រដ្ឋមន្ត្រីរតនាគារអាម៉េរិក នឹងធ្វើដំណើរទៅប្រទេសចិន ខណៈដែលទំនាក់ទំនងរវាងអាម៉េរិក-ចិនកំពុងប្រឈមនឹងបញ្ហា

បរទេស៖ យោងតាមប្រភពព័ត៌មានពី Yahoo!Business បានរាយការណ៍ថា រដ្ឋមន្ត្រីរតនាគារអាម៉េរិក លោកស្រី Janet L. Yellen នឹងធ្វើដំណើរទៅកាន់ប្រទេសចិនជាលើកទីពីរក្នុងសប្តាហ៍នេះសម្រាប់កិច្ចពិភាក្សាកម្រិតខ្ពស់មួយក្នុងគោលបំណងរក្សាស្ថិរភាពទំនាក់ទំនងជាមួយចិន។

ចាប់តាំងពីរដ្ឋមន្ត្រីរតនាគារអាមេរិក លោកស្រី Janet Yellen បានធ្វើទស្សនកិច្ចនៅទីក្រុងប៉េកាំងកាលពីឆ្នាំមុន កិច្ចពិភាក្សាត្រូវបានបន្តជាទៀងទាត់ ដើម្បីបញ្ចៀសការកើនឡើងនៃភាពតានតឹង។ យ៉ាងណាមិញ បញ្ហាការប្រកួតប្រជែងផ្នែកសេដ្ឋកិច្ចរវាងប្រទេសទាំងពីរនៅតែមានបញ្ហា ជាពិសេសបច្ចេកវិទ្យាទំនើប។ ទន្ទឹមនឹងនេះ គេកំពុងតាមដានមើលពីដំណើរទស្សនកិច្ចមកកាន់ប្រទេសចិនរបស់រដ្ឋមន្ត្រីរតនាគារអាមេរិកនៅថ្ងៃព្រហស្បតិ៍ សប្ដាហ៍នេះ ខណៈដែលទំនាក់ទំនងរវាងអាម៉េរិក-ចិនកំពុងប្រឈមនឹងបញ្ហាមួយចំនួន។

១. ឧស្សាហកម្មលើសចំណុះ ៖ ទីក្រុងវ៉ាស៊ីនតោនកំពុងព្រួយបារម្ភថា ការនាំចេញរបស់ចិនដែលមានតំលៃថោកអាចគ្របដណ្តប់លើទីផ្សារពិភពលោកដោយលើកឡើងពីវិស័យថាមពលបៃតង ដូចជា រថយន្តអគ្គិសនី និងថាមពលសូឡាព្រះអាទិត្យ ខណៈដែលសហរដ្ឋអាម៉េរិកកំពុងធ្វើការបង្កើតខ្សែសង្វាក់ផ្គត់ផ្គង់របស់ខ្លួននៅក្នុងផ្នែកទាំងនេះផងដែរ។ ទន្ទឹមនឹងនេះ បណ្តាធនាគារចិនបានជួយសម្រួលដល់ការខ្ចីប្រាក់សម្រាប់វិស័យផលិតកម្មរបស់ប្រទេស ដោយផ្តល់ប្រាក់កម្ចីបន្ថែមប្រហែល ៧០០ ពាន់លានដុល្លារកាលពីឆ្នាំមុន ជាមួយអត្រា​ការ​ប្រាក់​ក្រោម​ទីផ្សារ។

