សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅថ្ងៃពុធសប្តាហ៍ទី៣ នៃខែធ្នូនេះ សភារបស់អាម៉េរិកបានសម្រេចអនុម័តកញ្ចប់ថវិកាដល់ទៅ៩០០ពាន់លានដុល្លារទៅឲ្យមន្ទីរប៉ង់តាហ្គោនសម្រាប់ចំណាយនៅក្នុងឆ្នាំ២០២៦។
នៅល្ងាចថ្ងៃដដែល The DefenseNews បានចេញផ្សាយដែរថា រដ្ឋាភិបាលក្រុងវ៉ាស៊ិនតោន ក៏បានយល់ព្រម និងអនុម័តក្នុងការលក់កញ្ចប់សព្វាវុធដ៏ធំសម្បើមមួយទៅឲ្យកោះតៃវ៉ាន់ផងដែរក្នុងទំហំដល់ទៅជាង១០ពាន់លានដុល្លារ។ កញ្ចប់សព្វាវុធដែលអាចធ្វើឲ្យមានប្រតិកម្មយ៉ាងខ្លាំងពីសំណាក់រដ្ឋាភិបាលក្រុងប៉េកាំងនាពេលនេះ រួមមានទាំងមីស៊ីលចំងាយមធ្យម ព្រមទាំងដ្រូនប្រយុទ្ធមួយចំនួនផងដែរ។ ប្រភពដដែលបានឲ្យដឹងទៀតថា ច្បាប់អនុញ្ញាតក្នុងវិស័យការពារជាតិឆ្នាំ២០២៦នេះ ត្រូវបានរដ្ឋសភាអនុម័តតាំងពីថ្ងៃទី១០ ខែធ្នូមកម្ល៉េះ ហើយពេលនេះឯកសារនឹងត្រូវប្រគល់ទៅឲ្យប្រធានាធិបតី Donald Trump ដើម្បីអាចចុះហត្ថលេខាជាផ្លូវការ។
សម្រាប់ខ្ទង់ចំណាយលើវិស័យការពារជាតិអាម៉េរិក ដែលបានអនុញ្ញាតក្នុងឆ្នាំនេះមានចំនួនប្រមាណជាង៨០០ពាន់លានដុល្លារ ច្រើនជាងអ្វីដែលមន្ទីរប៉ង់តាហ្គោនបានស្នើសុំកាលពីដើមឆ្នាំ។ មូលនិធិចំណាយនេះនឹងផ្គត់ផ្គង់ទៅលើកម្មវិធីសព្វាវុធសំខាន់ៗ ដូចជា ខែលការពារដោយប្រព័ន្ធផ្កាយរណប Golden Dome ព្រមទាំងយន្តហោះចម្បាំងទំនើបស៊េរី F-47ថ្មីបំផុត ក៏ដូចជាការផ្តល់មូលនិធិដល់កងទ័ពជើងទឹកដើម្បីសាងសង់នាវាមុជទឹក ជាពិសេស នាវាពិឃាតបន្ថែមទៀត។
ដោយឡែក កញ្ចប់សព្វាវុធ ១០ពាន់លានដុល្លារដែលសភាអាម៉េរិកលក់ទៅឲ្យកោះតៃវ៉ាន់ ក៏នឹងក្លាយទៅជាកញ្ចប់ទិញលក់អាវុធដ៏ធំបំផុតមិនធ្លាប់មានក្នុងកិច្ចសហប្រតិបត្តិការជាមួយនឹងរដ្ឋាភិបាលកោះមួយនេះដែរ ខណៈដែលកាលពីពេលកន្លងទៅ នៅក្នុងរដ្ឋបាលរបស់លោក Joe Biden អតីតប្រធានាធិបតី អាម៉េរិក ធ្លាប់បានអនុម័តលក់អាវុធឲ្យកោះតៃវ៉ាន់សរុបបញ្ចូលគ្នាមានទំហំត្រឹមតែ ៨,៤ពាន់លានដុល្លារប៉ុណ្ណោះ។
Defense News បានបញ្ជាក់ទៀតថា កិច្ចព្រមព្រៀងទិញលក់ចំនួន៨ដែលនឹងត្រូវចុះហត្ថលេខានោះរួមមានទាំងប្រព័ន្ធបាញ់គ្រាប់រ៉ូក្កែតខ្នាតធំចំនួន៨២គ្រឿង ប្រព័ន្ធការពារដែនអាកាស HIMARS និងប្រព័ន្ធបាញ់មីស៊ីល Tactical Missile ចំនួន ៤២០គ្រឿងផងដែរ។ យ៉ាងណាក្តី ជាការឆ្លើយតបទៅនឹងកិច្ចព្រមពៀងទិញលក់អាវុធដ៏ច្រើននេះ ក្រសួងការបរទេសចិន បានចេញមកធ្វើការរិះគន់យ៉ាងខ្លាំងថា វាគឺជាការបំពានលើកិច្ចព្រមព្រៀងការទូតរវាងចិន និងសហរដ្ឋអាម៉េរិក។ វានឹងបង្កផលប៉ះពាល់យ៉ាងធ្ងន់ធ្ងរដល់អធិបតេយ្យភាព សន្តិសុខ និងបូរណភាពទឹកដីរបស់ចិន ព្រមទាំងអាចបំផ្លាញស្ថិរភាពក្នុងតំបន់ផងដែរ៕
Account
Security
Favourite Content