប្រកបរបររត់តាក់ស៊ី និងដឹកជញ្ជូនភ្ញៀវទេសចរនៅតែបន្តភាពប្រឈមនឹងវិបត្តិហិរញ្ញវត្ថុ

បើទោះជារាជរដ្ឋាភិបាលកម្ពុជាបានអនុញ្ញាតឲ្យមានការធ្វើចរាចរណំ៍ឆ្លងកាត់ពីខេត្តមួយទៅខេត្ត និងបន្តចូលដល់រាជធានីភ្នំពេញយ៉ាងណាក៏ដោយ ប៉ុន្តែសម្រាប់​អ្នកប្រកបមុខរបរដឹកជញ្ជូនភ្ញៀវដោយរថយន្ត ឬតាក់ស៊ីជាច្រើននៅតែបន្តភាពប្រឈមទៅនឹងវិបត្តិហិរញ្ញវត្ថុ បាត់បង់ចំណូលប្រចាំថ្ងៃ ខណៈដែលការឆ្លងរាលដាល​នៃ​ជំងឺកូវីដនៅតែបន្តកើតមានទាំងក្នុងក្រុង និងតាមបណ្តាខេត្តជាបន្តបន្ទាប់ ហើយប្រសិនបើបញ្ហានៃការឆ្លងនៅតែបន្ត នោះពួកគេអាចនឹងផ្លាស់ប្ដូរមុខរបរជា​មិន

លោក វ៉េន ឌឿន ជាអ្នករត់រថយន្តឈ្នួល ខេត្តកំពង់ចាម-ភ្នំពេញ បានប្រាប់ AMS ថាបច្ចុប្បន្ននេះទីផ្សារដឹកជញ្ជូនមានការធ្លាក់​ចុះយ៉ាងខ្លាំង​រហូតដល់​ប្រមាណ​ជិត50ភាគរយ ដោយសារតែការធ្វើដំណើររបស់មនុស្សត្រូវបានកាត់បន្ថយ និងធ្វើឱ្យប្រភពចំណូលមានការធ្លាក់ចុះស្ទើរមិនគ្រប់ការចំណាយ​ថ្លៃសាំង​ក៏មាន។

លោកបានបញ្ជាក់ថា ៖

“ទោះជាគេបើកឱ្យមានការដឹកជញ្ជូនភ្ញៀវឡើងវិញ ប៉ុន្តែមិនសូវមានអ្នកជិះនោះទេ ហើយបើមានក៏មិនច្រើនដែរ ព្រោះមនុស្សហ៊ានជិះ​ក្នុង​ឡាន(ប្រភេទទេសចរណ៍ខ្នាតតូច)រួមគ្នាមិនលើសពី5-6នាក់តែប៉ុណ្ណោះ ហើយថ្ងៃខ្លះដឹកមនុស្សបានតែ2-3នាក់ក៏មាន ខុសគ្នាឆ្ងាយកាលពីមុនផ្ទុយពី​ពេល​មុន ដែលឡានធ្លាប់ដឹកមនុស្សមួយជើងមិនក្រោមន10នាក់នោះទេ។ នៅក្នុងស្ថានការណ៍នេះ គឺវាលំបាកមែនទែន គេមិនហ៊ានជិះតែម្ដង បូកផ្សំនឹងវិធានការការពារកូវីដមិនឱ្យមនុស្សជិះប្រជ្រៀតគ្នា រក្សាគម្លាតទៀត ហើយប្រសិនបើយើងដឹកតាមផ្លូវមានមនុស្សដែលគេសង្ស័យ គេនឹងយកទៅសួរនាំ ឬធ្វើតេស្ត និងឈានទៅដល់ការធ្វើចត្តាឡីស័ក 14ថ្ងៃនៅពេលទៅដល់ខេត្ត ឬមកដល់ភ្នំពេញ”

