ទម្លាប់សន្សំប្រាក់តាំងពីក្មេង ធ្វើឱ្យយុវតីមួយរូបមាន​សុខភាព​ហិរញ្ញវត្ថុល្អ

ទម្លាប់សន្សំប្រាក់ ជាទម្លាប់ល្អមួយដែលមនុស្សគ្រប់គ្នាគួរតែមាន ហើយកាន់តែប្រសើរមួយកម្រិតទៀត ប្រសិនបើឪពុក ម្ដាយចេះបង្រៀន​កូនៗ​ឱ្យមានទម្លាប់សន្សំតាំងពីក្មេង។

យុវតីមួយរូបដែលទើបតែបញ្ចប់ការសិក្សាថ្នាក់បរិញ្ញាបត្រពីសកលវិទ្យាល័យភូមិន្ទភ្នំពេញ បានចែក​រំលែកបទពិសោធន៍​របស់ខ្លួនក្នុងការ​សន្សំ​ប្រាក់។ យុវតីដែលជាអ្នករស់នៅខេត្តពោធិ៍សាត់រូបនេះ បានចាប់ផ្ដើមសន្សំប្រាក់តាំងតែពីថ្នាក់បឋមសិក្សា ដែលកាលណោះ កញ្ញាសន្សំប្រាក់​ដែល​បានមកពីបងប្អូន​ អ៊ុំ ពូ មីង ឱ្យនៅពេលមានឱកាសបុណ្យទានណាមួយ។ ថ្វីត្បិតតែមិនបានសន្សំក្នុងចំនួនច្រើន ប៉ុន្តែទម្លាប់នេះបានធ្វើ​ឱ្យកញ្ញាចេះគ្រប់គ្រងហិរញ្ញវត្ថុរបស់ខ្លួនបានល្អ ធ្វើឱ្យកញ្ញាមានទម្លាប់សន្សំនៅពេលចង់ទិញអ្វីមួយ ជាពិសេសនៅពេលកញ្ញា​បានឡើងដល់​ថ្នាក់អនុវិទ្យាល័យ។

កញ្ញា វ៉ា ផាវ៉ាន បានរៀបរាប់ថា៖

“កាលណោះ ដោយសារសាលានៅឆ្ងាយពីផ្ទះ ហើយម៉ាក់ខ្ញុំ​គាត់ចង់ឱ្យខ្ញុំចេះគ្រប់គ្រងលុយផង ទើបគាត់ឱ្យ​ខ្ញុំចាយ​មួយអាទិត្យម្ដង…ចាយបែបហ្នឹង បើសិនយើងអត់ ចេះបែងចែកទេ ច្បាស់ជាចាយមិនគ្រាន់ទេ។”

តាមរយៈការចាយវាយរបៀបនេះហើយ ដែលកញ្ញាអាចគ្រប់គ្រងការចំណាយប្រចាំថ្ងៃរបស់ខ្លួនបានល្អ និងត្រូវតាមការគ្រោងទុករបស់ខ្លួន។ ដោយឡែក ក្នុងរយៈពេល៤ឆ្នាំដែលកញ្ញារៀនសកលវិទ្យាល័យ កញ្ញាជាអ្នកកាន់លុយរួមក្នុងផ្ទះ (ផ្ទះជួលដែលនៅរួមគ្នា) និងជាអ្នក​ចាត់ចែង​ទៅ​លើការចំណាយ​ផ្សេងៗ​ផងដែរ។

យុវតីរូបនេះបានបន្តរៀបរាប់ផងដែរថា៖

“ខ្ញុំមានគណនីធនាគាសរុប៤ ទី១គឺគណនីចំណាយ​ ដែលខ្ញុំតែងតែដាក់ចូលរៀងរាល់ខែ ទី២គឺ គណនី​​វិក្កយបត្រ​ដែលខ្ញុំដាក់លុយរៀលសម្រាប់ទុកបង់ផ្ទះ បង់ទឹក ភ្លើងជាដើម។ ទី៣គឺ គណនីសម្រាប់ករណីបន្ទាន់ ទុកប្រើប្រាស់ពេល​ចាំបាច់​ណាមួយ និងទី៤គឺ ការដាក់សន្សំទុកសម្រាប់ពេលណាចង់ដើរលេង ទិញសម្ភារៈសិក្សាអីហ្នឹង។”

ជាជំនួយក្នុងការគ្រប់គ្រងហិរញ្ញវត្ថុរបស់កញ្ញានេះ កញ្ញាក៏ប្រើប្រាស់នូវកម្មវិធី (App) មួយដែលមានឈ្មោះថា Money Mgr ផងដែរ។ ដែលកម្មវិធីនេះអាចជួយកញ្ញាក្នុងការតាមដាន រាល់ការចំណាយផ្សេងៗជាប្រចាំ។ ជាក់ស្ដែង តាមរយៈវិធីគ្រប់គ្រងហិរញ្ញវត្ថុរបស់ខ្លួនបែបនេះ ធ្វើឱ្យកញ្ញា ផាវ៉ាន អាចទិញអ្វីដែល​ខ្លួនចង់ទិញ ព្រមទាំងអាចចាយវាយប្រចាំថ្ងៃដោយមិនខ្វះមុខ ខ្វះក្រោយ។

ចេញពីបទពិសោធន៍ផ្ទាល់ខ្លួនបែបនេះ កញ្ញាយល់ថាការសន្សំប្រាក់ធ្វើឡើងកាន់តែក្មេង កាន់តែល្អ ព្រោះវានឹងធ្វើឱ្យខ្លួនយើងមានកញ្ចប់​ថវិកា​មួយ​សម្រាប់ខ្លួនឯង ហើយអ្វីដែលសំខាន់បំផុតនោះគឺ វាជាការអនុវត្តមួយដ៏ល្អសម្រាប់ការរស់នៅដោយឯករាជ្យនៅពេលអនាគត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»