ពលរដ្ឋកូរ៉េ មួយផ្នែកជាជិវិតស៊ីវិល័យ តែមួយផ្នែកទៀតកំពុងលិចលង់

សេអ៊ូល ៖ កូរ៉េខាងត្បូង ត្រូវបានគេចាត់ទុកថាជាប្រទេសដែលមានអត្រាសមាមាត្ររវាងបំណុលគ្រួសារ Househodl debt ធៀបទៅនឹងផលិតផលក្នុងស្រុក GDP មានកម្រិតខ្ពស់ជាងគេបំផុតក្នុងតំបន់អាស៊ី។ នេះបើយោងតាមរបាយការណ៍ចុងក្រោយមួយដែលស្រាវជ្រាវដោយវិទ្យាស្ថានហិរញ្ញវត្ថុអន្តរជាតិ Institute of International Finance កាលពីពេលកន្លងទៅ ហើយតួលេខនេះនៅតែបន្តកើនឡើងនៅឡើយ។

បំណុលគ្រួសារភាគច្រើនដែលគេសំដៅទៅលើកម្ចីសិក្សា Student Loan, កម្ចីទិញរថយន្ត, កម្ចីទិញផ្ទះ, កម្ចីអាជីវកម្មខ្នាតតូច និងបំណុលប័ណ្ណឥណទាន (Credit Card) ជាដើម ដែលក្នុងនោះបំណុលប័ណ្ណឥណទាននេះជាឧបករណ៍សំខាន់បំផុតជំរុញឲ្យចំនួនបំណុលគ្រួសារមានទ្រង់ទ្រាយធំដូចបច្ចុប្បន្ននេះ។ បន្ថែមពីនេះ CNA ធ្លាប់បានធ្វើវីដេអូរបាយស្រាវជ្រាវមួយរកឃើញថា ពលរដ្ឋកូរ៉េខាងត្បូងដែលមានប្រាក់ខែត្រឹមតែ ៥០០ដុល្លារប៉ុណ្ណោះ ប៉ុន្តែអាចមានសិទ្ធិក្នុងការប្រើប្រាស់គណនេយ្យបំណុលបានដល់ទៅ ៣០ ០០០ដុល្លារ ។

ភាពងាយស្រួលនៃការប្រើប្រាស់ប័ណ្ណបំណុល និងជីវិតស៊ីវិល័យរបស់ពលរដ្ឋកូរ៉េខាងត្បូងបានធ្វើឲ្យបំណុលកំពុងសម្ងំរីកសុះសាយយ៉ាងស្ងប់ស្ងាត់ហាក់ដូចជាគ្រាប់បែកផ្ទុះពីខាងក្នុងដូច្នេះដែរ នេះបើយោងតាមការស្រាវជ្រាវដោយប្រភពដដែល ហើយលើសពីនេះ CNA ក៏បានរកឃើញដែរថា ពលរដ្ឋវ័យក្មេងភាគច្រើនមានទំនោរក្នុងការចាយវាយច្រើនទៅលើវត្ថុប្រើប្រាស់ដែលជាម៉ាកល្បីៗ ទំនើប និងតម្លៃថ្លៃលើសពីចំណូលរបស់ខ្លួន ហើយនិយមបង្ហោះនៅលើបណ្តាញសង្គមដើម្បីទទួលបានអារម្មណ៍រីករាយ និងមោទនភាពចំពោះខ្លួនឯង ប៉ុន្តែភាគច្រើនគឺមានភាពខ្មាស់អៀនក្នុងការបង្ហាញអំពីចំនួនបំណុលរបស់គេទៅវិញ។

