រដ្ឋមន្ត្រីក្រសួងកសិកម្មអះអាងថា កម្ពុជាមានលទ្ធភាពគ្រប់គ្រាន់ក្នុងការផ្គត់ផ្គង់បន្លែនៅទូទាំងប្រទេស

រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ ឯកឧត្តម វេង សាខុន បានមានអះអាងថា កម្ពុជាមានលទ្ធភាពគ្រប់គ្រាន់ក្នុងការផ្គត់ផ្គង់តម្រូវការនៅទូទាំង​ប្រទេស ហើយថែមទាំងអាចមានសមត្ថភាពធ្វើការនាំចេញទៅកាន់ទីផ្សារក្រៅស្រុកថែមទៀតផង។

ជាការឆ្លើយតបទៅនឹងការលើកឡើងដោយគ្មានមូលដ្ឋានច្បាស់លាស់ និងគ្រប់គ្រាន់ថាកម្ពុជាត្រូពឹងផ្អែកមួយចំណែកធំទៅលើការនាំចូលបន្លែពីប្រទេស​ជិត​ខាង ជាពិសេសប្រទេសវៀតណាមនោះ រដ្ឋមន្ត្រីក្រសួងកសិកម្មបានអះអាងថា កម្ពុជាមិនត្រឹមតែអាចផ្គត់ផ្គង់តម្រូវការបន្លែក្នុងប្រទេសគ្រប់គ្រាន់នោះទេ ប៉ុន្តែ​ថែម​ទាំងអាចនាំចេញទៅទីផ្សារក្រៅប្រទេសថែមទៀតផង។

ឯកឧត្តម វេង សាខុន បានបញ្ជាក់តាមរយៈសចក្ដីប្រកាសកាលពីល្ងាចថ្ងៃទី21 ខែមេសា ឆ្នាំ2021ថា ជាទូទៅតម្រូវការបន្លែក្នុង​ស្រុកប្រចាំឆ្នាំមាន​ប្រមាណ1លាន​តោន ប៉ុន្តែការផលិត និងផ្គត់ផ្គង់ក្នុងស្រុកបានប្រមាណ ០,75លានតោន។ ដូច្នេះយើងអាចផ្គត់ផ្គង់បានប្រហែល 75ភាគរយជាមធ្យម (អាចប្រែប្រួលតាមរដូវ ពោលគឺនៅរដូវប្រាំង ក្រោម70ភាគរយ និងរដូវរំហើយ80ភាគរយ)។ ដោយឡែកសម្រាប់ការនាំចូលបន្លែកម្ពុជា គឺជាប្រភេទ​បន្លែ​តំបន់​ត្រជាក់មួយចំនួនតូចដែលពិបាកដាំនៅកម្ពុជាតែប៉ុណ្ណោះ។

បច្ចុប្បន្ននេះ កម្ពុជាមិនមែនខ្វះផលិតផលបន្លែក្នុងស្រុកទេ ផ្ទុយទៅវិញកសិករដាំបន្លែ និងបណ្ដាកសិករជាច្រើនកំពុងប្រមូលផលបន្លែ ប៉ុន្តែលំបាកដឹក​មក​លក់​នៅភ្នំពេញបានដោយសារវិធានការបិទខ្ទប់ការវាលដាលជំងឺកូវីដ-19។ ជាក់ស្ដែង តំណាងបណ្តាកសិករនៅស្រុកស្អាង ខេត្តកណ្តាល បានឱ្យដឹងថានៅ​ក្នុង​អំឡុងពេលបិទខ្ទប់នេះ កសិករពិបាកលក់បន្លែដោយសារចំនួនអ្នកប្រមូលទិញបន្តថយចុះ។ នៅផ្សារអីអន ផ្សារភូមិកសិកម្មធម្មជាតិ និងហាងផ្សារខ្មែរ​បន្លែ​ធម្មជាតិលក់បន្លែសុវត្ថិភាពគ្មានជាតិគីមី ខ្លះទៀតក៏ពុំមានបន្លែលក់គ្រប់គ្រាន់ដែរ ដោយសារមានការបិទផ្លូវ ពិបាកដឹកយកមកភ្នំពេញ ជាពិសេសក្រុម​កសិករ​នៅខេត្តមណ្ឌលគិរី និងខេត្តកណ្ដាលដែលបានចុះកិច្ចសន្យាជាមួយផ្សារទាំងនេះ។

