សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មិនថាទោះជាស្ថិតនៅក្នុងស្ថានភាពបែបណានោះទេ សម្រាប់អ្នកដែលមានបំណងចង់បង្កើតក្រុមហ៊ុនភ្នាក់ងារអចលនទ្រព្យនៅតែមានឱកាស ទទួលបានចំណែកទីផ្សារបន្ទាប់ពីបញ្ហានៃវិបត្តិត្រូវបានកាត់បន្ថយបន្តិចម្ដងៗនៅពេលដ៏ខ្លីខាងមុខនេះ ប៉ុន្តែអ្វីដែលសំខាន់បំផុតនោះគឺការកំណត់គោលដៅដែលជាចក្ខុវិស័យរបស់ក្រុមហ៊ុន និងទាមទារឱ្យមានចំណេះដឹងពាក់ព័ន្ធទៅនឹងទីផ្សារអចលនទ្រព្យនៅកម្ពុជាឲ្យបានច្បាស់លាស់។
ជាការចែករំលែកនូវបទពិសោធន៍ផ្ទាល់ខ្លួន លោក ឡុង គឹមសួគ៌ អគ្គនាយក្រុមហ៊ុនភ្នាក់ងារអចលនទ្រព្យអន្តរជាតិ Century 21 Advance បានមានប្រសាសន៍ថា ក្នុងនាមជាប្រធានក្រុមហ៊ុនភ្នាក់ងារអចលនទ្រព្យដែលបង្កើតថ្មី ត្រូវស្វែងយល់ពីចំណេះដឹង ជំនាញពិតប្រាកដរបស់ខ្លួនដែលពាក់ព័ន្ធនឹងទីផ្សារអចលនទ្រព្យ ព្រោះនៅពេលដែលមានការស្វែងយល់កាន់តែច្បាស់ ហើយមានបទពិសោធន៍ធ្វើការផ្នែកនោះកាន់តែច្រើន វាបានក្លាយជាបច្ច័យល្អជួយដល់ភាពរឹងមាំរបស់ក្រុមហ៊ុនបានមួយចំណែកធំ។
លោកថា ការទទួលបានជោគជ័យនៅលើការប្រកបអាជីវកម្មផ្តល់សេវាកម្មនៅក្នុងវិស័យមួយនេះ គឺមានការគួបផ្សំជាច្រើនដែលក្រៅពីចំណង់ចំណូលចិត្ត ចំណេះដឹង ជំនាញទំនាក់ទំនង បទពិសោធន៍ វាក៏ត្រូវការចាំនូវការធ្វើផែនការ និងការកំណត់គោលដៅរបស់ក្រុមហ៊ុនឱ្យបានច្បាស់លាស់ផងដែរ ថាតើទីផ្សារជំនាញរបស់ខ្លួនស្ថិតនៅក្នុងផ្នែកលំនៅដ្ឋាន ដីឡូតិ៍ ខុនដូរ ឬផ្នែកទីផ្សារឃ្លាំងជាដើម។
លោក ឡុង គឹមសួគ៌ បានបន្តទៀតថា ៖
“នៅពេលដែលយើងបានកំណត់គោលដៅជាក់លាក់ទៅលើជំនាញណាមួយរួចរាល់ហើយនោះ ការជ្រើសរើសគម្រោងសម្រាប់លក់ក៏ជារឿងសំខាន់ផងដែរ។ មុនពេលសម្រេចចិត្តទទួលយកគម្រោងណាមួយលក់ ត្រូវតែចេះសិក្សាពីស្ថានភាពទូទៅនៃគម្រោង ស្គាល់ពីចំណុលល្អ ចំណុចអាក្រក់ លក្ខខណ្ឌដែលទាក់ទាញ ភាពអំណោយផលនៃទីតាំងភូមិសាស្ត្រ តម្លៃដែលត្រូវដាក់លក់នៅលើទៅផ្សារដែលប្រាកដថាអាចលក់ចេញប្រកបដោយភាពជឿជាក់”