The Korea Herald ដែលធ្លាប់បានធ្វើការចេញផ្សាយកាលពីចុងឆ្នាំ២០២១កន្លងមកបានធ្វើការប្រៀបធៀបរវាងផលិតផលក្នុងស្រុកសរុបដែលកូរ៉េខាងត្បូងទទួលបានកាលពីឆ្នាំ២០២០ ប្រមាណជា១,៦៣ទ្រីលានដុល្លារ ខណៈដែលបំណុលរបស់គ្រួសារមានចំនួនដល់ទៅ១,៧ទ្រីលានដុល្លារ ឬមានន័យថាកូរ៉េខាងត្បូងកំពុងស្ថិតនៅក្នុងអត្រាសមាមាត្រច្រើនជាងដល់ទៅជាង១០៤ភាគរយ ខណៈដែលហុងកុងឈរនៅលំដាប់ទី២មានអត្រាសមាមាត្រនេះត្រឹម៩២ភាគរយ, អង់គ្លេសមាន៨៩,៤ភាគរយ, សហរដ្ឋអាមេរិកមាន៧៩,២ភាគរយ, ប្រទេសថៃមាន៧៧,៥ភាគរយ, ម៉ាឡេស៊ីមាន៧៣,៤ភាគរយ និងប្រទេសជប៉ុនមាន៦៣,៩ភាគរយ។

បំណុលដ៏ធ្ងន់ធ្ងរនេះបាន និងកំពុងបង្កបញ្ហាជាច្រើនដល់ពលរដ្ឋកូរ៉េខាងត្បូងខ្លួនឯងដោយក្នុងនោះ The Business Insider ធ្លាប់បានចេញផ្សាយ និងបង្ហាញឲ្យឃើញ៥ចំណុចដែលកូរ៉េខាងត្បូងកំពុងប្រឈមមុខ៖

១- ជាមធ្យមពលរដ្ឋកូរ៉េខាងត្បូងគឺមិនមានលទ្ធភាពក្នុងការសងបំណុលទាំងអស់របស់ពួកគេបានទេ ទោះបីជាពួកគេព្យាយាមក្នុងការសន្សំខ្លាំងយ៉ាងណាក្តីក្នុងរយៈពេលពេញមួយឆ្នាំ។

២- តម្លៃអចលនទ្រព្យកើនឡើងខ្លាំងធៀបទៅនឹងប្រាក់ចំណូល ដែលអ្នកជំនាញសេដ្ឋកិច្ចរបស់ក្រុមហ៊ុន IHS Markit ប្រចាំតំបន់ប៉ាស៊ីហ្វិក លោក Raji Biswas បានសំដែងក្តីបារម្ភថាមិនត្រឹមតែនឹងអាចធ្វើឲ្យអចលនទ្រព្យកើនឡើងកំដៅនោះទេ វាថែមទាំងធ្វើឲ្យពលរដ្ឋក្នុងស្រុកកាន់តែមានបញ្ហាស្ត្រេសខ្លាំងទៅនឹងហិរញ្ញវត្ថុទៀតផង។

៣- អត្រាពលរដ្ឋកូរ៉េខាងត្បូងធ្វើអាជីវកម្មដោយខ្លួនឯងកាន់តែច្រើន មានន័យថាបុគ្គលិកធ្វើការងារនឹងត្រូវប្រឈមហានិភ័យកាន់តែខ្ពស់ចំពោះមុខនៃការធ្លាក់ចុះសេដ្ឋកិច្ច។

៤- អត្រានៃពលរដ្ឋធ្វើអត្តឃាតបានកើនឡើងដល់ចំណុចខ្ពស់បំផុតក្នុងចំណោមបណ្តាប្រទេសជាសមាជិកនៃអង្គការអន្តរជាតិ OECD ទាំង៣៨ប្រទេស ជាមួយនឹងអត្រាប្រមាណជា ២៤,៧នាក់ក្នុងចំណោមមនុស្ស ១០០ ០០០នាក់ កាលពីឆ្នាំ២០១៨ មកដល់ ២៥,៧នាក់ក្នុងចំណោមពលរដ្ឋ ១០០ ០០០នាក់ នៅក្នុងឆ្នាំ២០២០។

៥- រដ្ឋាភិបាលទទួលបានជោគជ័យតិចតួចបំផុតក្នុងការដោះស្រាយបញ្ហាបំណុលគ្រួសារនេះទោះបីជាមានការខិតខំប្រឹងប្រែងអនុវត្តនូវកម្មវិធីនិងយុទ្ធសាស្ត្រជាច្រើនពីសំណាក់ធនាគារកណ្តាលប្រទេសក៏ដោយ ។ និយាយជារួម ពលរដ្ឋកូរ៉េមួយចំនួន បាន និងកំពុងផុងខ្លួនជាមួយនឹងបំណុលឡាយឡំជាមួយនឹងជីវភាពរស់នៅប្រចាំយ៉ាងស៊ីវិល័យ៕

