តើលោក ស៊ី ជីនភីង អាចធ្វើឱ្យគណបក្សកុម្មុយនិស្តចិនគង់វង្សទេ ក្រោយពីខួប

បរទេស ៖ គណបក្សកុម្មុយនិស្តចិនមានអាយុ ១០០ឆ្នាំហើយ នៅក្នុងឆ្នាំ២០២១នេះ។ គណបក្សនេះត្រូវបានបង្កើតឡើង ១០ឆ្នាំ ក្រោយពីរបបរាជានិយមនៅប្រទេសចិនត្រូវបានរំលាយ ហើយស្ថានភាពចិននៅពេលនោះស្ថិតក្នុងភាពជ្រួលច្របល់ ដោយមានការបែងចែកទឹកដី និងគ្រប់គ្រងដោយក្រុមផ្សេងៗគ្នា។

សង្គ្រាមស៊ីវិលចិនអូសបន្លាយរាប់ទសវត្សរ៍នៅពេលនោះ ហើយប្រទេសនេះរងគ្រោះមួយជាន់ទៀតនៅសង្គ្រាមលោកលើកទី២ រហូតមកដល់ឆ្នាំ១៩៤៩ កងទ័ពក្រហមរបស់បក្សកុម្មុយនិស្តចិនបានកាន់កាប់ចិនដីគោកស្ទើរតែទាំងស្រុង ហើយនៅពេលនោះមេដឹកនាំកុម្មុយនិស្តដ៏ល្បីឈ្មោះ ម៉ៅ សេទុង បានប្រកាសបង្កើតសាធារណរដ្ឋប្រជាមានិតចិន ដែលមានវត្តមានរហូតមកដល់សព្វថ្ងៃនេះ។

ចាប់តាំងពីពេលនោះមក ចិនប្រជាមានិតឆ្លងកាត់ព្រឹត្តិការណ៍ជាច្រើនទាំងភាពសោកសៅ និងភាពរុងរឿង ចំណែកឯកំណែទម្រង់នានារាប់ភ្លេចក៏បានកើតឡើងទៅផងដែរ។ កំណែទម្រង់ដែលត្រូវបានគេចងចាំជាងគេគឺ ការបើកចំហប្រទេសចិន ដោយស្វាគមន៍រាល់ការវិនិយោគ និងទំនាក់ទំនងសេដ្ឋកិច្ចជាមួយពិភពលោក ដោយមិនប្រកាន់របបនយោបាយអ្វីនោះទេ នៅអំឡុងទសវត្សឆ្នាំ១៩៨០ ដោយមេដឹកនាំចិន តេង ស៊ាវភីង។ នេះគឺជាកំណែទម្រង់ដ៏ធំ ដោយកាលនោះប្លុកកុម្មុយនិស្ត និងប្លុកសេរីគឺមិនធ្វើពាណិជ្ជកម្មជាមួយគ្នាទេ។

«ឆ្មាស ឬ ឆ្មាខ្មៅមិនសំខាន់នោះទេ ដរាបណាឆ្មាអាចចាប់កណ្ដុរបាន»។ នេះជាសម្ដីរបស់អគ្គមគ្គុទ្ទេសក៍ចិន តេង ស៊ាវភីង នៅអំឡុងទសវត្សរ៍ ១៩៦០ ដែលជាមេរៀនសម្រាប់អ្នកនយោបាយ និងអ្នកសេដ្ឋកិច្ចរហូតដល់សព្វថ្ងៃនេះ។

លុះមកដល់ពេលបច្ចុប្បន្ននេះ គណបក្សកុម្មុយនិស្តចិនកំពុងស្ថិតក្នុងយុគសម័យថ្មី ដែលដឹកនាំដោយលោក ស៊ី ជីនភីង។ យុគសម័យថ្មីរបស់គណបក្សកុម្មុយនិស្តចិន ក៏ដូចជាប្រទេសចិនទាំងមូល គឺពោរពេញទៅដោយមហិច្ឆតាខ្ពស់ និងឆន្ទៈចង់លុបលាងនូវប្រវត្តិសាស្ត្រដ៏អាម៉ាស់ នៃជិះជាន់ដោយបរទេសកាលពី ១០០-២០០ឆ្នាំមុន។

