ការប្រើប្រាស់របស់មួយទឹក បានកាត់បន្ថយចំណាយ ជួយដល់សហគមន៍ និងបរិស្ថាន

ភ្នំពេញ ៖ ទំនិញមួយទឹក ដ្បិតថាមិនមែនជារបស់ថ្មីគាស់ចេញពីកេស ប៉ុន្តែគុណភាពរបស់វានៅតែអាចប្រើប្រាស់បាន ស្អាត និងមានតម្លៃថោក ដែលជួយអាចកាត់បន្ថយការចំណាយ កាត់បន្ថយសំរាម ហើយថែមទាំងបានចូលរួមជួយដល់សហគមន៍ក្រីក្រ និងថែរក្សាបរិស្ថានថែមទៀតផង។

សម្ភារៈប្រើប្រាស់ ក៏ដូចជាសម្លៀកបំពាក់មួយទឹក ដែលមានដាក់តាំងលក់នៅក្នុងហាងមួយមានទំហំតូចល្មម ឈ្មោះថា «ស្នួរខោអាវ» ភាគច្រើនបានមកពីការបរិច្ចាគពីសប្បុរសជន ជាពិសេស ជនបរទេសដែលចង់ចែករំលែកក្ដីស្រឡាញ់របស់ខ្លួនទៅអ្នកដទៃ។ ទំនិញដែលបានដាក់លក់នៅក្នុងហាងមួយនេះរួមមានដូចជា សម្លៀកបំពាក់បុរស នារី កុមារ ជាច្រើនឈុត មានគ្រឿងអលង្កា កាបូប ស្បែកជើង ដែលមានតម្លៃសមរម្យ។ ក្រៅពីនេះ ក៏មានទទួលផលិតផលខ្មែរយកមកដាក់លក់ផងដែរ ដូចជា ផលិតធ្វើពីឫស្សី ដីឥដ្ឋ និងសាប៊ូ ជាដើមដែលសុទ្ធសឹងជាផលិតផលក្នុងស្រុក។

ក្នុងកាយវិការបង្ហាញពីកិច្ចស្វាគមន៍ចំពោះវត្តមានអ្នកយកព័ត៌មាន AMS នៅទីតាំងលក់ផ្ទាល់ អ្នកនាង យ៉ិន ចិន្ដា ដែលជាស្ថាបនិកហាងលក់របស់មួយទឹក «ស្នួរខោអាវ» បានរៀបរាប់ថា

“ខ្ញុំជាអ្នកចូលចិត្តប្រើរបស់មួយទឹក ព្រោះវាមានតម្លៃថោក ហើយនៅស្រុកខ្មែរផលិតផលខោអាវមានច្រើនមែនទែនដែលគេគិតទៅលើ fashion និងភ្លេចពីបញ្ហាទាក់ទងនឹងបរិស្ថានដែលយើងបោះចោលទៅលើភពផែនដីនោះដែរ ហើយថែមទាំងចំណាយលុយច្រើនទៅទិញរបស់ថ្មីៗទៀត”

“ហាងយើងខុសប្លែកពីហាងដទៃទៀត ដោយសារខោអាវ និងសម្ភារៈដែលយើងបានមក គឺយើងអត់ទិញពីផ្សារ ឬក៏យើងទិញពី អូឫស្សីទេ គឺបានមកពីការបរិច្ចាគរបស់អតិថិជនយើងដែលគាត់ធ្លាប់ទិញខោអាវយើង ហើយគាត់គិតថាគាត់អត់ចង់បោះចោលខោអាវរបស់គាត់ប្រើរួច ហើយចង់ផ្ទេរក្ដីស្រឡាញ់របស់គាត់ទៅអ្នកដទៃតាមរយៈការយកសម្លៀកបំពាក់របស់គាត់មកបរិច្ចាគឱ្យយើង។ អ្វីដែលប្លែក គឺអ្នកមកទិញឥវ៉ាន់នៅកន្លែងនេះ គាត់បានចូលរួមចំណែកជួយដល់សហគមន៍ដោយមិនដឹងខ្លួន…ហើយតម្លៃខោអាវទាំងអស់នេះមិនថ្លៃពេកនោះទេ”