លោក សន ស៊ុនលី | Mr. San Sounly

អ្នកសារព័ត៌មានអន្តរជាតិ

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

អ្នកដឹកនាំជាស្រ្តីថយចុះ ប្រធានរដ្ឋសភាកម្ពុជាអំពាវនាវឱ្យមានការគាំទ្រស្ដ្រីក្នុងភាពជាអ្នកដឹកនាំ

ព្រឹត្តិការណ៍, សេដ្ឋកិច្ច

• 17/07/2026

សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា បានអំពាវនាវដល់ថ្នាក់អ្នកដឹកនាំគ្រប់ជាន់ថ្នាក់គិតគូរអំពីសមភាពយេនឌ័រ ក្នុងន័យគាំទ្រលើកកម្ពស់ស្រ្តីក្នុងភាពជាអ្នកដឹកនាំ

អិលអូអិលស៊ីដាក់ដំណើរការ «ឥណទានមាសកើនទ្រព្យ» នៅសាខាខណ្ឌទួលគោក ដែលជាសាខាទី១០

ព្រឹត្តិការណ៍, អត្ថបទពាណិជ្ជកម្ម

• 17/07/2026

អិលអូអិលស៊ី (LOLC) ដែលជាគ្រឹះស្ថានមីក្រូហិរញ្ញវត្ថុឈានមុខគេក្នុងប្រទេសកម្ពុជា បាននិងកំពុងពង្រីកការផ្ដល់សេវាឥណទានថ្មី «ឥណទានមាសកើនទ្រព្យ» ទៅកាន់សាខារបស់ខ្លួនជាបន្ដបន្ទាប់។ ជាក់ស្ដែងនៅថ្ងៃទី ១៧ ខែកក្កដា ឆ្នាំ ២០២៦ អិលអូអិលស៊ី សាខាខណ្ឌទួលគោកបានក្លាយជាសាខាទី១០ ដែលផ្ដល់សេវា «ឥណទានមាសកើនទ្រព្យ» នេះ

ខេត្តសក្ដានុពលចំនួន៥ ទទួលបានគម្រោងវិនិយោគច្រើនជាងគេក្នុងរយៈពេល៦ខែ ដើមឆ្នាំ២០២៦នេះ

ព្រឹត្តិការណ៍, អចលនទ្រព្យ

• 17/07/2026

ក្នុងរយៈពេល៦ខែ ដើមឆ្នាំ២០២៦នេះ រាជរដ្ឋាភិបាលកម្ពុជា ទទួលបានការចុះបញ្ជីគម្រោងវិនិយោគសរុបចំនួន ២៧៦គម្រោង ជាមួយនឹងដើមទុនវិនិយោគចំនួន ៤,៧ពាន់លានដុល្លារអាម៉េរិក

ចិន នឹងជួយចងក្រងប្រវត្តិសាស្រ្តកម្ពុជាក្នុងសម័យទំនើប និងផ្សព្វផ្សាយវប្បធម៌ ទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 17/07/2026

ភ្នំពេញ៖ ភាពអស្ចារ្យនៃប្រវត្តិសាស្ត្រដ៏រុងរឿង និងដួងព្រលឹងវប្បធម៌ខ្មែរ បានបន្តអន្ទងចិត្តអ្នកនិពន្ធ និងជាប្រធានអ្នកដឹកនាំរឿង (Chief Director) ដ៏ល្បីនៃប៉ុស្តិ៍ខ្សែភាពយន្តឯកសាររបស់មជ្ឈមណ្ឌលភាពយន្តភាគ និងខ្សែភាពយន្តឯកសារនៃអគ្គស្ថានីយវិទ្យុ និងទូរទស្សន៍មជ្ឈិមចិន (CMG) គឺលោក ចូវ ឆាវយ៉ុង (Zhou Chaoyong) រហូតឈានដល់ការប្តេជ្ញាចិត្តយ៉ាងមុតមាំក្នុងការចូលរួមចងក្រង និងផ្សព្វផ្សាយផ្ទាំងទស្សនីយភាពទេសចរណ៍ និងវប្បធម៌កម្ពុជាសម័យទំនើបទៅកាន់ប្រជាជនចិន ក៏ដូចជាពិភពលោកផងដែរ។

ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់

Top News, ព្រឹត្តិការណ៍, សេដ្ឋកិច្ច

• 17/07/2026

ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក

ពីសន្តិសុខប្រាក់ខែ ១៨០ដុល្លារ ក្លាយជាម្ចាស់អាជីវកម្មអាចរកចំណូលបានជិត ២ពាន់ដុល្លារក្នុងមួយខែ ដោយសាររៀនជំនាញពី TVET

ព្រឹត្តិការណ៍, សេដ្ឋកិច្ច

• 17/07/2026

ពីសន្តិសុខប្រាក់ខែ ១៨០ដុល្លារ ក្លាយជាម្ចាស់អាជីវកម្មអាចរកចំណូលបានជិត ២ពាន់ដុល្លារក្នុងមួយខែ ដោយសាររៀនជំនាញពី កម្មវិធីបណ្តុះបណ្តាលបច្ចេកទេស និងវិជ្ជាជីវៈ(TVET)

ចិនដើរមួយជំហានមុនក្រុមហ៊ុនលោក Elon Musk លើបច្ចេកវិទ្យាវះកាត់ដាក់បន្ទះឈីបភ្ជាប់ខួរក្បាល

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2026

ក្រុមគ្រូពេទ្យវះកាត់ជនជាតិចិនថ្មីៗនេះ បានទទួលជោគជ័យក្នុងការវះកាត់ដាក់ឧបករណ៍ភ្ជាប់ខួរក្បាលនឹងកុំព្យូទ័រ (BCI ឬ brain-computer interface) ជាលក្ខណៈពាណិជ្ជកម្មដំបូងគេបង្អស់លើពិភពលោកទៅលើអ្នកជំងឺម្នាក់

គិតត្រឹមពាក់កណ្ដាលឆ្នាំ ២០២៦ ជប៉ុនផ្ដល់ឥណទានសម្បទានជាង ៣.៥ ពាន់លានដុល្លារដល់កម្ពុជា

ព្រឹត្តិការណ៍, ហិរញ្ញវត្ថុ

• 17/07/2026

បើគិតត្រឹមពាក់កណ្ដាលឆ្នាំ២០២៦ ជប៉ុនបានផ្ដល់ហិរញ្ញប្បទានសម្បទានដល់កម្ពុជា សម្រាប់អនុវត្តន៍គម្រោងកម្មវិធីចំនួន ២៥ មានទឹកប្រាក់ប្រមាណ ៣.៥១ ពាន់លានដុល្លារអាម៉េរិក

វៀតណាម រក្សាបានតំណែងជាប្រទេសសេដ្ឋកិច្ចរីកលូតលាស់លឿនបំផុតនៅក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 17/07/2026

វៀតណាម ដែលជាប្រទេសមានព្រំប្រទល់ជាប់ជាមួយកម្ពុជា បាន និងកំពុងបង្ហាញពីមោទនភាពរបស់ខ្លួនដែលអាចកាន់តំណែងជាប្រទេសមានកំណើនសេដ្ឋកិច្ចលឿនបំផុតនៅក្នុងតំបន់អាស៊ាននាឆមាសទីមួយឆ្នាំ២០២៦

អ្នកជំនាញ៖ ដំណើរទស្សនកិច្ចទៅចិនរបស់សម្ដេចធិបតី មានគោលដៅសំខាន់ ទាក់ទាញការវិនិយោគ និងពង្រឹងទំនាក់ទំនង

ព្រឹត្តិការណ៍, សេដ្ឋកិច្ច

• 17/07/2026

កជំនាញភូមិសាស្ត្រនយោបាយ និងសេដ្ឋកិច្ច បានលើកឡើងថា ដំណើរទស្សនកិច្ចទៅចិនរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ផ្តោតសំខាន់លើការពង្រឹងកិច្ចសហប្រតិបត្តិការសេដ្ឋកិច្ច និងទំនាក់ទំនងរវាងប្រទេសទាំងពីរ ពិសេស គឺគោលដៅទាក់ទាញវិនិយោគិនចិន ឱ្យមកបណ្ដាក់ទុនបន្ថែមនៅកម្ពុជា