«យើងដាច់ខាតនឹងមិនអនុញ្ញាតឱ្យកម្លាំងបរទេសមកជិះជាន់ មើលងាយ យើងទៀតឡើយ។ នរណាក៏ដោយ ដែលព្យាយាមធ្វើបែបនេះ នឹងត្រូវបំបែកក្បាលច្រាបឈាមនឹងមហាកំពែងដែកថែប ដែលកសាងឡើងដោយប្រជាជនចិន ១,៤ពាន់លាននាក់»។ នេះជាការថ្លែងរបស់លោក ស៊ី អំឡុងពេលពិធីគម្រប់ខួប ១០០ឆ្នាំនៃគណបក្សកុម្មុយនិស្តចិន។

យ៉ាងណាមិញ នៅក្នុងកិច្ចការផ្ទៃក្នុងរបស់គណបក្សកុម្មុយនិស្តចិនយុគសម័យថ្មីរបស់លោក ស៊ី ជីនភីង នេះ កំពុងតែប្រាសចាកឆ្ងាយពីគន្លងរបស់ផ្នត់គំនិតកំណែទម្រង់របស់លោក តេង ស៊ាវភីង ហើយងាកទៅរកលទ្ធិបុគ្គលនិយមរបស់លោកប្រធាន ម៉ៅ សេទុង ទៅវិញ។ នេះបើតាមការយល់ឃើញរបស់អ្នកវិភាគមួយចំនួន។

លោក ស៊ី ឡើងកាន់តំណែងកាលពីឆ្នាំ២០១២។ តាមពិតទៅ លោកមានខ្សែស្រឡាយជាមន្ត្រីជាន់ខ្ពស់ ដោយឪពុករបស់លោកជាអ្នកបដិវត្តន៍បក្សកុម្មុយនិស្តចិនជំនាន់ដំបូងៗ ហើយក៏ជាមន្ត្រីជាន់ខ្ពស់នៅក្នុងរដ្ឋចិនផងដែរ។

នៅពេលលោក ស៊ី ក្លាយជាមេដឹកនាំកំពូលចិននៅអាណត្តិទី១ លោកបានចាប់អនុវត្តនូវយុទ្ធនាការប្រឆាំងអំពើពុករលួយ ដែលត្រូវបានគេយល់ឃើញថាជាសកម្មភាពមួយ ដើម្បីតភ្ជាប់រដ្ឋាភិបាលកណ្ដាល និងប្រជាជនតាមមូលដ្ឋានឡើងវិញ។ គិតមកទល់ពេលនេះ មន្ត្រីជាន់ខ្ពស់ចំនួន ៣៩២រូប និងសមាជិកគណបក្សកុម្មុយនិស្តរាប់លាននាក់ជាប់ក្រោមការស៊ើបអង្កេតករណីអំពើពុករលួយ។ នេះបើតាមការចុះផ្សាយរបស់ CNN។ យ៉ាងណាមិញ បើមើលពីមួយជ្រុងទៀត មន្ត្រីដែលជាប់ក្រោមការចោទប្រកាន់បទល្មើសអំពើពុករលួយ ក៏ជាសត្រូវនយោបាយរបស់លោកផងដែរ។

ក្រៅពីរឿងបង្ក្រាបអំពើពុករលួយរចនាសម្ព័ន្ធនៅក្នុងការដឹកនាំរដ្ឋចិនមានការប្រែប្រួល ដោយលោក ស៊ី បង្កើត «ក្រុមការងារដឹកនាំមជ្ឈិម» ជាច្រើន ដែលត្រួតពិនិត្យលើការងារអនុវត្តគោលនយោបាយនានាតាំងពីកំណែទម្រង់យោធា ហិរញ្ញវត្ថុ និងកិច្ចការបរទេស។ គេមើលឃើញថា លោក ស៊ី ជីនភីង ដឹកនាំក្រុមការងារនេះដោយផ្ទាល់ ហើយអ្នកស្មោះស្ម័គ្រនឹងលោកបានកាន់កាប់តំណែងសំខាន់ៗនៅក្នុងនោះដែរ។