នៅក្នុងសេចក្តីប្រកាសដដែលបានបន្តថា ជាការអនុវត្តកន្លងមក ក្រសួងបានខិតខំពង្រឹងសហគមន៍កសិកម្ម ដើម្បីងាយស្រួលក្នុងការផ្តល់បច្ចេកទេស ឥណទាន និងភ្ជាប់ទីផ្សារលក់ផលិតផលតាមរយៈការធ្វើផលិតកម្មកសិកម្មតាមកិច្ចសន្យា។ មកទល់ពេលនេះ យើងបាន បង្កើតសហគមន៍​កសិកម្ម​សរុប​ចំនួន 1,200សហគមន៍ ដោយមានម្ចាស់ភាគហ៊ុនចំនួន 144,306នាក់ និងប្រាក់ភាគហ៊ុនចំនួនប្រមាណ 12លានដុល្លារអាមេរិក និងដើមទុនសរុបចំនួន​ប្រមាណ 24.8 លានដុល្លារអាមេរិក ព្រមទាំងបានចុះ កិច្ចសន្យាផលិតកម្មកសិកម្មចំនួន 165សហគមន៍។

ជាមួយគ្នានេះ ដើម្បីដោះស្រាយបញ្ហាទីផ្សារ ក្រសួងកសិកម្ម រុក្ខាប្រមាញ់ និងនេសាទ បានខិតខំជំរុញការចរចាស្តីពីលក្ខខណ្ឌតម្រូវភូតគាម​អនាម័យ​លើ​មុ​ខ​ដំណាំសំខាន់ៗ ដើម្បីបើកទីផ្សារជាមួយបណ្តាប្រទេសដែលមានបំណងនាំចូលកសិផលកម្ពុជា ដែលយើងសម្រេចបានជោគជ័យជាច្រើនរួចមកហើយ។ ជាក់ស្ដែង នៅឆ្នាំ2020 យើងអាចផលិតនូវផលិតផលកសិកម្មសរុបបានជាង 20លានតោន ហើយនាំចេញកសិផលសរុបបានចំនួនជាង 13លានតោន ដោយទទួល បានចំណូលពីការនាំចេញប្រមាណជាង 3,433 លានដុល្លារ។ យើងបានបណ្តុះបណ្តាល និងផ្សព្វផ្សាយបច្ចេកទេសទំនើប​ដល់កសិកររាប់ម៉ឺន​នាក់​ជារៀងរាល់ឆ្នាំ។ ជាក់ស្ដែងអគ្គនាយកដ្ឋានកសិកម្មបានបណ្ដុះបណ្ដាលមន្ត្រីបច្ចេកទេស ម្ចាស់កសិដ្ឋាន កសិករគំរូ ប្រជាកសិករ និងសមាជិកសហគមន៍​កសិកម្មសរុបចំនួន 32,460នាក់ និងគម្រោងនានារបស់ក្រសួងកសិកម្ម រុក្ខាប្រមាញ់ និងនេសាទ បានបណ្ដុះបណ្ដាលកសិករក្នុងខេត្តគោលដៅរបស់​គម្រោង​រាប់ម៉ឺនគ្រួសារទៀត។

ផ្សារភ្ជាប់ជាមួយសកម្មភាព និងលទ្ធផលទាំងអស់ខាងលើនេះ កម្ពុជាមិនមានភាពខ្វះខាតដែលតម្រូវឱ្យមានការនាំបន្លែចូលពីក្រៅប្រទេសច្រើន​ពេលនោះ​ទេ៕