លោកថា ៖ «តំបន់ដែលងាយស្រួលលក់ និងមានសក្តានុពលខ្ពស់ គឺជាតំបន់ដែលកំពុងមានការអភិវឌ្ឍន៍ មិនថាស្ថិតនៅកណ្តាលទីក្រុង ជាយក្រុង ឬនៅតាមបណ្តាខេត្តនោះទេ ឱ្យស្ថិតនៅតំបន់មានការអភិវឌ្ឍន៍ ជាតំបន់ស្ថិតនៅក្បែរ ឬទីប្រជុំ គឺសុទ្ធតែមានឱកាសទាំងអស់»។
យ៉ាងណាក៏ដោយ លោក ឡុង គឹមសួគ៌ បានបញ្ជាក់ថា ចំពោះការចាប់យកចំណែកយកទីផ្សារនេះ ក៏ត្រូវដឹងដែរថា ក្រុមហ៊ុនរបស់យើងមានធនធានមនុស្សកម្រិតណា។ បើយើងមានធនធានច្រើន យើងអាចចាប់យកចំណែកទីផ្សារធំ បើចំនួនធនធានតិច ឬនៅមានកម្រិត គួរតែចាប់យកចំណែកទីផ្សារតូច៕
ផ្ទាំងបដាទម្រង់
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ប៊ុលហ្គារី និងក្រិក ប្តេជ្ញាកសាងកិច្ចសហប្រតិបត្តិការដើម្បីធានាសន្តិសុខតំបន់ប៉ែកខាងកើតណាតូ
ព្រឹត្តិការណ៍, អាជីវកម្មថ្មី និងនវានុវត្ត
• 13/03/2026
ជំនួបរវាងមេដឹកនាំប្រទេសប៊ុលហ្ការី និងប្រទេសក្រិក កាលពីពេលថ្មីៗនេះបានបង្ហាញពីលទ្ធផលដ៏ល្អប្រសើរនៃទំនាក់ទំនងទ្វេភាគី ជាពិសេសអាចធានាបាននូវសន្តិសុខ និងស្ថិរភាពនៅក្នុងតំបន់ភាគកើតនៃតំបន់ណាតូថែមទៀតផង
រដ្ឋមន្ត្រីឧស្សាហកម្ម ៖ កម្ពុជាមិនទាន់មានរោងចក្របិទទ្វារ ឬផ្អាកខ្សែច្រវាក់ផលិតកម្មដោយសារបញ្ហាថាមពលនោះទេ
ព្រឹត្តិការណ៍, អាជីវកម្មថ្មី និងនវានុវត្ត
• 13/03/2026
រដ្ឋមន្ត្រីឧស្សាហកម្ម ៖ ទោះបីការផ្គត់ផ្គង់ប្រេងលើទីផ្សារសកលកំពុងរាំងស្ទះ ប៉ុន្តែកម្ពុជាមិនទាន់មានរោងចក្របិទទ្វារ ឬផ្អាកខ្សែច្រវាក់ផលិតកម្ម ដោយសារបញ្ហាថាមពលនោះទេ
ធនាគារ ABA បន្ថែមសាខាថ្មីនៅតំបន់សេដ្ឋកិច្ចពិសេសក្រុងព្រះសីហនុ
ព្រឹត្តិការណ៍, អត្ថបទពាណិជ្ជកម្ម
• 13/03/2026
ធនាគារ ABA បានបើកសាខាថ្មីជាផ្លូវការនៅក្នុងតំបន់សេដ្ឋកិច្ចពិសេសក្រុងព្រះសីហនុ (SSEZ) ដោយពង្រឹងការប្តេជ្ញាចិត្តរបស់ខ្លួនក្នុងការផ្តល់សេវាធនាគារទំនើប សុវត្ថិភាព
ផ្ទាំងបដាទម្រង់
កម្មវិធីពិសេសរបស់ AMS ECONOMY
Account
Security
Favourite Content