បើតាមការយល់ឃើញរបស់លោកស្រី Cai Xia អតីតសាស្ត្រាចារ្យនៅសាលាបង្រៀនមន្ត្រីគណបក្សកុម្មុយនិស្តចិនបានឱ្យដឹងថា «ក្រុមដឹកនាំទាំងនេះតាមពិតទៅ បានធ្វើការតាមយន្តការ និងស្ថាប័នដែលមានស្រាប់នៅក្នុងបក្ស និងក្នុងរដ្ឋាភិបាល»។ នេះបើតាមការលើកឡើងរបស់ស្ត្រី ដែលរិះគន់ប្រព័ន្ធនយោបាយបក្សកុម្មុយនិស្តចិន ដែលពេលនេះនិរទេសនៅក្រៅប្រទេសប្រាប់សារព័ត៌មាន CNN។

ជំហាននយោបាយដ៏ធំមួយរបស់លោក ស៊ី ជីនភីង គឺលោកបានលុបការកំណត់អាណត្តិដឹកនាំរបស់ប្រធានាធិបតី អគ្គលេខាធិការបក្ស និងគណៈកម្មការយោធាមជ្ឈិម នៅក្នុងរដ្ឋធម្មនុញ្ញចិនកាលពីឆ្នាំ២០១៨។ តំណែងទាំង ៣ នេះជាប្រពៃណីស្ថិតក្រោមមនុស្សតែម្នាក់ តែចាប់ពីជំនាន់លោក តេង ស៊ាវភីង មក ត្រូវបានកំណត់ឱ្យកាន់ដោយបុគ្គលផ្សេងគ្នាត្រឹមពីរ ២ អាណ្ណត្តិ ដើម្បីទប់ស្កាត់ការរំលោភអំណាចណាមួយរបស់មេដឹកនាំ។

មួយវិញទៀត ជាប្រពៃណី តែមិនចារក្នុងច្បាប់ មេដឹកនាំចិននីមួយៗតែងតែប្រសិទ្ធិនាមអ្នកបន្តវេន បន្ទាប់ពីបញ្ចប់អាណត្តិទី១ ហើយលាលែងពីតំណែងនៅអាយុ ៦៨ឆ្នាំ ឬ ក្នុងវ័យចំណាស់ជាងនេះបន្តិចបន្តួចនៅពេលមហាសន្និបាតបក្ស ដែលធ្វើឡើងក្នុង ៥ ឆ្នាំម្ដង។ លោក ស៊ី ជីនភីង មិនទាន់ធ្វើទាំងអស់ គិតមកទល់ពេលនេះ។

អ្នកវិភាគជាច្រើនយល់ថា ការប្រាសចាកពីទម្លាប់ផ្ទេរតំណែងដោយសន្តិវិធីបែបនេះ អាចធ្វើឱ្យមាន «បញ្ហាអ្នកស្នងតំណែង» ដែលបណ្ដាលឱ្យមានភាពមិនប្រាកដប្រជានាពេលអនាគត។

ទោះជាយ៉ាងណាក៏ដោយ គណបក្សកុម្មុយនិស្តចិនទំនងជាមិនទាន់មានបញ្ហាភ្លាមៗអំឡុងពេលលោក ស៊ី នៅកាន់តំណែងនោះទេ។ មូលហេតុចម្បងនោះគឺ អំណាចក្នុងបក្សរបស់លោកនៅក្ដាប់ជាប់ ខណៈវាជាសមត្ថភាពដឹកនាំរបស់លោកពិត ហើយមិនអាចប្រកែកបានថា ធ្វើឱ្យចិនរីកចម្រើនជាងពេលណាៗទាំងអស់ ចាប់តាំងពីការកកើតនៃរបបចិនប្រជាមានិតនៅឆ្នាំ១៩៤៩មក។