លោក វ៉េន ឌឿន ប្រាប់ឱ្យដឹងថា ដោយសារតែចំនួនអ្នកធ្វើដំណើរមានការធ្លាក់ចុះ បច្ចុប្បន្នលោកបានទទួលដឹកទំនិញបន្ថែមដើម្បីធ្វើយ៉ាងណា​អាចរកបាន​ចំណូល​សម្រាប់ផ្គត់ផ្គង់ចំណាយហូបចុកប្រចាំថ្ងៃ និងសន្សំត្រៀមទុកបង់ធនាគារមួយចំនួនទៀត។

ស្រដៀងគ្នានេះ លោក មិន សុផល ជាអ្នករត់តាក់ស៊ីភ្នំពេញ-ពាមរក៍ ខេត្តព្រៃវែង ក៏បានប្រាប់ឱ្យដឹងថា ដោយសារតែអ្នកធ្វើដំណើរមិនសូវមាន ពេលនេះ​លោក​បានទទួលដឹកតែអីវ៉ាន់ជំនួសតែប៉ុណ្ណោះ ព្រោះមានអ្នកផ្ញើច្រើនជាងអ្នកជិះ។

លោកបានមានប្រសាសន៍ថា៖

“ចាប់តាំងពីគេបិទក្រុងថ្ងៃដំបូង ខ្ញុំមិនបានចេញរត់នោះទេ ព្រោះខ្ញុំត្រូវមកឈប់ទម្លាក់អីវ៉ាន់នៅផ្សារអូឡាំពិក ហើយត្រឡប់​ទៅ​ឈប់​នៅផ្សារច្បារអំពៅចាំដឹកម៉ូយទៅខេត្តវិញ តែនៅពេលគេបិទក្រុងមិនអាចចូលបាន ខ្ញុំក៏សម្រាកតែម្ដង។ ពីមុនខ្ញុំមានមនុស្សជិះខ្លះ ប៉ុន្តែឥលូវស្ទើរតែរាល់ថ្ងៃគឺមានតែឥវ៉ាន់ប៉ុណ្ណោះដែលជាប្រភពចំណូល។ មិនថាតិច ឬច្រើននោះទេ គឺទទួលយក ទទួល​ដឹក​ទាំងអស់ឱ្យតែបានលុយ។ ខ្ញុំគិតថា ប្រសិនបើស្ថានភាពបច្ចុប្បន្ននៅតែបន្តយូរទៀត មិនមែនតែខ្ញុំនោះទេ អ្នកផ្សេងទៀតក៏ដូចជាគ្នា អាចប្ដូររកមុខរបរថ្មី ព្រោះ​ចំណូលបានពីការដឹកឥវ៉ាន់បានមិនច្រើនទេ ហើយក៏អ្នកផ្ញើភាគច្រើនគេមានម៉ូយគេ ដូច្នេះយើងបានតែអ្នកផ្ញើររបស់តូចៗត្រឹម4,000-5,000 រៀលអីប៉ុណ្ណឹង”

លោក ឌី រដ្ឋា ជាអ្នកជួលរថយន្តសម្រាប់ដឹកភ្ញៀវទេសចរនៅតាមបណ្តាខេត្តទេសចរណ៍មួយចំនួនដូចជាខេត្តរតនគិរី មណ្ឌលគិរី ក្រុងព្រះសីហនុ ក៏បានបង្ហាញពីក្ដីកង្វល់ក្នុងការបន្តមុខរបររបស់ខ្លួនផងដែរ ហើយអាចនឹងលក់រថយន្តចេញវិញដើម្បីយកទុនទៅបង្វិលក្នុងមុខរបរថ្មីវិញ។

លោក រដ្ឋា បាននិយាយថា កាលពីចុងឆ្នាំ2020 ទោះជាគ្មានទេសចរបរទេស ក៏មានទេសចរជាជនជាតិខ្មែរក្នុងស្រុកជួលដែរ អាចមានជាក្រុម និងជាលក្ខណៈគ្រួសារ ប៉ុន្តែចាប់តាំងពីផ្ទុះព្រឹត្តិការណ៍20កុម្ភៈរហូតមកដល់ពេលនេះ ស្ទើរតែគ្មានអ្នកជួលតែម្ដង។