ស្របពេលដែលរោងចក្រថ្មីៗកំពុងផលិតផលិតផលចេញពីថាមពលចាប់ពី EVs ទៅអាគុយ គេមានការព្រួយបារម្ភថា ទីក្រុងប៉េកាំងអាចពឹងផ្អែកលើទីផ្សារពិភពលោកដើម្បីស្រូបយកផលិតកម្មដែលតម្រូវការក្នុងស្រុកមិនអាចផលិតបាន។ វានឹងជះឥទ្ធិពលមិនត្រឹមតែលើប្រទេសជឿនលឿនដូចជាសហរដ្ឋអាម៉េរិក និង អឺរ៉ុបប៉ុណ្ណោះទេ ប៉ុន្តែថែមទាំងមានឥទ្ធិពលលើប្រទេសកំពុងអភិវឌ្ឍន៍ជាច្រើនផងដែរ ។ យ៉ាងណាមិញ ចិនបានទទួលស្គាល់ហានិភ័យដែលមកពីការលើសចំណុះ ប៉ុន្តែមិនច្បាស់ទេថា តើទីក្រុងប៉េកាំងនឹងចាត់វិធានការជាក់ស្តែងបែបណាដើម្បីដោះស្រាយបញ្ហានេះទេ។ ទន្ទឹមនឹងនេះ អាម៉េរិកកំពុងផ្តោតលើយុទ្ធសាស្ត្រថ្មីសម្រាប់ថាមពលស្អាត ដើម្បីរារាំងការនាំចេញរបស់ចិន។

២. ភាពលម្អៀងរវាងក្រុមហ៊ុនក្នុងស្រុក និង ក្រុមហ៊ុនបរទេស៖ ការស្ទង់មតិមួយដែលចេញផ្សាយដោយសភាពាណិជ្ជកម្មអាមេរិកក្នុងខែកុម្ភៈបាឲ្យដឹងថា ក្រុមហ៊ុនអន្តរជាតិមួយចំនួនមិនសូវទទួលការអនុគ្រោះពីអាជ្ញាធរចិននោះទេបើប្រៀបធៀបនឹងក្រុមហ៊ុន ឬអាជីវកម្មក្នុងស្រុក។ វា​ជា​បញ្ហា​ដែល​កើត​មាន​ជា​យូរ​មក​ហើយ ដោយ​ក្រុម​ហ៊ុន​នានា​បាន​ចោទ​ប្រកាន់​ពី​ការ​ប្រព្រឹត្ត​ដោយ​អយុត្តិធម៌​ក្នុង​ការ​ចូល​ប្រើប្រាស់​ទីផ្សារ និង​ការ​អនុវត្ត​ច្បាប់នៅចិន។ ទន្ទឹមនឹងនេះ ដំណើរទស្សនកិច្ចមកកាន់របស់លោកស្រី Yellen ត្រូវបានគេរំពឹងថា លោកស្រីនឹងជួបជាមួយអ្នកតំណាងមកពីក្រុមហ៊ុនអាមេរិក ដើម្បីស្តាប់ការព្រួយបារម្ភរបស់ពួកគេ។ កាលពីខែធ្នូ លោកស្រីបានជំរុញឱ្យទីក្រុងប៉េកាំងផ្លាស់ប្តូរពីវិធីសាស្រ្តដឹកនាំដោយរដ្ឋនៅក្នុងគោលនយោបាយសេដ្ឋកិច្ច ដែលនឹងធ្វើឱ្យចិនកាន់តែមានភាពទាក់ទាញចំពោះក្រុមហ៊ុនបរទេស។ ការ​អំពាវនាវ​នេះ​កើតឡើងនៅពេលដែល​ចិនព្យាយាមប្រឹងប្រែង​​ទាក់ទាញ​ការ​វិនិយោគ​បរទេស​ ខណៈដែល​កំណើន​សេដ្ឋកិច្ចត្រូវបានព្យាករណ៍ថានឹងធ្លាក់ចុះ។​