ព្រឹត្តិការណ៍, សេដ្ឋកិច្ច

ថៃរំពឹងថា ការនាំចេញតាមរយៈធ្វើពាណិជ្ជកម្មអនឡាញប្រចាំឆ្នាំ ២០២១នេះ អាចមានកំណើនដល់ជាង ៥០០លានដុល្លារ

ផ្លាស់ប្ដូរពីយុទ្ធសាស្ត្រនៃការនាំចេញដោយការដោះដូរទំនិញក្រោមកិច្ចជំនួបដោយផ្ទាល់នោះ ពាណិជ្ជករប្រទេសថៃបានងាកមក​ធ្វើ​ពាណិជ្ជកម្ម​សម្រាប់តែការនាំចេញតាមរយៈ…
ព្រឹត្តិការណ៍, ហិរញ្ញវត្ថុ

ទីផ្សារមូលបត្រ ៖ ទំហំមូលធនូបនីយកម្មទីផ្សារកើនឡើងដល់ជាង ២ ពាន់លានដុល្លារ គិតត្រឹមចុងត្រីមាសទី១ ឆ្នាំនេះ

ភ្នំពេញ ៖ ទំហំមូលធនូបនីយកម្មទីផ្សារសរុបនៃទីផ្សារមូលបត្រកម្មសិទ្ធិនៅកម្ពុជាមានតម្លៃប្រហែល ២,១៤ ពាន់លានដុល្លារអាមេរិកគិតត្រឹមចុងត្រីមាសទី១ ឆ្នាំ២០២២ ខណៈបច្ចុប្បន្ន ទីផ្សារមូលបត្រកម្មសិទ្ធិ…
ព្រឹត្តិការណ៍, សេដ្ឋកិច្ច

កម្ពុជា និងធនាគារពិភពលោកពិភាក្សាគ្នារកយុទ្ធសាស្រ្តកាត់បន្ថយថ្លៃដើមលើការដឹកជញ្ជូន

ភ្នំពេញ ៖ រាជរដ្ឋាភិបាលកម្ពុជា ដែលមានក្រសួងសេដ្ឋកិច្ច និងហិរញ្ញវត្ថុ ជាសេនាធិការ បានជួបពិភាក្សាជាមួយតំណាងធនាគារពិភពលោក (World Bank) ដើម្បីស្វែងរកយុទ្ធសាស្ត្រកាត់បន្ថយថ្លៃដើម…
ព្រឹត្តិការណ៍, អត្ថបទពាណិជ្ជកម្ម

ប្រវត្តិ និងរចនាសម្ព័ន្ធរដ្ឋបាលរបស់អគ្គនាយកដ្ឋានគយ និងរដ្ឋាករកម្ពុជា

អគ្គនាយកដ្ឋានគយ និងរដ្ឋាករកម្ពុជា ​ត្រូវបានបង្កើតឡើង​ក្នុងសម័យសង្គមរាស្ត្រនិយម​ដោយ​ព្រះរាជក្រមលេខ 661 ចុះថ្ងៃទី29 ខែមិថុនា ឆ្នាំ1951។ កិច្ចដំណើរការ​របស់អគ្គ…
ព្រឹត្តិការណ៍, អាជីវកម្មថ្មី និងនវានុវត្ត

ផលិតផលប្រើប្រាស់ធ្វើពីស្បែកសុទ្ធដែលបង្កើតឡើងយុវជនខ្មែរ កំពុងពង្រីកទីផ្សារក្នុងស្រុក

ផលិតផលប្រើប្រាស់ប្រចាំថ្ងៃដែលច្នៃចេញពីស្បែកសុទ្ធក្រោមស្នាដៃរបស់យុវជនខ្មែរ រួមមានដូចជា កាបូបដៃ ខ្សែក្រវាត់ កាបូបដាក់ឯកសារ កំពុងទទួលគាំទ្រ និងពង្រីកទីផ្សារក្នុងស្រុក
ព្រឹត្តិការណ៍, សេដ្ឋកិច្ច

