រដ្ឋមន្ត្រីកសិកម្មសាទរសមិទ្ធផលថ្មីនៃការនាំចេញស្វាយស្រស់ជាផ្លូវការពីកម្ពុជាទៅចិន

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបង្ហាញពីក្ដីសាទរចំពោះសេចក្ដីសម្រេច និងអនុញ្ញាតពីរដ្ឋាភិបាលចិនក្នុងនាំចេញស្វាយ​ស្រស់កម្ពុជា​ទៅ​កាន់​ទីផ្សាររបសើប្រទេសចិន ដោយចាប់ផ្តើមពីក្រុមហ៊ុនចំនួន៥ជាលើកដំបូងជាផ្លូវការ។

ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ តាមរយៈគណនីផ្លូវការបានសរសេរថា ៖

“ក្នុងនាមថ្នាក់ដឹកនាំក្រសួងកសិកម្ម រុក្ខា​ប្រមាញ់ និងនេសាទនៃព្រះរាជាណាចក្រកម្ពុជា ខ្ញុំសូមថ្លែងអំណរគុណយ៉ាងជ្រាលជ្រៅចំពោះ រដ្ឋាភិបាលនៃសាធារណរដ្ឋប្រជាមានិតចិន ជាពិសេស​ឯកឧត្តម​អគ្គរដ្ឋបាលគយនៃសាធារណរដ្ឋប្រជាមានិតចិន ដែលបានអនុញ្ញាតជាផ្លូវការក្នុងនាំផ្លែស្វាយស្រស់ចេញពីកម្ពុជា”

ឯកឧត្តមបានបញ្ជាក់ថា ចំពោះការរៀបចំពិធីជាផ្លូវការនៃការនាំស្វាយស្រស់ចេញពីកម្ពុជាទៅកាន់ប្រទេសចិន ក្រសួងកសិកម្ម រុក្ខាប្រមាញ់ និងនេសាទ នឹង​សហការជាមួយឯកឧត្តមអគ្គរដ្ឋទូតចិនប្រចាំនៅព្រះរាជាណាចក្រកម្ពុជា ដើម្បីពិនិត្យមើលលទ្ធភាព និងពេលវេលា ដែលអាចប្រព្រឹត្តនៅក្នុងសប្តាហ៍នេះ ហើយ​ផ្លែស្វាយស្រស់កម្ពុជា គឺជាផ្លែឈើស្រស់ទី2 បន្ទាប់ពីផ្លែចេកស្រស់ដែលអាចនាំចេញទៅប្រទេសចិនដោយផ្ទាល់។ នេះគឺជាសមិទ្ធផលផ្លែផ្កាថ្មីមួយ​ទៀត​ដែលប្រសូត្រចេញពីកិច្ចសហប្រតិបត្តិការដ៏ល្អ ប្រសើររវាងព្រះរាជាណាចក្រកម្ពុជានិងសាធារណៈរដ្ឋប្រជាមានិតចិន។

ក្នុងខ្លឹមសារនៃពិធីសារ បានកំណត់ថាស្វាយដែលដាំក្នុងគោលបំណងនាំចេញទៅប្រទេសចិន ត្រូវចុះបញ្ជីនៅអគ្គនាយកដ្ឋានកសិកម្ម និងទទួលស្គាល់ដោយ GACC ហើយគ្រប់ចម្ការស្វាយដែលត្រូវបានចុះបញ្ជី ត្រូវអនុវត្តន៍ការដាំដុះតាមគោលការណ៍ការអនុវត្តកសិកម្មល្អ (GAP) និងផ្លែស្វាយដែលនាំចេញ​ត្រូវឆ្លង​កាត់ការធ្វើប្រព្រឹត្តិកម្មកម្ចាត់ពងរុយចោះផ្លែស្វាយដោយប្រើចំហាយទឹកក្តៅ (Vapor Heat Treatment – VHT) ឬប្រព្រឹត្តិកម្មទឹកក្តៅ (Hot Water Treatment – HWT) ដើម្បីធានាថា ផ្លែស្វាយស្រស់ទាំងនោះ ពុំជាប់នូវសមាសភាពចង្រៃភូតគាមអនាម័យដូចមានចែងក្នុងពិធីសារ។