៣. សន្តិសុខជាតិ៖ បញ្ហាសន្តិសុខជាតិកំពុងរីកធំលើទំនាក់ទំនងសេដ្ឋកិច្ចរវាងសហរដ្ឋអាមេរិក និងចិនផងដែរ ហើយទីក្រុងប៉េកាំងបានប្រឆាំងនឹងវិធីសាស្ត្រ “ទីធ្លាតូច និងរបងខ្ពស់” របស់ទីក្រុងវ៉ាស៊ីនតោន។ កាលពីខែកុម្ភៈ ប្រធានាធិបតី Joe Biden បានចេញបញ្ជាប្រតិបត្តិមួយក្នុងគោលបំណងការពារទិន្នន័យផ្ទាល់ខ្លួនរបស់សហរដ្ឋអាម៉េរិកពីការចូលប្រើប្រាស់ដោយប្រទេសនានា រួមទាំងប្រទេសចិនផងដែរ។ កាលពីខែសីហាឆ្នាំមុន រតនាគារអាម៉េរិត្រូវបានស្នើឱ្យបង្កើតកម្មវិធីត្រួតពិនិត្យការវិនិយោគក្រៅប្រទេសរបស់សហរដ្ឋអាម៉េរិកដែលពាក់ព័ន្ធនឹងចិនសម្រាប់វិស័យសំខាន់ៗ ដើម្បីហាមឃាត់ប្រតិបត្តិការជាក់លាក់ណាមួយ ឬទាមទារការជូនដំណឹងសម្រាប់ពួកគេ។ ការត្រួតពិនិត្យទាំងនោះរួមមាន semiconductors និងសិប្បនិម្មិត AI ជាដើម។  ចាប់តាំងពីពេលនោះមក រដ្ឋមន្ត្រីការបរទេសចិន លោក Wang Yi បានព្រមានថា យុទ្ធសាស្រ្ត AI របស់ទីក្រុងវ៉ាស៊ីនតោនអាចនាំមកនូវកំហុសឆ្គងជាមួយនឹងផលវិបាកជាប្រវត្តិសាស្ត្រ។ លើសពីនេះ ការព្រួយបារម្ភអំពីសន្តិសុខជាតិកំពុងបង្ខំឲ្យ TikTok បំបែកចេញពីក្រុមហ៊ុនជំរបស់ចិន ByteDance និងការស៊ើបអង្កេតលើរថយន្តដែលភ្ជាប់អ៊ីនធឺណិត។

៤. មិត្តភាព និងការប្រកួតប្រជែង៖ ផ្នែកមួយនៃភាពតានតឹងនោះ គឺយុទ្ធសាស្ត្រមិត្តភាពរបស់វ៉ាស៊ីនតោន ដើម្បីកំណត់ទីតាំងខ្សែសង្វាក់ផ្គត់ផ្គង់ដ៏សំខាន់ក្នុងចំណោមសម្ព័ន្ធមិត្ត និងដៃគូ។ នេះត្រូវបានឆ្លុះបញ្ចាំងនៅក្នុងគោលនយោបាយដូចជា ច្បាប់កាត់បន្ថយអតិផរណាដែលផ្តល់នូវការលើកទឹកចិត្តចំពោះអ្នកប្រើប្រាស់រថយន្តអគ្គិសនីដែលផលិតនៅអាមេរិកខាងជើង និងពាក់ព័ន្ធជាមួយប្រទេសដែលមានកិច្ចព្រមព្រៀងពាណិជ្ជកម្មសេរីជាមួយនឹងសហរដ្ឋអាម៉េរិក។ ទោះជាយ៉ាងណាក្តី ចិនបានប្រឆាំងនឹងកិច្ចខិតខំប្រឹងប្រែងរបស់រដ្ឋបាលលោក Biden ក្នុងការរឹតបន្តឹងការចូលប្រើប្រាស់ឧបករណ៍អេឡិចត្រូនិកកម្រិតខ្ពស់របស់ក្រុមហ៊ុនចិន ដោយសារការផ្លាស់ប្តូរបែបនេះមានគោលបំណងរក្សាឧត្តមភាពរបស់សហរដ្ឋអាម៉េរិកនៅក្នុងវិស័យនេះ។ មិនត្រឹមតែប៉ុណ្ណោះ ទីក្រុងប៉េកាំងបានដាក់ការត្រួតពិនិត្យការនាំចេញលើលោហធាតុសំខាន់ៗសម្រាប់ផលិតគ្រឿងអេឡិចត្រូនិក ខណៈពេលដែលរារាំងការប្រើប្រាស់បន្ទះឈីបរបស់ក្រុមហ៊ុនអាម៉េរិក Micron នៅក្នុងគម្រោងហេដ្ឋារចនាសម្ព័ន្ធសំខាន់ៗរបស់ខ្លួនផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់