សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋលេខាធិការ និងជាអ្នកនាំពាក្យនៃលេខាធិការដ្ឋានអាកាសចរណ៍ស៊ីវិល បានឱ្យដឹងថា នៅក្នុងឆ្នាំ២០២៥កន្លងទៅនេះ កម្ពុជាទទួលបានអ្នកដំណើរតាមផ្លូវអាកាស(ចេញ-ចូល) ជិត ៧លាននាក់ មានការកើនឡើង១២% និងមានជើងហោះហើរចេញ-ចូល ជាង ៦ម៉ឺនជើង កើនឡើង១១% បើធៀបទៅនឹងរយៈពេលដូចគ្នាទៅនឹងឆ្នាំ២០២៤
ឯកឧត្តម ស៊ីន ចាន់សិរីវុត្ថា រដ្ឋលេខាធិការដ្ឋានអាកាសចរណ៍ស៊ីវិលបានប្រាប់ឱ្យដឹងថា ក្នុងរយៈពេល១២ខែ គិតចាប់ពីខែមករា ដល់ខែធ្នូ ឆ្នាំ២០២៥ អាកាសយានដ្ឋានអន្តរជាតិទាំង៣ ភ្នំពេញ/តេជោ-សៀមរាបអង្គរ-ព្រះសីហនុ មានជើងហោះហើរ ចេញ-ចូល (ទ្វេទិស) មានជាង ៦ម៉ឺនជើង (៦៤ ៨២១ជើង) សម្រាប់ចំនួននៃអ្នកដំណើរ ចេញ-ចូល (ទ្វេទិស) មានជិត ៧លាននាក់ (៦ ៩៨៨ ២៥៩នាក់) កើនឡើង១២% បើធៀបទៅនឹងរយៈពេល១២ខែ ដូចគ្នាទៅនឹងឆ្នាំ២០២៤។ ដោយឡែក ចំពោះទំនិញដែលដឹកជញ្ជូនតាមផ្លូវអាកាស ចេញ-ចូល (ទ្វេទិស) មានជាង ៩ម៉ឺនតោន (៩៣ ៨៨៩តោន) កើនឡើង២១%។
១-អាកាសយានដ្ឋានអន្តរជាតិតេជោ មានចំនួន ៨៤៨ ជើង/ សប្តាហ៍ (ទ្វេទិស)
២-អាកាសយានដ្ឋានអន្តរជាតិសៀមរាបអង្គរ មានចំនួន ៣៦៦ ជើង/ សប្តាហ៍ (ទ្វេទិស)
៣-អាកាសយានដ្ឋានអន្តរជាតិព្រះសីហនុ មានចំនួន ៥៤ ជើង/ សប្តាហ៍ (ទ្វេទិស)។
ជាមួយគ្នានេះ ក៏រាប់បញ្ជូលអាកាសយានដ្ឋានតារាសាគរ ចំនួន៤ជើង/ សប្តាហ៍ (ទ្វេទិស) ជាជើងហោះហើរក្នុងស្រុក រវាង KTI ⇄ DSY។
ឯកឧត្តម បានថ្លែងបន្ថែមថា វិស័យអាកាសចរណ៍ស៊ីវិលកម្ពុជាបានបង្ហាញវឌ្ឍនភាពគួរឱ្យកត់សម្គាល់ ដោយគិតមកដល់ពេលនេះ ចំនួនក្រុមហ៊ុនអាកាសចរណ៍ដែលកំពុងធ្វើប្រតិបត្តិការហោះហើរនៅកម្ពុជាមានចំនួនសរុប៣៦ ក្នុងនោះក្រុមហ៊ុនជាតិចំនួន ៤ និងអន្តរជាតិ ៣២ ដោយបានតភ្ជាប់ជើងហោះហើរជាមួយប្រទេសចំនួន១៧ និង៤៦ទីក្រុង។
សូមជ្រាបថា ក្នុងចំណោម១៧ប្រទេសនោះ អាកាសចរណ៍កម្ពុជា បានតភ្ជាប់ទៅកាន់៨ប្រទេសក្នុងតំបន់អាស៊ាន ពោលគឺប្រទេសចិន កូរ៉េខាងត្បូង តំបន់រដ្ឋបាលពិសេសហុងកុង តៃវ៉ាន់ ឥណ្ឌា កាតា អេមីរ៉ាតអារ៉ាប់រួម និងប្រទេសជប៉ុន៕
Account
Security
Favourite Content