សូមបញ្ជាក់ថា ក្រសួងកសិកម្ម រុក្ខាប្រមាញ់ និងនេសាទនៃព្រះរាជាណាចក្រកម្ពុជាបានចាប់ផ្តើមទំនាក់ទំនង ចរចាបើកទីផ្សារជាមួយអគ្គរដ្ឋបាលគយ​នៃ​សាធារណរដ្ឋប្រជាមានិតចិន (GACC) តាំងពីដើមឆ្នាំ2018 នៅមុនពេលអគ្គរដ្ឋបាលត្រួតពិនិត្យគុណភាព អធិការកិច្ច និងចត្តាឡីស័ក (AQSIQ) ច្របាច់​បញ្ចូលគ្នាជាមួយ GACC ហើយរហូតដល់ថ្ងៃទី28 ខែឧសភា ឆ្នាំ2020 ទើបបានទទួលការឯកភាព និងចុះហត្ថលេខានៅថ្ងៃទី9 ខែមិថុនា ឆ្នាំ2020 លើពិធីសារស្តីពីលក្ខខណ្ឌតម្រូវភូតគាមអនាម័យសម្រាប់ការនាំចេញផ្លែស្វាយស្រស់ពីកម្ពុជាទៅកាន់ប្រទេសចិន។ ជាលទ្ធផលបន្ទាប់ពីការចរចាបើកទីផ្សារ​អស់រយៈពេលជាង3ឆ្នាំ នៅថ្ងៃទី26 ខែមេសា ឆ្នាំ2021នេះ GACC បានអនុម័តទទួលស្គាល់ជាផ្លូវការនូវបញ្ជីឈ្មោះ​ចម្ការស្វាយចំនួន37 និង​រោង​ចក្រវេចខ្ចប់​ចំនួន5 ដែលបានចុះបញ្ជីសម្រាប់នាំចេញផ្លែស្វាយស្រស់កម្ពុជាទៅកាន់ប្រទេសចិន៕

ព្រឹត្តិការណ៍, អាជីវកម្មថ្មី និងនវានុវត្ត

BeReal បណ្តាញសង្គមថ្មី មុខងារប្លែក កំពុងទាក់ចិត្តយុវវ័យយ៉ាងខ្លាំង

BeReal ជាកម្មវិធីទូរស័ព្ទបែបបណ្តាញសង្គមដ៏ថ្មីស្រឡាងមួយដែលទើបតែត្រូវបានប្រកាសដាក់ឲ្យដំណើរការកាលពីឆ្នាំ២០២០កន្លងទៅនេះប៉ុណ្ណោះ ប៉ុន្តែវាកំពុងទទួលបានការចាប់អារម្មណ៍យ៉ាង…
ព្រឹត្តិការណ៍, ហិរញ្ញវត្ថុ

ប្រជាជនកម្ពុជាជិត ៨ លាននាក់បាន និងកំពុងប្រើប្រាស់ប្រព័ន្ធប្រតិបត្តិការហិរញ្ញវត្ថុឌីជីថល

ធនាគារជាតិនៃកម្ពុជាបានសហការជាមួយគ្រឹះស្ថានធនាគារ និងហិរញ្ញវត្ថុជាច្រើនក្នុងការធ្វើប្រតិបត្តិការ និងពង្រីកការទទួលយកសេវា«បាគង» ដែលជាប្រព័ន្ធទូទាត់គ្រប់គ្រងដោយ…
ព្រឹត្តិការណ៍, សេដ្ឋកិច្ច

អ្នកសេដ្ឋកិច្ច ៖ វិស័យកាត់ដេរកម្ពុជា ឆ្នាំ២០២២ នឹងមានកំណើនក្នុងរង្វង់ ៨,១%

ភ្នំពេញ ៖ វិស័យកាត់ដេរកម្ពុជានៅក្នុងឆ្នាំ២០២២នេះ ត្រូវបានអ្នកជំនាញដាក់ការរំពឹងថា អាចមានកំណើនរឹងមាំក្នុងរង្វង់ ៨,១% បន្ថែមទៀត ដោយសារភាពល្អប្រសើរនៃតម្រូវការសកល និងបន្ត…
ព្រឹត្តិការណ៍, សេដ្ឋកិច្ច