ម្ចាស់ហាងខាងលើក៏បានបន្តថា

ដោយឈរលើគោលកាណ៍លើកកម្ពស់ការប្រើប្រាស់របស់មួយទឹក និងចែករំលែកនូវក្តីស្រលាញ់ រួមទាំងការថែរក្សាបរិស្ថាន អ្នកនាង ចិន្ដា និងដៃគូម្នាក់ទៀតដែលជាជនជាតិបរទេសមានឈ្មោះថា អេមី (Amy Von Diest) តែងបានព្យាយាមធ្វើការផ្សព្វផ្សាយតាមបណ្ដាញសង្គមជាញឹកញាប់។ ពួកគាត់បានសហការគ្នាបើកហាងស្នួរខោអាវនេះឡើងរយៈពេលជិត6ឆ្នាំ ដោយមានទីតាំងនៅផ្លូវ 122z ជិតវិទ្យាស្ថានភាសាបរទេស IFL ជាមួយនឹងការចំណាយដើមទុនដំបូងប្រមាណ 1,000ដុល្លារ ទៅលើការជួលទីតាំង ការរៀបចំ និងការទិញទំនិញចូលពីខាងក្រៅបន្ថែមខ្លះៗ ដោយសារអតិថិជនភាគច្រើនជាសិស្សដែលចូលចិត្តរបស់តូចៗ ស្អាតៗ និងមិនមាននៅហាងដទៃ។

យ៉ាងណាក៏ដោយអាជីវកម្មនេះបានជួបប្រទះនូវបញ្ហាមួយចំនួនផងដែរ ដូចជា កន្លែងលក់មានទំហំតូច ផ្លូវចូលចង្អៀត ដែលអតិថិជនភាគច្រើនបានមើលរំលង លុះត្រាតែអតិថិជនចាស់ៗប៉ុណ្ណោះទើបស្គាល់។

ពាក់ព័ន្ធទៅនឹងការបើកអាជីវកម្មខ្នាតតូចលក់សម្ភារៈ និងសម្លៀកបំពាក់មួយទឹកនេះ អ្នកនាង ចិន្ដា បានបង្ហាញជាទស្សនៈទានផ្ទាល់ខ្លួនថា សម្រាប់អ្នកដែលចង់បង្កើតអាជីវកម្មអ្វីមួយ គួរតែរកអ្វីដែលថ្មីខុសពីគេ និងមានលក្ខណៈពិសេស កុំមានភាពភ័យខ្លាច ហើយសួរខ្លួនឯងថា តើយើងចូលចិត្តទេ យើងហ៊ានទេ ហើយយើងបានព្យាយាមហើយឬនៅ​? ដោយឡែកចំពោះបញ្ហាថវិកាដែលជាដើមទុន អាចគិតពេលក្រោយទៀត សំខាន់យើងធ្វើចាប់ផ្ដើមវាជាជំហានដំបូងមុនសិន។ ជាចុងក្រោយ អ្នកនាង ចិន្តា ក៏ដូចជាដៃគូស្ថាបនិកហាង «ស្នួរខោអាវ» ចង់ឱ្យអតិថិជនមានការគាំទ្រច្រើនជាងនេះ ពិសេសអតិថិជនចាស់ៗដែលនិយមគាំទ្រ និងស្រឡាញ់របស់មួយទឹកកន្លងមកបន្តគាំទ្រ និងស្ថិតនៅជាមួយ ស្នួរខោអាវ។ មួយវិញទៀត ក៏ចង់លើកទឹកចិត្តឱ្យប្រជាពលរដ្ឋខ្មែរងាកមកមើល និងឱ្យតម្លៃទៅលើសម្ភារៈប្រើប្រាស់ ក៏ដូចជាសម្លៀកបំពាក់មួយទឹក ដែលអាចជួយកាត់បន្ថយចំណាយ ជួយថែរក្សាបរិស្ថាន និងអាចជួយដល់សហគមន៍ថែមទៀតផង៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន