សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វៀតណាម ៖ ធនាគារអភិវឌ្ឍន៍អាស៊ី (ADB) បានកៀងគរកញ្ចប់ហិរញ្ញប្បទានចំនួន ១៣៥លានដុល្លារសម្រាប់ក្រុមហ៊ុន VinFast ដើម្បីឲ្យក្រុមហ៊ុនផលិតរថយន្តក្រុងសាធារណៈ ដែលដំណើរការដោយថាមពលអគ្គិសនីទាំងស្រុងលើកដំបូងគេរបស់វៀតណាម ហើយ VinFast នឹងត្រូវអភិវឌ្ឍជាបណ្តាញរថយន្តអគ្គិសនីជាតិដំបូងគេ។ នេះបើតាមសារព័ត៌មានវៀតណាម កាលពីថ្ងៃដើមសប្ដាហ៍កន្លងទៅនេះ។
នៅក្នុងកញ្ចប់ជំនួយហិរញ្ញវត្ថុនេះ នឹងគាំទ្រដល់កិច្ចខិតខំប្រឹងប្រែងរបស់វៀតណាមក្នុងការសម្រេចគោលដៅ អព្យាក្រឹតកាបូន និងពង្រីកឧស្សាហកម្មនេះ ដោយផ្អែកលើបច្ចេកវិទ្យាជាន់ខ្ពស់ ដែលការផ្តល់ហិរញ្ញប្បទាននេះសម្រាប់រយៈពេល ៧ឆ្នាំរួមមានប្រាក់កម្ចីចំនួន ២០លានដុល្លារ ផ្តល់ដោយមូលនិធិរបស់ ADB និងប្រាក់កម្ចីប៉ារ៉ាឡែល(កម្ចីរវាងក្រុមហ៊ុន២) ចំនួន ៨៧លានដុល្លារដែលសម្របសម្រួលដោយ ADB។ ដោយឡែក ទឹកប្រាក់ចំនួន ២៨លានដុល្លារទៀតគឺជាហិរញ្ញប្បទានសម្បទាន។
អគ្គនាយកនៃនាយកដ្ឋានប្រតិបត្តិការវិស័យឯកជនរបស់ ADB អ្នកស្រី Suzanne Gabory បានលើកឡើងថា ៖
“គម្រោងនេះផ្តល់នូវដំណោះស្រាយដឹកជញ្ជូនប្រកបដោយនិរន្តរភាពសម្រាប់ប្រទេសវៀតណាម ហើយជួយប្រទេសនេះឱ្យសម្រេចបាននូវគោលដៅអាកាសធាតុ និងគាំទ្រដល់កំណើនហិរញ្ញវត្ថុអាកាសធាតុនៅក្នុងតំបន់”
អ្នកស្រីបន្តថា ៖
“អាស៊ី និងប៉ាស៊ីហ្វិក គឺជាតំបន់ជួរមុខនៃការប្រយុទ្ធប្រឆាំងទៅនឹងបម្រែបម្រួលអាកាសធាតុជាសាកល ហើយគម្រោងសម្រាប់វិស័យឯកជនបែបនេះ ជាមួយដៃគូ ដែលប្រកបដោយភាពច្នៃប្រឌិត ដូចជា VinFast ពិតជាមានសារៈសំខាន់ណាស់ក្នុងការជួយប្រទេសកាត់បន្ថយការបញ្ចេញកាបូន”
វិស័យដឹកជញ្ជូនរបស់វៀតណាមមានចំណែកប្រមាណ ១៨ភាគរយនៃការបំភាយឧស្ម័នផ្ទះកញ្ចក់ប្រចាំឆ្នាំ។ ដូច្នេះការបន្ថយបំភាយឧស្ម័ន តាមរយៈជម្រើសផ្សេងៗដូចជាការធ្វើបំលាស់ទីដោយប្រើថាមពលអគ្គិសនី(e-mobility)នឹងជះឥទ្ធិពលដោយផ្ទាល់ដល់មហិច្ឆតារបស់ប្រទេសវៀតណាមក្នុងការសម្រេចបាននូវអព្យាក្រឹតកាបូនត្រឹមឆ្នាំ២០៥០។
លើសពីនេះទៀត គម្រោងនេះក៏រួមបញ្ចូលទាំងជំនួយបច្ចេកទេស(TA) ចំនួនជិត ១លានដុល្លារ ពី ACFP និង CTF ខណៈដែលជំនួយនេះ នឹងផ្តោតលើការបង្កើនចំណេះដឹងរបស់អ្នកប្រើប្រាស់អំពី e-mobility ដើម្បីជួយជំរុញការពង្រីកទីផ្សារបន្ថែមទៀត។
គួររំលឹកផងដែរថា VinFast បានបង្កើតឡើងក្នុងឆ្នាំ២០១៧ ក្នុងនាមជាក្រុមហ៊ុនផលិតរថយន្តក្នុងស្រុក និងជាក្រុមហ៊ុនផលិតរថយន្តអគ្គិសនីដំបូងគេរបស់វៀតណាម ដែលជាបុត្រសម្ព័ន្ធរបស់ក្រុមហ៊ុន Vingroup Joint Stock Company ជាសហគ្រាសឯកជនធំបំផុតរបស់វៀតណាម និងជាក្រុមហ៊ុនចុះបញ្ជី(ហ៊ុន)ធំជាងគេនៅប្រទេសវៀតណាម។ VinFast បានអភិវឌ្ឍរថយន្តអគ្គិសនីសម្រាប់ទីផ្សារក្នុងស្រុក និងអន្តរជាតិ ហើយកំពុងវិនិយោគលើបណ្តាញទូទាំងប្រទេសសម្រាប់ការសាកថ្មរហ័សលើប្រភេទរថយន្តអគ្គិសនីក្នុងប្រទេសវៀតណាម៕ អត្ថបទដោយ ៖ CPA / យ៉ាន អាន
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content