សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កាលពីអត្ថបទលើកមុន AMS Economy ធ្លាប់បានចេញផ្សាយ និងពន្យល់ខ្លះៗរួចមកហើយអំពីពាក្យថា Stagflation ដែលជាទូទៅត្រូវបានគេកំណត់ថា គឺជាគ្រាមួយដែលអត្រាអតិផរណាបានកើនឡើងដល់កម្រិតខ្ពស់បំផុត ចំណែកឯក្នុងពេលជាមួយគ្នានេះអត្រាតម្រូវការងារបែរជានៅទ្រឹងនឹងថ្កល់ទៅវិញ។
Stagflation គឺជាការបូកបញ្ចូលគ្នានូវលក្ខខណ្ឌចំនួន២ជាមួយគ្នាគឺ Stagnation ដែលជាការជាប់គាំង និង Inflation ជាអតិផរណា ឬឲ្យងាយស្រួលយល់វាគឺជាព្រឹត្តិការណ៍មួយដែលកើតឡើងក្នុងពេលជាមួយគ្នានៅពេលដែលសេដ្ឋកិច្ចបានដាំក្បាលចុះទាបបំផុត ហើយអត្រានៃអ្នកអត់ការងារមានការកើនឡើងយ៉ាងខ្ពស់បំផុត ខណៈដែលតម្លៃនៃការចាយវាយប្រចាំថ្ងៃមានកម្រិតខ្ពស់ខ្លាំង។
អ្នកជំនាញជាច្រើនបានលើកឡើងអំពីក្តីព្រួយបារម្ភទៅលើព្រឹត្តិការណ៍ Stagflation ដែលនឹងអាចកើតឡើងនៅពេលណាមួយ ពីព្រោះថាផលប៉ះពាល់របស់វាមានកម្រិតធ្ងន់ធ្ងរ។ វាអាចធ្វើឲ្យមនុស្សរាប់លាននាក់ជួបបញ្ហាលំបាកខ្លាំងក្នុងការដោះស្រាយបញ្ហាចាយវាយប្រចាំថ្ងៃមិនគ្រប់គ្រាន់សូម្បីតែម្ហូបអាហារភេសជ្ជៈ និងថាមពលប្រើប្រាស់ ជាពិសេសកាន់តែអាក្រក់ចំពោះអ្នកដែលអត់ការងារធ្វើ ខណៈដែលទីផ្សារការងារក៏ជាប់គាំងទៅហើយផងនោះ។
ទោះបីជាយ៉ាងណាក្តី Stagflation មិនមែនជាព្រឹត្តិការណ៍តែមួយដែលធ្វើឲ្យអ្នកជំនាញសេដ្ឋកិច្ចមានក្តីកង្វល់ចំពោះស្ថានភាពសេដ្ឋកិច្ចសកលបែបនេះនោះទេក្នុងនោះក្នុងពាក្យសេដ្ឋកិច្ចគឺនៅមានព្រឹត្តិការណ៍មួយទៀតដែលគេហៅថា Shrinkflation ដែលវាផ្តោតសំខាន់ទៅលើការប្រែប្រួលខ្លាំងនៃប្រព័ន្ធផ្គត់ផ្គង់ និងសង្វាក់ផលិតកម្មចំណីអាហាររបស់សកលលោកក្នុងពេលដែលអតិផរណាកំពុងកើនឡើងដល់ចំណុចកំពូល។
ក្នុងអត្ថន័យនៃពាក្យ Shrinkflation គឺជាពាក្យដែលបានបូកបញ្ចូលគ្នាផងដែររវាងពាក្យថា Shrink និង Inflation ឬអាចពន្យល់បានថាជាព្រឹត្តិការណ៍ដែលសង្វាក់ផលិតកម្មចំណីអាហារទាំងអស់ដែលមាននៅក្នុងផ្ទះបាយចាប់រាប់តាំងពីក្រដាសរុំសាច់ដំឡុងម្ស៉ៅសាច់ និងអាហារគ្រឿងទេសគ្រប់មុខផងត្រូវបង្ខំចិត្តក្នុងការផ្លាស់ប្តូរការវេចខ្ចប់ និងទំហំរបស់ខ្លួនខុសពីទំហំដែលធ្លាប់លក់នៅលើទីផ្សារនាពេលកន្លងមក។
ការប្រែប្រួលទំហំ និងការវេចខ្ចប់ធ្វើឡើងដើម្បីបញ្ចៀសការបង្កើនតម្លៃនៅលើទីផ្សារ ពីព្រោះថាកម្រិតអផរណាកំពុងងើបឡើងខ្លាំងនៅក្នុងទីផ្សារដែលវាបានធ្វើឲ្យតម្លៃថ្លៃដើមនៃទំនិញគ្រប់មុខមានតម្លៃខ្ពស់ខ្លាំងពេកធ្វើឲ្យប៉ះពាល់ដល់តម្រូវការ និងការសម្រេចចិត្តទិញរបស់អតិថិជន។កាន់តែងាយស្រួលយល់ជាងនេះសម្រាប់ Shrinkflation