ពិភពលោកអាចប្រឈមនឹងគ្រោះថ្នាក់ធំមួយទៀតក្រៅតែពីវិបត្តិសេដ្ឋកិច្ចនាពេលបច្ចុប្បន្ននេះ

វិបត្តិកូវីដ បានធ្វើឲ្យពិភពលោកទទួលរងផលប៉ះពាល់ផ្នែកសេដ្ឋកិច្ចយ៉ាងធ្ងន់ធ្ងរ ដោយក្នុងនោះមិនថាចំពោះប្រទេសអភិវឌ្ឍ និងរីកចម្រើនប៉ុណ្ណានោះទេ បូករួមទាំងអាមេរិក និងចិនផងដែរ បើទោះជា…
ព្រឹត្តិការណ៍, អាជីវកម្មថ្មី និងនវានុវត្ត

Trump ​បើក​​ដំណើរ​ការ​បណ្ដាញ​សង្គម​ Truth Social ​នៅ​ក្នុង​ App Store

ញូវយ៉ក ៖ អតីតប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) បានបើកដំណើរការបណ្ដាញសង្គមថ្មីរបស់លោកឈ្មោះ Truth Social កាលពីល្ងាចថ្ងៃចុងសប្ដាហ៍…
ព្រឹត្តិការណ៍, អចលនទ្រព្យ

អ្នកជំនាញអះអាងថា តម្រូវការធនធានមនុស្សក្នុងវិស័យអចលនទ្រព្យនៅតែបន្តកើនឡើង

ភ្នំពេញ ៖ វិស័យអចលនទ្រព្យនៅក្នុងប្រទេសកម្ពុជានារយៈពេលប៉ុន្មានឆ្នាំកន្លងមកនេះឃើញថាមានសន្ទុះ និងបន្តភាពរីកចម្រើនគួរឱ្យកត់សម្គាល់ ដោយក្នុងនោះ តម្រូវការអ្នកជំនាញ និងធនធានមនុស្ស…
ជំនួញ, ព្រឹត្តិការណ៍

អំបិលឫស្សី មានតម្លៃថ្លៃរហូតដល់ជាង 200ដុល្លារក្នុងមួយគីឡូក្រាម

បរទេស៖ Bamboo Salt ជាអំបិលឬស្សីដែលត្រូវបានគេផលិតឡើងក្រោមបច្ចេកទេស និងការកែច្នៃនៅក្នុងបំពង់ឫស្សីដ៏ល្បីល្បាញមួយរបស់ប្រទេសកូរ៉េខាងត្បូង និងស្ថិតនៅក្នុង
ព្រឹត្តិការណ៍, សេដ្ឋកិច្ច

សម្ដេចតេជោ ហ៊ុន សែន ជំរុញឲ្យមានការពង្រឹងការគ្រប់គ្រងធនធានហិរញ្ញវត្ថុរបស់រដ្ឋបាលថ្នាក់ក្រោមជាតិ

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានជំរុញ និងលើកទឹកចិត្តដល់រដ្ឋបាលថ្នាក់ក្រោមជាតិត្រូវបន្តខិតខំពង្រឹងការគ្រប់គ្រងការប្រមូលចំណូលជាមួយនឹងការគ្រប់គ្រង…
ព្រឹត្តិការណ៍, សេដ្ឋកិច្ច, អត្ថបទពាណិជ្ជកម្ម

កសិដ្ឋានចិញ្ចឹមត្រីក្នុងស្រុកនៅតែអាចផ្គត់ផ្គង់ទីផ្សារបានគ្រប់គ្រាន់

ផ្ទុយពីការលើកឡើងថាការផ្គត់ផ្គង់ត្រីនៅក្នុងទីផ្សារជួបបញ្ហានោះ ម្ចាស់កសិដ្ឋានចិញ្ចឹមត្រីដែលជាវារីវប្បករនៅកម្ពុជាបានអះអាងថា ការបញ្ចេញត្រីពីក្នុងស្រះបញ្ជូនទៅកាន់……