សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ហាណូយ ៖ តាមរយៈវិស័យសំខាន់ៗមួយចំនួនរបស់ប្រទេសវៀតណាមត្រូវបានអ្នកជំនាញសេដ្ឋកិច្ចមើលឃើញថា នឹងក្លាយជាកម្លាំងចលករយ៉ាងសំខាន់ក្នុងការជួយឲ្យប្រទេសនៅក្នុងតំបន់អាស៊ីអាគ្នេយ៍មួយនេះដើរតួជំនួសតំណែងចិនបានក្នុងនាមជាមជ្ឈមណ្ឌលនៃសង្វាក់ផលិតកម្មរបស់ពិភពលោកនាពេលខាងមុខ។
ផលប៉ះពាល់ដែលបណ្តាលមកពីការរាតត្បាតនៃវីរុសកូវីដបានបង្កការរំខានទៅដល់ដំណើរការសេដ្ឋកិច្ចរបស់ប្រទេសចិនយ៉ាងខ្លាំងក្លាហើយបន្ថែមលើសពីនេះគោលនយោបាយដែលមិនអាចព្យាករណ៍ទុករបស់ចិនកំពុងបានធ្វើឲ្យមានការសម្រេចចិត្តឡើងវិញជាច្រើនពីសំណាក់បណ្តាក្រុមហ៊ុនអន្តរជាតិធំៗនិងសំខាន់ៗរបស់ពិភពលោកចំពោះសង្វាក់ផលិតកម្មពួកគេ។
សម្រាប់ប្រទេសវៀតណាមនៅត្រីមាសដំបូងឆ្នាំនេះ កំណើនសេដ្ឋកិច្ចបានបង្កើនទំនុកចិត្តយ៉ាងខ្លាំងចំពោះបណ្តាក្រុមអ្នកវិនិយោគបរទេស ជាពិសេសក្នុងពេលដែលសិទ្ធិក្នុងការទិញដីកាន់តែទូលាយប្រាក់កម្រៃនៃកម្មករមានការតម្លៃធូរថ្លៃ ហើយប្រតិបត្តិការចំណាយនានាក៏មានការប្រកួតប្រជែង ជាពិសេសសម្រាប់រោងចក្រ និងឃ្លាំង បានក្លាយទៅជាកត្តាទាក់ទាញដ៏សំខាន់បំផុតដែលជាក់ស្តែងវត្តមាននៃក្រុមហ៊ុនធំៗកំពុងធ្វើអាជីវកម្មនៅទីនេះរួមមានដូចជា Samsung, Foxconn, Xiaomi, IBM, Microsoft, Nestle, Procter & Gambles, Pepsico, Unilever, Nike និង Honda។
កត្តាគួរឲ្យកត់សំគាល់ផ្សេងទៀតដែលអាចបញ្ជាក់ពីស្ថានភាពរវាងចិន និងវៀតណាមនោះគឺថានៅត្រីមាសដំបូងឆ្នាំ២០២២ សេដ្ឋកិច្ចរបស់វៀតណាមបានទទួលកំណើនដល់៥ភាគរយធៀបទៅនឹងចិនដែលទទួលបានត្រឹមតែ៤,៨ភាគរយ។ ពាណិជ្ជកម្មដោយបរទេសនៅក្នុងប្រទេសវៀតណាមគិតត្រឹមពេលវេលាដូចគ្នានេះមានការកើនឡើងដល់១៧៦,៣៥ពាន់លានដុល្លារស្ថិតនៅក្នុងអត្រាកំណើន១៤.៤ភាគរយ ខណៈដែលចិនទទួលបានត្រឹមតែ១០,៧ភាគរយ។
បើក្រឡេកមើលទៅលើភូមិសាស្ត្រនយោបាយវិញ វៀតណាមកំពុងទទួលបានផលចំណេញយ៉ាងខ្លាំងពីជម្លោះពាណិជ្ជកម្មដែលបានកើតឡើងរវាងអាមេរិក និងចិនកាលពីឆ្នាំ២០១៨ ដែលមិនត្រឹមតែវៀតណាមនោះទេ សូម្បីតែមិកស៊ិកូក៏បានទទួលអត្ថប្រយោជន៍មួយចំនួនធំពីការទាស់ទែងគ្នារវាងមហាយក្សទាំងពីរផងដែរ។
ពាណិជ្ជកម្មរវាងវៀតណាម និងអាមេរិកមានការកើនឡើងឥតឈប់ឈរចាប់តាំងតែពីឆ្នាំ២០១៨ ហើយទិន្នន័យចុងក្រោយបានបង្ហាញថាទំហំនាំចេញរបស់វៀតណាមមានការកើនឡើងខ្លាំងលើសការនាំចូលដល់ទៅ៨១ពាន់លានដុល្លារគិតត្រឹមឆ្នាំ២០២១ ខណៈដែលកាលពីឆ្នាំ២០២០វៀតណាមធ្វើបាន៦៣ពាន់លានដុល្លារ។ អ្នកវិភាគជាច្រើនបានជឿជាក់ថា នាពេលខាងមុខ វៀតណាមនឹងបន្តរក្សាភាពទាក់ទាញចំពោះការវិនិយោគពីបរទេស ហើយភាគច្រើនជាទិសដៅសម្រាប់ការធ្វើពិពិធកម្មខ្សែសង្វាក់ផ្គត់ផ្គង់ ក្នុងពេលដែលការប្រកួតប្រជែងសេដ្ឋកិច្ច និងភូមិសាស្ត្រនយោបាយនៅតែបន្តកើតមានឡើងដូចសព្វថ្ងៃនេះ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Putin ធ្វើទស្សនកិច្ចលើកដំបូងបង្អស់ទៅកាន់ប្រជុំកោះ Kuril តំបន់ជម្លោះដ៏រ៉៉ាំរ៉ៃជាមួយជប៉ុន
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ប្រធានាធិបតីរុស្ស៊ី លោក Vladimir Putin បានធ្វើទស្សនកិច្ចជាលើកដំបូងបង្អស់របស់លោកទៅកាន់ប្រជុំកោះ Kuril ក្នុងអំឡុងពេលធ្វើដំណើរទស្សនកិច្ចការងារនៅតំបន់ស៊ីបេរី និងចុងបូព៌ា
អាម៉េរិកបង្ខំក្រុមហ៊ុនអាវុធធំៗ ដាក់ផែនការបង្កើនផលិតកម្មក្នុងរយៈពេល ២១ ថ្ងៃ
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ក្រសួងការពារជាតិអាម៉េរិក បានទុកពេលត្រឹម ២១ ថ្ងៃ ឱ្យក្រុមហ៊ុនផលិតអាវុធធំៗ ដាក់ជូនផែនការលម្អិតសម្រាប់ពន្លឿនការផលិតសព្វាវុធសំខាន់ៗ ខណៈស្តុកមីស៊ីលរបស់អាម៉េរិកបានធ្លាក់ចុះយ៉ាងខ្លាំង បន្ទាប់ពីការប្រើប្រាស់សព្វាវុធក្នុងប្រតិបត្តិការយោធានៅមជ្ឈិមបូព៌ានាពេលថ្មីៗនេះ
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content