សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ រដ្ឋាភិបាលថៃ បានចាត់យោធារបស់ខ្លួនឱ្យទទួលបន្ទុកក្នុងការដោះស្រាយវិបត្តិទឹកជំនន់ និងត្រៀមកម្លាំងដើម្បីជួយសង្គ្រោះមនុស្សរាប់ម៉ឺននាក់ ខណៈដែលខេត្តច្រើនជាង៥០ កំពុងជន់លិចយ៉ាងខ្លាំង នេះបើយោងតាមសេចក្ដីរាយការណ៍ពីរ៉យទ័រ។
យោធាថៃ បានបញញ្ចេញយន្តហោះដឹកទំនិញ C-130 ដើម្បីសង្គ្រោះតាមរយៈការផ្គត់ផ្គង់ថ្នាំ អាហារ និងទឹកដល់ពលរដ្ឋរងគ្រោះ ជាមួយនឹងការបញ្ចេញកងនាវាចំនួន ១៤ គ្រឿង នាវាផ្ទុកយន្តហោះ និងឧទ្ធម្ភាគចក្រ២គ្រឿងថែមទៀត ដើម្បីដឹកក្រុមគ្រូពេទ្យ និងគ្រឿងសម្ភារៈនានាដែលអាចផ្គត់ផ្គង់អាហារសម្រាប់ ៣ ០០០ នាក់ក្នុងមួយថ្ងៃ។ កងទ័ពជើងទឹកបានបញ្ចូនកម្លាំង ជាមួយនឹងនាវាផ្ទុកយន្តហោះក្នុងការបម្រើជាមន្ទីរពេទ្យបណ្តែតលើទឹក។
នៅក្នុងប្រតិបត្តិការ បានផ្តោតសំខាន់លើទីក្រុងហាតយ៉ៃ នៃខេត្តសុងក្លា ដែលជាមជ្ឈមណ្ឌលពាណិជ្ជកម្មកៅស៊ូរបស់ប្រទេសថៃ និងជាទីក្រុងធំជាងគេទី៥របស់ខ្លួន។ ហាតយ៉ៃ ទទួលរងទឹកភ្លៀង ៣៣៥ មីលីម៉ែត្រ ដែលជាកម្ពស់ខ្ពស់បំផុតក្នុងរយៈពេល៣សតវត្សរ៍ចុងក្រោយ។ អភិបាលខេត្តសុងក្លា លោក Ratthasart Chidchod បានលើកឡើងថា ទូក ឡានដឹកទំនិញធំៗ និងស្គីទឹកសុទ្ធតែត្រូវបានប្រើប្រាស់ដើម្បីជម្លៀសអ្នកស្រុក។ អាជ្ញាធរបានអំពាវនាវឲ្យពលរដ្ឋទាំងអស់ប្រញាប់ចាកចេញពីតំបន់នោះជាបន្ទាន់ ព្រោះប្រសិនបើទឹកជំនន់ឡើងខ្ពស់ វានឹងកាន់តែពិបាកក្នុងការផ្តល់អាហារ និងការថែទាំ។
គួរឲ្យបញ្ជាក់ដែរថា ទឹកជំនន់មានកម្ពស់រហូតដល់ ២ ម៉ែត្រនៅក្នុងតំបន់មួយចំនួន ជាពិសេស បណ្តាខេត្តនៅភាគខាងត្បូងចំនួន ៩ និងបានសម្លាប់មនុស្ស ១៣ នាក់។ មនុស្សសរុបប្រមាណជាង ២,១ លាននាក់កំពុងរងផលប៉ះពាល់ពីទឹកជំនន់នៅក្នុងប្រទេសថៃ ដោយ ១៣ ០០០ នាក់ត្រូវបានផ្លាស់ទី និងមនុស្សច្រើននាក់ផ្សេងទៀតមិនអាចទទួលជំនួយបាន។
ទឹកជំនន់កំពុងបង្កផលប៉ះពាល់ដល់ឧស្សាហកម្មកៅស៊ូរបស់ប្រទេសថៃ ដែលជាអ្នកផលិត និងអ្នកនាំចេញធំមួយរបស់ពិភពលោក។ ធនាគារកណ្តាលរបស់ថៃ បានបង្ហើបថា បណ្តាធនាគារពាណិជ្ជ នៅក្នុងខេត្តចំនួន៥ បានបិទសាខាជាង ៧០% ព្រោះរងផលប៉ះពាល់ខ្លាំងជាងគេ។ លើសពីនេះ រោងចក្រថាមពលចំនួន ១៧ ត្រូវបានបិទ និងគ្រោងយកទិន្នផលពីខេត្តផ្សេងទៀត។ រដ្ឋមន្ត្រីក្រសួងឧស្សាហកម្ម Thanakorn Wangboonkongchana បានលើកឡើងថា រោងចក្រចំនួន ៧១៥ កន្លែងនៅខេត្តសុងក្លាត្រូវបានជន់លិច បណ្តាលឱ្យមានការខូចខាតសរុបជិត ៤០ លានដុល្លារ ខណៈដែលរោងចក្រនៅដំណើរការកំពុងជួបការលំបាកក្នុងការទទួលបានវត្ថុធាតុដើមពីការដឹកជញ្ជូន៕
Account
Security
Favourite Content