សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ភ្នំពេញ)៖ ពាណិជ្ជកម្មរវាងកម្ពុជា ជាមួយអន្តរជាតិ ក្នុងរយៈពេល៦ខែ នៃឆ្នាំ២០២២នេះ មានទំហំជាង ២៧ពាន់លានដុល្លារ ដែលកើនឡើង ២០.២% បើធៀបជាមួយនឹងរយៈពេលដូចគ្នា នៃឆ្នាំ២០២១ ដែលមានទំហំ ២២.៦៧ ពាន់លានដុល្លារ។ នេះបើតាមរបាយការណ៍ពី អគ្គនាយកដ្ឋានគយ និងរដ្ឋាករកម្ពុជា។ យ៉ាងណាមិញ លំហូរនៃការនាំចេញ-នាំចូលរបស់កម្ពុជា ជាមួយអន្តរជាតិជារួម គឺកម្ពុជាបាននាំចេញក្នុងតម្លៃ ១១.៣៧ពាន់លានដុល្លារ ដែលកើនឡើង៣៣.៩% និងនាំចូលមកវិញក្នុងតម្លៃជាង១៥.៨៦ពាន់លានដុល្លារ កើនឡើង១១.៩%។
បើតាមរបាយការណ៍ដដែលបានបង្ហាញថា ប្រទេសចិន នៅតែជាដៃគូពាណិជ្ជកម្មដ៏ធំបំផុតរបស់កម្ពុជា ដែលសម្រេចបានទំហំពាណិជ្ជកម្ម ៥.៩ពាន់លានដុល្លារ កើនឡើង១៩.៧% បើធៀបនឹងរយៈពេល៦ខែដូចគ្នា កាលពីឆ្នាំ២០២១ ហើយតាមពីក្រោយចិន គឺសហរដ្ឋអាមេរិក ដែលសម្រេចទំហំពាណិជ្ជកម្មរវាងគ្នា មានតម្លៃជាង ៤.៨១ពាន់លានដុល្លារ កើនឡើង៥១.៨%។ បើទោះជាទំហំនាំចូលរបស់អាមេរិក តិចជាងចិន តែប្រទេសនេះបានក្លាយជាទីផ្សារដ៏ធំរបស់កម្ពុជា ដែលនាំចូលទំនិញពីកម្ពុជាច្រើនជាងគេ ក្នុងរយៈពេល៦ខែនេះ។
ជាមួយនឹងលទ្ធផលនៃការនាំចេញរបស់កម្ពុជាដែលកើនឡើង ២០%នេះ មានការចូលរួមច្រើនពីឧស្សាហកម្មកាត់ដេរសម្លៀកបំពាក់ និងស្បែកជើង ខណៈដែលប្រទេសផ្សេងៗបានថមថយនូវសង្វាក់ផលិតកម្ម។ លើសពីនេះទៅទៀត កម្ពុជាបាននាំចេញទំនិញផ្សេងទៀតដូចជាកង់ គ្រឿងអេឡិចត្រូនិក អគ្គិសនីសម្រាប់បំពាក់ក្នុងរថយន្តមួយចំនួនជាដើម។ នេះបើតាមប្រសាសន៍របស់លោកបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិន និងជាអ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា។ គួរបញ្ជាក់ថា ការនាំចេញសម្លៀកបំពាក់ បានបង្ហាញកំណើនដ៏ល្អប្រសើរ ក្នុងរយៈពេល៦ខែនេះ ដោយកម្ពុជាបាននាំចេញសម្លៀកបំពាក់ក្នុងតម្លៃ ៤.៥ពាន់លានដុល្លារ ខណៈរយពេល៦ខែកាលពីឆ្នាំមុន នាំចេញតែ៣.២ពាន់លានដុល្លារប៉ុណ្ណោះ។ ចំណែកការនាំចេញស្បែកជើងវិញ មានតម្លៃ ៨៤៦លានដុល្លារ កើនឡើង៣២.៧%, ម៉ាស៊ីន និងឧបករណ៍អគ្គិសនី នាំចេញបានជាង ៧៦០លានដុល្លារ កើនឡើង ៥៨.៧% ។ បន្ថែមពីនោះការនាំចេញគ្រឿងសង្ហារឹមផ្សេងៗ មានតម្លៃ ៥២៥លានដុល្លារ កើនឡើង ៧៤.២%៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content