ធនាគារពិភពលោក នឹងបង្កើនការផ្តល់មូលនិធិវ៉ាក់សាំងកូវីដ-១៩ ដល់ទៅ ២០ ពាន់លានដុល្លារ

ធនាគារពិភពលោក (World Bank) នៅ​ក្នុងសប្ដាហ៍នេះ​បាន​សន្យាថា​ នឹង​បង្កើន​មូល​និធិ​សម្រាប់​ការ​ទិញ​វ៉ាក់​សាំង​កូវីដ-១៩ និងបង្កើន​​កញ្ចប់មូលនិធិ​ដល់ទៅ​ ២០ ពាន់លានដុល្លារច្រើន​ជាងគោល​ដៅមុនៗ​ …
ព្រឹត្តិការណ៍, សេដ្ឋកិច្ច

តំបន់តាមបណ្ដោយមហាវិថីសហព័ន្ធរុស្ស៊ីនឹងក្លាយជាតំបន់ពាណិជ្ជកម្មដ៏ទាក់ទាញ

ភ្នំពេញ ៖ តំបន់ដែលស្ថិតនៅអមសងខាងបណ្ដោយមហាវិថីសហព័ន្ធរុស្ស៊ីបាន និងកំពុងអភិវឌ្ឍន៍ទៅជាតំបន់ពាណិជ្ជកម្មដ៏ទាក់ទាញ ខណៈពេលដែលបច្ចុប្បន្ន រាប់ចាប់ពីចំណុចគល់ស្ពានអាកាស…
ព្រឹត្តិការណ៍, អាជីវកម្មថ្មី និងនវានុវត្ត

សារាយសមុទ្រនៅតែមានសារសំខាន់ និងចាំបាច់បំផុតសម្រាប់គ្រប់ជីវិតរស់នៅលើផែនដី

សារាយសមុទ្រត្រូវបានអ្នកជំនាញផ្នែកវេជ្ជអាហារបញ្ជាក់ថានៅតែមានភាពចាំបាច់បំផុតសម្រាប់ទ្រទ្រង់គ្រប់ជីវិតដែលរស់នៅលើផែនដីយើងនេះ ទាំងពេលបច្ចុប្បន្ន និងអនាគតកាល
ជំនួញ, ព្រឹត្តិការណ៍

សេវាកម្មជួលរថយន្តក្នុងទីផ្សារនៅអឺរ៉ុបនឹងក្លាយជាអ្នកនាំមុខគេជំរុញបដិវត្តរថយន្តអគ្គិសនី

បច្ចុប្បន្ន ទីផ្សារជួលរថយន្តនៅបណ្តាប្រទេសលោកខាងលិចគឺមានតម្លៃរហូតទៅដល់ជាង ១០០ពាន់លានដុល្លាររួចទៅហើយ។ នេះបើយោងតាមការចេញផ្សាយដោយបណ្តាញផ្សព្វផ្សាយអន្តរជាតិ…
ព្រឹត្តិការណ៍, អចលនទ្រព្យ

ក្រុមហ៊ុនបរទេសកាន់តែច្រើនបង្ហាញការចាប់អារម្មណ៍វិនិយោគនៅកម្ពុជា

ភ្នំពេញ ៖ ក្រុមមហ៊ុនបរទេសជាច្រើនបានបង្ហាញការចាប់អារម្មណ៍លើការបណ្ដាក់ទុនវិនិយោគនៅក្នុងប្រទេសកម្ពុជា ជាពិសេសក្រោយពីស្ថានភាពកូវីដ១៩ នៅកម្ពុជា ត្រូវបានគ្រប់គ្រងបានយ៉ាងប្រសើរ…