សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ភ្នំពេញ)៖ ក្រសួងមុខងារសាធារណៈបានបញ្ជាក់ថា បច្ចុប្បន្ននេះការចំណាយរបស់រដ្ឋលើប្រាក់បៀវត្សរបស់មន្ត្រីរាជការ មិនមានអ្វីជាការបារម្ភទេ ពោលគឺ មិនលើសពីការកំណត់របស់រដ្ឋឡើយ ខណៈដែលការប្រកាសរើសមន្ត្រីរាជការតែងធ្វើឡើងជារៀងរាល់ឆ្នាំ។
ឯកឧត្តម ព្រុំ សុខា រដ្ឋមន្ត្រីក្រសួងមុខងារសាធារណៈ នៅក្នុងសន្និសីទសាព័ត៌មានស្ដីពីសមទ្ធិផលសម្រេចបាន៥ឆ្នាំរបស់ក្រសួងមុខងារសាធារណៈនាព្រឹកថ្ងៃទី២០ ខែតុលា ឆ្នាំ២០២២ បានគូសបញ្ជាក់ថា ចំនួនទឹកប្រាក់ដែលរដ្ឋបានចំណាយកន្លងមកគឺមិនមានអ្វីជាហានិភ័យនោះទេ ដោយប្រាក់បៀវត្សអប្បបរិមារបស់មន្ត្រីរាជការបច្ចុប្បន្នគឺ ១លាន១សែន ៧ម៉ឺនរៀល ដែលសមស្របទៅនឹងលទ្ធភាពរបស់រដ្ឋក៏ដូចជាទំហំការងាររបស់មន្ត្រីរាជការ។ ជាក់ស្ដែង ការចំណាយលើមន្ត្រីរាជការក្នុងឆ្នាំ២០២២ នេះមានសមាមាត្រស្មើនឹង ៤៥,៣% នៃចំណាយចរន្តថវិកាជាតិ ឬស្មើនឹង ៦,៩៧% នៃផលិតផលក្នុងស្រុកសរុប (ផសស)។ ដូច្នេះ បើមើលតាមចំនួនជាក់ស្ដែងនេះគឺមិនមានអ្វីចោទជាបញ្ហានោះទេ។
ជាមួយគ្នានេះ ឯកឧត្តមក៏បានបញ្ជាក់ផងដែរ អំពីការព្យាយាមធ្វើឱ្យមានភាពស្មើគ្នានៃលំហូរចរន្ដសេដ្ឋកិច្ច ដោយមិនឱ្យប្រាក់បៀវត្សមន្ត្រីរាជការខ្ពស់ពេករហូតនាំឱ្យមានឱនភាពសេដ្ឋកិច្ច ឬទាបពេកដែលនាំឱ្យប៉ះពាល់ដល់ប្រសិទ្ធភាពបំពេញការងារនោះទេ។ ដូច្នេះហើយ បានជាគ្រូបង្រៀននិយាយដោយឡែក មានប្រាក់គាំទ្រផ្សេងៗទៀតដូចជាប្រាក់តំបន់ និងប្រាក់ថែមម៉ោងជាដើម។
បន្ថែមពីនេះ ឯកឧត្តមក៏បានលើកឡើងអំពីករណីដែលប្រាក់បៀវត្សមន្ត្រីរាជការឡើងខ្ពស់ខ្លាំង ដោយប្រជាជនជំនាន់សង្គមរាស្ត្រនិយមបានដឹងជាទូទៅ ហើយនិយមឱ្យតម្លៃលើការងារជាគ្រូបង្រៀន។ រដ្ឋមិនអាចតំឡើងប្រាក់បៀវត្សមន្ត្រីរាជការខ្ពស់ពេកបានទេ ព្រោះរដ្ឋបានថ្លឹងថ្លែងពីផលប៉ះពាល់ទៅដល់សេដ្ឋកិច្ចទាំងមូល។ ប្រសិនបើរដ្ឋចេះតែតំឡើងតាមការស្នើរសុំរបស់មន្ត្រីរាជការ នោះវាអាចនឹងលើសពីការកំណត់របស់ផែនការរដ្ឋ ហើយនឹងជះឥទ្ធិផលធំធេងដល់សង្វាក់សេដ្ឋកិច្ចក្នុងផ្ទៃប្រទេស។
