សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពោធិ៍សាត់ ៖ ចលនាភូមិមួយផលិតផលមួយ ជាការប្រមូលផ្ដុំផលិតផល ព្រមទាំងជាព្រឹត្តិការណ៍ផ្គូរផ្គងរវាងអ្នកផលិត និងអ្នកទិញ តាមយរៈការដាក់តាំងបង្ហាញ-លក់ផលិតផលខ្មែរ ក្រោមគម្រោងអភិវឌ្ឍអាជីវកម្មប្រកបដោយសុចរិតភាព និងទទួលបានទីផ្សារក្នុងស្រុក និងក្រៅប្រទេស ដែលមានការចូលរួមពីអ្នកពាក់ព័ន្ធគ្រប់ផ្នែក គ្រប់ស្ថាប័ន។
ឯកឧត្តម បណ្ឌិត សួង ណយ អនុប្រធានគណៈកម្មាធិការជាតិជំរុញចលនាភូមិមួយផលិតផលមួយបានមានប្រសាសន៍ថា៖
«សម្រាប់ការគាំទ្រផលិតផលខ្មែរ ថ្នាក់ដឹកនាំគ្រប់ស្ថាប័នពាក់ព័ន្ធ អាជ្ញាធរមូលដ្ឋានទាំង២៥រាជធានីខេត្ត គ្រប់ស្រទាប់វណ្ណៈ បានធ្វើការប្តេជ្ញាចិត្ត រួមគ្នាប្រើប្រាស់ផលិតផលខ្មែរ ភូមិមួយផលិតផលមួយ»។
ឯកឧត្ដមបន្តថា ជាក់ស្ដែងខេត្តពោធិ៍សាត់ ចាប់តាំងពីថ្ងៃទី០១ មេសា ឆ្នាំ២០២៤ ដែលជាទិវាលើកកម្ពស់ការប្រើប្រាស់ផលិតផលខ្មែរ ០៩ មេសា មានការចូលរួមពីគ្រប់ភាគីពាក់ព័ន្ធដើម្បីគាំទ្រដល់ក្រុមអ្នកផលិតក្នុងស្រុក មិនថាជាផ្នែកចំណីអាហារ ភេសជ្ជៈ កសិផល វត្ថុអនុស្សាវរីយ៍ សម្ភារប្រើប្រាស់ជាដើម ដើម្បីឱ្យពួកគាត់កាន់តែមានកម្លាំងចិត្តក្នុងការផលិត និងអភិវឌ្ឍផលិតផល ក៏ដូចជាគុណភាពបន្ថែមទៀតសំដៅផ្គត់ផ្គង់ឱ្យបាននូវទីផ្សារក្នុងស្រុក និងឈានដល់នាំចេញទៅក្រៅប្រទេស។
គួរបញ្ជាក់ដែរថា ឆ្នាំ២០២៤នេះ ទិវាទិញផលិតខ្មែរកំពុងប្រព្រឹត្តទៅចាប់ពីថ្ងៃទី០១-០៦ ខែមេសា ២០២៤ នៅតាមដងស្ទឹង ខេត្តពោធិ៍សាត់ ហើយចលនាផ្គូរផ្គងរវាងអ្នកផលិត និងអ្នកទិញ ដែលមានការតាំងបង្ហាញ-លក់ផលិតផលខ្មែរ ភូមិមួយផលិតផលមួយ ក្រោមគម្រោងអភិវឌ្ឍអាជីវកម្មប្រកបដោយសុចរិតភាព និងទទួលបានទីផ្សារក្នុងស្រុក និងក្រៅប្រទេស បានធ្វើឡើងកាលពីថ្ងៃទី០២ ខែមេសា ឆ្នាំ២០២៤ នៅសាលាខេត្តពោធិសាត់៕
Account
Security
Favourite Content