សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កិច្ចជំនួបដ៏ធំមិនធ្លាប់មានរវាងក្រុមអ្នកតំណាងសមាគមឧស្សាហកម្ម និងពាណិជ្ជករឯករាជ្យរបស់ប្រទេសតួគី ហៅកាត់ថា MUSIAD ត្រូវបានរៀបចំឡើងនៅក្នុងប្រទេសប៊ុលហ្គារី កាលពីពេលថ្មីៗនេះ ដើម្បីបង្កើនឱកាសទំនាក់ទំនង និងពង្រីកទំហំពាណិជ្ជកម្មរវាងក្រុមអ្នករកស៊ីដែលមានសរុបជាង៦ម៉ឺនក្រុមហ៊ុន ស្ថិតនៅក្នុង ៨៣ប្រទេស។
សូមជម្រាបថា MUSIAD ជាអង្គភាពមិនមែនរដ្ឋាភិបាលដែលត្រូវបានបង្កើតឡើងនៅទីក្រុងអ៊ីស្តង់ប៊ុល ប្រទេសតួគី កាលពីឆ្នាំ១៩៩០។ សមាគមនេះជាបណ្តុំនៃសមាជិកប្រមាណជា ១៤០០០នាក់ តំណាងឱ្យក្រុមហ៊ុនជាង ៦០០០០ និងមានការិយាល័យនៅក្នុងប្រទេសចំនួន៨៣នៅជុំវិញពិភពលោក។ ដោយឡែកសមាគម MUSIAD ប្រចាំនៅប្រទេសប៊ុលហ្គារី បានដំណើរការលើកដំបូងតាំងពីខែធ្នូ ឆ្នាំ២០២៣។
យោងតាមការចេញផ្សាយរបស់ភ្នាក់ងារព័ត៌មាន Novinata បានបង្ហាញថា កិច្ចជំនួបនេះគឺជាឱកាសសម្រាប់ក្រុមហ៊ុនប៊ុលហ្គារី ដើម្បីក្លាយជាផ្នែកមួយដ៏សំខាន់នៃសហគមអាជីវកម្មអន្តរជាតិដ៏ជោគជ័យ។កិច្ចប្រជុំរបស់សមាជិក MUSIAD ប៊ុលហ្គារី និងតំណាងក្រុមហ៊ុនជាច្រើនមកពីទីក្រុងអ៊ីស្តង់ប៊ុលត្រូវបានរៀបចំធ្វើឡើងនៅទីក្រុងសូហ្វីយ៉ា ដោយមានកិច្ចពិភាក្សាគ្នាអំពីទំនាក់ទំនងពាណិជ្ជកម្មប៊ុលហ្គារី-តួគី ព្រមទាំងគម្រោងនាពេលអនាគតផ្សេងទៀត។
តំណាងកិច្ចប្រជុំបានលើកឡើងថា គោលដៅនៃជំនួបគឺដើម្បីអាចឆ្ពោះទៅរកការបង្កើនកំណើនពាណិជ្ជកម្មរវាងប្រទេសតួគី និងប៊ុលហ្គារី ផង ក៏ដូចជាដើម្បីពង្រឹងទំនាក់ទំនងអ្នកជិតខាងល្អផងដែរ។ គោលដៅសំខាន់មួយទៀតគឺទាក់ទាញការវិនិយោគបរទេស ក៏ដូចជាបង្កើត និងអភិវឌ្ឍលក្ខខណ្ឌសម្រាប់បរិយាកាសអាជីវកម្មដែលមានសក្តានុពលផងដែរ៕
Account
Security
Favourite Content