លោកបញ្ជាក់ថា ៖

“ខ្ញុំមិនអាចប៉ាន់ស្មានបានថានឹងបែបណានោះទេ ចេះតែនៅរង់ចាំមើលស្ថានការណ៍ដែរ ប៉ុន្តែប្រសិនបើស្ថានភាពលំបាកដូចដែលខ្ញុំលើកឡើងនេះនៅតែបន្តយូរទៀត ច្បាស់ជាត្រូវប្ដូរមុខរបរ ព្រោះឡានទិញមករកស៊ី ហើយត្រូវបង់ធនាគារទៀត ដូច្នេះ បើមិនលក់ឡានចេញ ក៏ត្រូវរកមុខរបរថ្មីដែលត្រូវប្រើប្រាស់ឡានដែលមានស្រាប់នេះដែរ”

ព្រឹត្តិការណ៍, អចលនទ្រព្យ

ប្រធាន CVEA ៖ ទីផ្សារអចលនទ្រព្យកម្ពុជាផ្តើមមានសកម្មភាពឡើងវិញជាបណ្តើរៗ

ទីផ្សារអចលនទ្រព្យកម្ពុជាដែលបានទទួលរងនូវផលប៉ះពាល់ និងស្ងប់ស្ងាត់ក្នុងដំណាក់កាលបិទខ្ទប់ក្រុង និងភូមិសាស្ត្រមួយចំនួននៅតាមបណ្តាខេត្តនោះ បច្ចុប្បន្នបានបង្ហាញពី…
ព្រឹត្តិការណ៍, អត្ថបទពាណិជ្ជកម្ម

រាជរដ្ឋាភិបាលជប៉ុនបានបន្តផ្ដល់ថវិកាជំនួយបន្ទាន់ដល់ប្រទេសរងផលប៉ះពាល់ជំងឺកូវីដ-19

រាជរដ្ឋាភិបាលជប៉ុនបានបន្តផ្ដល់ថវិកាជំនួយបន្ទាន់ក្នុងទឹកប្រាក់ 36.9 លានដុល្លារដល់សហរដ្ឋអាមេរិកដែលជាជំនួយឥតសំណងបន្ទាន់​ទៅដល់​អង្គការយូនីសេហ្វ UNICEF ប្រចាំតំបន់អាស៊ី
ព្រឹត្តិការណ៍, សេដ្ឋកិច្ច

សម្ដេចតេជោ ហ៊ុន សែន ចេញបទបញ្ជា ៖ សម្រាប់អ្នកឆ្លងជំងឺអូមីក្រុង គឺមិនអនុញ្ញាតឲ្យសម្រាកព្យាបាលនៅផ្ទះនោះទេ

ខុសប្លែកពីអ្នកឆ្លងជំងឺកូវីដ-១៩កម្រិតស្រាលដែលទទួលបានការអនុញ្ញាតឲ្យនៅដាច់ដោយឡែក និងសម្រាកព្យាបាលនៅលំនៅដ្ឋានផ្ទាល់ខ្លួនបាននោះ សម្រាប់តែអ្នកឆ្លងជំងឺបំប្លែងថ្មី
ព្រឹត្តិការណ៍, សេដ្ឋកិច្ច

ប្រទេសថៃបន្តកើនឡើងករណីឆ្លងកូវីដ១៩ ខណៈដែលតំបន់ភូកេតទើបបើកទទួលភ្ញៀវទេសចរ

រដ្ឋាភិបាលប្រទេសថៃកំពុងបង្កើនការយកចិត្តទុកដាក់ក្នុងការប្រយុទ្ធប្រឆាំងនឹងការរាលដាលជំងឺកូវីដប្រភេទថ្មីក្នុងរលកទី៣ ខណៈដែលតំបន់កម្សាន្តកោះភូកេតទើបសម្រេច….
ព្រឹត្តិការណ៍, អាជីវកម្មថ្មី និងនវានុវត្ត