យ៉ាងណាមិញ បញ្ហាធំៗជាច្រើននឹងអាចកើតឡើងសម្រាប់ជំនាន់ក្រោយពី លោក ស៊ី ជីនភីង។ នេះបើតាមការយល់ឃើញរបស់អ្នកតាមដាននយោបាយចិនមួយចំនួន។

នៅឆ្នាំ២០២២ ខាងមុខនេះ គណបក្សកុម្មុយនិស្តចិននឹងរៀបចំមហាសន្និបាតគណបក្សលើកទី២០ ដែលក្នុងមហាសន្និបាតនេះ គេនឹងសង្កេតមើលពីការផ្លាស់ប្ដូរតំណែងធំៗមួយចំនួននៅក្នុងបក្ស ក៏ដូចជារដ្ឋាភិបាលចិន៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

ព័ត៌មានទូទៅ

មើលទាំងអស់ ➧

ទីផ្សារលំនៅឋានតម្លៃមធ្យមនៅប៉ែកខាងត្បូងរាជធានីភ្នំពេញនៅតែមានតម្រូវការពីពលរដ្ឋដែលត្រូវការពិតប្រាកដ

ព្រឹត្តិការណ៍, អចលនទ្រព្យ

• 01/06/2026

ទីផ្សារលំនៅឋាននៅប៉ែកខាងត្បូងរាជធានីភ្នំពេញ នៅតែមានតម្រូវការពីប្រជាពលរដ្ឋ ខណៈអ្នកអភិវឌ្ឍន៍នៅតែបន្តសាងសង់ដើម្បីផ្គត់ផ្គង់ទៅតាមតម្រូវការជាក់ស្ដែង

ក្រុមហ៊ុន Samsung Electronics យកឈ្នះ Micron Technology ជាលើកដំបូងក្នុងការផ្គត់ផ្គង់ឈីបរថយន្តលំដាប់ទី១ របស់ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 01/06/2026

Samsung Electronics មានចំណែក ៤០ ភាគរយនៃទីផ្សារឈីបរថយន្តសរុបរបស់ពិភពលោកកាលពី២០២៥ ដែលកើនឡើងពី ៣៥ ភាគរយនៅក្នុងឆ្នាំ ២០២៤រ ចំណែកទីផ្សាររបស់ក្រុមហ៊ុនអាម៉េរិក Micron ធ្លាក់ចុះពី ៤០ ភាគរយទៅ ៣៥ ភាគរយដែលធ្លាក់មកនៅចំណាត់ថ្នាក់ទីពីរ។

អ្នកជំនាញវិស័យឯកជន និងរដ្ឋ ជំរុញឱ្យសហគ្រាសផលិតពង្រឹងគុណភាព ខណៈពលរដ្ឋបន្តពហិការឈប់ប្រើទំនិញថៃ

ជំនួញ, ព្រឹត្តិការណ៍

• 01/06/2026

ស្របពេលដែលពលរដ្ឋខ្មែរនាំគ្នាពហិការឈប់ប្រើផលិតផលថៃ និងបានងាកមកគាំទ្រផលិតផលក្នុងស្រុកវិញ ក្រុមអ្នកជំនាញក្នុងវិស័យឯកជន និងរដ្ឋ បានជំរុញឱ្យសហគ្រាសផលិតត្រូវគិតគូរពីគុណភាព ការវេចខ្ចប់ និងកក្តាតម្លៃ

អ្នកជំនាញអាជីវកម្មល្បីៗវ័យក្មេងក្នុងស្រុក ចែករំលែកចំណេះដឹង គំនិតថ្មី និងការបង្កើតម៉ាកយីហោខ្មែរឱ្យរឹងមាំ