គឺពេលដែលអតិផរណាកើនឡើងខ្លាំងរាល់ទំនិញទាំងឡាយគឺនឹងស្ថិតនៅក្នុងតម្លៃដដែលប៉ុន្តែទំហំរបស់វាកាន់តែតូចជាងមុន។ គួរឲ្យដឹងដែរថា គិតត្រឹមសប្តាហ៍នេះ សហរដ្ឋអាមេរិកមានអត្រាអតិផរណាកើនឡើងខ្លាំងទៅដល់ ៨,៣ភាគរយមកហើយ ខណៈដែលតំបន់អឺរ៉ុបបានកើនឡើងដល់ទៅ៨,១ភាគរយគឺជាពេលវេលាមួយដែល Stagflation និង Shrinkflation នឹងពិតជាមានលទ្ធភាពក្នុងការអាចកកើតកើតឡើងជាមិនខានក្នុងទីផ្សារ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
«យុទ្ធសាស្ត្រជាតិស្តីពីការអភិវឌ្ឍធុរកិច្ចថ្មី ២០២៦-២០៣០» ត្រូវបានភាគីពាក់ព័ន្ធលើកយកមកពិគ្រោះមុនធ្វើសេចក្ដីព្រាង
ព្រឹត្តិការណ៍, អាជីវកម្មថ្មី និងនវានុវត្ត
• 12/03/2026
«យុទ្ធសាស្ត្រជាតិស្តីពីការអភិវឌ្ឍធុរកិច្ចថ្មី ២០២៦-២០៣០» ត្រូវបានភាគីពាក់ព័ន្ធលើកយកមកពិគ្រោះមុនធ្វើសេចក្ដីព្រាង
ម្ចាស់សហគ្រាសក្នុងស្រុកទទួលស្គាល់អំពីផលប៉ះពាល់ដល់ផលិតកម្មដោយសារការឡើងថ្លៃប្រេង
Top News, ព្រឹត្តិការណ៍, សេដ្ឋកិច្ច
• 12/03/2026
ម្ចាស់សហគ្រាសផលិតក្នុងស្រុកមួយចំនួនបាននាំគ្នាសម្តែងក្តីបារម្ភពីបញ្ហាប្រេងឡើងថ្លៃ ដែលអាចប៉ះពាល់ដោយផ្ទាល់ដល់ចង្វាក់ផលិតកម្មរបស់ខ្លួន និងប្រឈមចំណាយថ្លៃដើមកាន់តែខ្ពស់
អ្នកសេដ្ឋកិច្ច ៖ តម្លៃប្រេងនៅកម្ពុជានឹងធ្លាក់ចុះ ខណៈប្រេងនៅទីផ្សារសកលស្រុតថ្លៃបន្តិចមកវិញ
Top News, ព្រឹត្តិការណ៍, សេដ្ឋកិច្ច
• 11/03/2026
សេដ្ឋវិទូបានបង្ហាញពីក្ដីរំពឹងថា តម្លៃប្រេងនៅកម្ពុជា នឹងធ្លាក់ចុះស្របពេលដែលទីផ្សារថាមពលពិភពលោកមានការប្រែប្រួលយ៉ាងខ្លាំង ខណៈរដ្ឋមន្រ្តីក្រសួងរ៉ែ និងថាមពល បានអះអាងថា តម្លៃប្រេងឥន្ធនៈកម្ពុជា ពឹងផ្អែកលើថ្លៃដើមនៃការនាំចូល
ចិន បង្ហាញពិភពលោកពីស្ថិរភាពថាមពលដ៏រឹងម៉ាំទោះប្រេងឆៅឡើងលើស១០០ដុល្លារក្នុង១បារ៉ែល
ព្រឹត្តិការណ៍, អាជីវកម្មថ្មី និងនវានុវត្ត
• 11/03/2026
ឥទ្ធិពលនៃសង្គ្រាមដែលជំរុញឱ្យតម្លៃប្រេងឡើងថ្លៃមិនបានធ្វើឲ្យប៉ះពាល់ធ្ងន់ធ្ងរដល់ប្រទេសចិនដូចទៅនឹងប្រទេសផ្សេងទៀតនោះឡើយ ដោយហេតុថា ប្រទេសមហាយក្សចិន មានស្តុកប្រេងយុទ្ធសាស្ត្រយ៉ាងសន្ធឹកសន្ធាប់
SME កម្ពុជា មានសក្ដានុពល ប៉ុន្តែមិនទាន់រឹងមាំពេញលេញក្នុងការប្រកួតប្រជែងពីគុណភាព
Top News, ព្រឹត្តិការណ៍, សេដ្ឋកិច្ច
• 11/03/2026
បច្ចុប្បន្ន សហគ្រាសធុនតូច និងមធ្យម (SME) កម្ពុជា មានសក្ដានុពល ប៉ុន្តែបើធៀបនឹងប្រទេសជិតខាងគឺមិនទាន់រឹងមាំពេញលេញនៅឡើយក្នុងការប្រកួតប្រជែងពាក់ព័ន្ធទៅនឹងគុណភាព សោភ័ណភាពនៃការវេចខ្ចប់ និងការនាំចេញជាសកល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content