គង់វង្ស អាជីវកម្មថ្មី លើកតម្លៃបរិស្ថាន

ភ្នំពេញ ៖ ប្លាស្ទិកគឺជាកង្វល់ដ៏ចម្បងមួយចំពោះបញ្ហាបរិស្ថានដែលគេកំពុងយកចិត្តទុកដាក់កាត់បន្ថយ ដោយកែច្នៃរបស់របរប្រើប្រាស់ផ្សេងៗពីវត្ថុធាតុដើមធម្មជាតិ ដើម្បីធ្វើយ៉ាងណាកាត់បន្ថយការ…
ជំនួញ, ព្រឹត្តិការណ៍

ត្រីកំពតទឹកប្រៃនៅជប៉ុន មានតម្រូវការទីផ្សារខ្ពស់ និងមានតម្លៃជាង ២៦០ដុល្លារក្នុង១គីឡូក្រាម

ជប៉ុន ៖ មនុស្សជាច្រើនប្រហែលជាធ្លាប់ស្គាល់ច្បាស់ហើយអំពីប្រភេទត្រីកំពតទឹកប្រៃដែលជាទូទៅហាក់មិនត្រូវបានគេយកមកធ្វើជាអាហារទទួលទាននោះឡើយដោយសារតែសារភាគច្រើន…
ព្រឹត្តិការណ៍, អាជីវកម្មថ្មី និងនវានុវត្ត

ទោះបីប្រើដុំធ្យូងអនាម័យក៏ដោយ ក៏ខ្យល់ពុលនៅតែគ្របដណ្ដប់ទីក្រុងអ៊ូឡង់បាតារ

ម៉ុងហ្គោលី ៖ ក្នុងរយៈពេល ៣ ឆ្នាំចុងក្រោយនេះ ផ្សែង និងការបំពុលខ្យល់គឺជាបញ្ហាមួយក្នុងចំណោមបញ្ហាសំខាន់ជាច្រើននៅក្នុងរដ្ឋធានី អ៊ូឡង់បាតារ (Ulaanbaatar) របស់ប្រទេស…
ព្រឹត្តិការណ៍, សេដ្ឋកិច្ច

សេដ្ឋកិច្ចចិនស្ថិតក្រោមសម្ពាធដោយសារកំណើនផលិតកម្ម និងការលក់រាយធ្លាក់ចុះយ៉ាងគំហុក

សេដ្ឋកិច្ចប្រទេសចិននៅពេលបច្ចុប្បន្ននេះត្រូវបានអ្នកជំនាញមើលឃើញថាកំពុងជួបបញ្ហាជាខ្លាំង ដោយនៅគិតត្រឹមខែកក្កដាកន្លងទៅនេះមានឱនភាពជាខ្លាំង ដែលបណ្តាលមកពី
ព្រឹត្តិការណ៍, សេដ្ឋកិច្ច

ការនាំចេញ-នាំចូលផលិតផលកសិកម្មកម្ពុជា-វៀតណាម សម្រេចបានជាង៧ពាន់លានដុល្លារ

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងថា នៅក្នុងរយៈពេល១១ខែ ឆ្នាំ២០២១កន្លងទៅនេះ ទំហំពាណិជ្ជកម្មនៃផលិតផលកសិផលរវាងកម្ពុជា-វៀតណាម នៅតែរក្សា…
ព្រឹត្តិការណ៍, អាជីវកម្មថ្មី និងនវានុវត្ត

កម្មវិធី Video Call ចំនួន 5 ស័ក្ដិសមបំផុតសម្រាប់ក្រុមហ៊ុន និងអ្នកធ្វើការងារពីផ្ទះក្នុងកំឡុងពេលនេះ

អាចនិយាយបានថា ការជ្រើសយកកម្មវិធី1 ក្នុងចំណោម5 សម្រាប់ធ្វើកិច្ចពិភាក្សា ឬធ្វើការងារជាក្រុមនៅក្នុងកំឡុងពេលកើតមានវិបត្តិកូវីដ ជាពិសេសការ​បិទ​ខ្ទប់​រាជធានីភ្នំពេញ …