ជំនួញ, ព្រឹត្តិការណ៍

• 01/06/2026

សូមជម្រាបថា វេទិកា Proudly-ខ្មែរ គឺជាកម្មវិធីសិក្ខាសាលាពេញមួយថ្ងៃ និងជាការតាំងពិព័រណ៍ផលិតផលខ្មែរ ដែលផ្សារភ្ជាប់យុវជនកម្ពុជា ជាមួយម្ចាស់អាជីវកម្ម និងម៉ាកយីហោ(Brand) ក្នុងស្រុកនានា

វិបត្តិភូមិសាស្ត្រនយោបាយ រុញច្រានការនាំចេញរថយន្តចិនយ៉ាងគំហុកទៅកាន់នូវែលសេឡង់

ព្រឹត្តិការណ៍, អាជីវកម្មថ្មី និងនវានុវត្ត

• 01/06/2026

ការកើនឡើងយ៉ាងគំហុកដល់ទៅ ៥០ ភាគរយនៃតម្លៃប្រេងសកល ដោយសារជម្លោះដ៏តានតឹងនៅមជ្ឈិមបូព៌ា បានជម្រុញឱ្យមានរលកនៃការនាំចេញរថយន្តពីប្រទេសចិនមកកាន់ប្រទេសនូវែលសេឡង់យ៉ាងច្រើនសន្ធឹកសន្ធាប់ដែលមិនធ្លាប់មានពីមុនមក

អាស៊ាន គ្រោងចុះហត្ថលេខាលើកិច្ចព្រមព្រៀងសេដ្ឋកិច្ចឌីជីថលក្នុងតំបន់ នាខែវិច្ឆិកា ខាងមុខ

ព្រឹត្តិការណ៍, សេដ្ឋកិច្ច

• 01/06/2026

ប្រទេសជាសមាជិកអាស៊ាន គ្រោងនឹងចុះហត្ថលេខាលើកិច្ចព្រមព្រៀងសេដ្ឋកិច្ចឌីជីថលក្នុងតំបន់ដ៏សំខាន់មួយនៅក្នុងកិច្ចប្រជុំកំពូលអាស៊ានលើកទី ៤៧ នៅខែវិច្ឆិកា បន្ទាប់ពីបញ្ចប់ការចរចាក្នុងសប្តាហ៍នេះ

សហគ្រិនខ្មែរ និងផ្សារអុីអន បញ្ចប់ពិព័រណ៍ផលិតផលក្នុងស្រុកលើកទី១១

ព្រឹត្តិការណ៍, អត្ថបទពាណិជ្ជកម្ម

• 01/06/2026

សហគ្រិនខ្មែរ ក្នុងកិច្ចសហការជាមួយផ្សារអុីអន (ខេមបូឌា) បានប្រកាសបិទបញ្ចប់ជុំទី១ នៃពិព័រណ៍ផលិតផលក្នុងស្រុកឆ្នាំ២០២៦ បន្ទាប់ពីបានដំណើរការអស់រយៈពេលពីរសប្តាហ៍ ចាប់ពីថ្ងៃទី១៨ ដល់ថ្ងៃទី៣១ ខែឧសភា នៅគ្រប់សាខាទាំងបីនៃផ្សារអុីអន

ប្រព័ន្ធផ្សព្វផ្សាយ ដើរតួនាទីយ៉ាងសំខាន់ក្នុងការនាំយកចំណេះដឹងហិរញ្ញវត្ថុទៅកាន់សាធារណជន

ព្រឹត្តិការណ៍, ហិរញ្ញវត្ថុ

• 01/06/2026

ប្រព័ន្ធផ្សព្វផ្សាយ បានដើរតួនាទីយ៉ាងសំខាន់ក្នុងការនាំយកព័ត៌មានត្រឹមត្រូវ និងចំណេះដឹងហិរញ្ញវត្ថុទៅកាន់សាធារណជន ជាមួយនឹងការបកស្រាយបរិបទឱ្យងាយយល់ និងជួយឱ្យប្រជាពលរដ្ឋស្គាល់ទាំងឱកាស ហានិភ័យ សិទ្ធិ និងកាតព្វកិច្ចរបស់ខ្លួន