គួរបញ្ជាក់ថា មន្ត្រីរាជការសរុបចំនួន ២១១ ០៩៤នាក់ (ស្ត្រី៨៧.៥១៩នាក់ ស្មើនឹង ៤១.៤៦%) ក្នុងនោះថ្នាក់ជាតិចំនួន ៣៨ ២៥០នាក់ ស្មើនឹង ១៨.១២% (ស្រ្តី ១១ ៧៨៦នាក់ ស្មើ នឹង ៣០.៨១%) និងថ្នាក់ក្រោមជាតិចំនួន ១៧២ ៨៤៤នាក់ ស្មើនឹង ៨១.៨៨% (ស្ត្រី៧៥ ៧៣៣នាក់ ស្មើនឹង ៤៣.៨២%) ដែលមានក្របខណ្ឌ “ក” ចំនួន ២៩.១៣% ក្របខណ្ឌ “ខ” ចំនួន ៣៣.៧៨% និងក្របខណ្ឌ “គ” ចំនួន៣ ៧១០%។ នេះបើតាមរបាយការរបស់ក្រសួងមុខងារសាធារណៈកាលពីឆ្នាំ២០១៩កន្លទៅ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កិច្ចព្រមព្រៀងពាណិជ្ជកម្មថ្មីមួយរវាងឥណ្ឌា -អាមេរិក កំពុងបង្កឱ្យពលរដ្ឋ និងកសិករឥណ្ឌា ផ្ទុះកំហឹង
ព្រឹត្តិការណ៍, អាជីវកម្មថ្មី និងនវានុវត្ត
• 22/07/2026
កិច្ចព្រមព្រៀងពាណិជ្ជកម្មថ្មីចុងក្រោយមួយដែលបានធ្វើឡើងរវាងប្រទេសឥណ្ឌា និងសហរដ្ឋអាមេរិក កំពុងដុតបញ្ឆេះកំហឹងយ៉ាងខ្លាំងពីសាធារណជនឥណ្ឌា
អាម៉េរិក ហាមឃាត់ការនាំចូលដ្រូនទំនើបពីចិន ដោយសារព្រួយបារម្ភពីហានិភ័យដល់សន្តិសុខជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 22/07/2026
សហរដ្ឋអាម៉េរិកបានចាប់ផ្តើមហាមឃាត់ការនាំចូលដ្រូនទំនើបកម្រិតខ្ពស់ដែលភាគច្រើនមកពីប្រទេសចិន ក្រោមហេតុផលព្រួយបារម្ភកាន់តែខ្លាំងឡើងអំពីបច្ចេកវិទ្យាកម្រិតយោធា
រាជរដ្ឋាភិបាលកម្ពុជា ប្រគល់ផ្ទះចំនួន ២៧ ខ្នង ជូនគ្រួសារសមាជិកសមាគមអតីតយុទ្ធជន និងនិវត្តជនកម្ពុជា ក្នុងស្រុកជុំគិរី ខេត្តកំពត
Top News, ព្រឹត្តិការណ៍, អចលនទ្រព្យ
• 22/07/2026
ឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានប្រគល់ផ្ទះជូនប្រជាពលរដ្ឋចំនួន ២៧ នាក់ ជាគ្រួសារសមាជិកសមាគមអតីតយុទ្ធជន និងនិវត្តជនកម្ពុជា ក្នុងស្រុកជុំគិរី ខេត្តកំពត
រយៈពេល៦ខែ ឆ្នាំ២០២៦ កម្ពុជាទទួលបានចំណូលពីពន្ធគយប្រមាណ ១,៥៧ពាន់លានដុល្លារអាម៉េរិក
Top News, ព្រឹត្តិការណ៍, សេដ្ឋកិច្ច
• 21/07/2026
ក្នុងរយៈពេល ៦ខែ នៃឆមាសទី១ ឆ្នាំ២០២៦ នេះ អគ្គនាយកដ្ឋានគយ និងរដ្ឋាករកម្ពុជា ប្រមូលចំណូលបាន ៦,២៩ទ្រីលានរៀល ឬប្រមាណ ១,៥៧ពាន់លានដុល្លារអាម៉េរិក កើនឡើង ៤,៥ភាគរយ
សហរដ្ឋអាម៉េរិក ព្រមានពីសន្តិសុខជាសកល និងប្រកាសដល់ពលរដ្ឋខ្លួនបង្កើនការប្រុងប្រយ័ត្ន ជាពិសេសនៅមជ្ឈិមបូព៌ា
ព្រឹត្តិការណ៍, អាជីវកម្មថ្មី និងនវានុវត្ត
• 20/07/2026
ក្រសួងការបរទេសសហរដ្ឋអាម៉េរិកបានចេញសេចក្ដីព្រមានមួយអំពីបញ្ហាសន្តិសុខជាសកល និងជំរុញឱ្យពលរដ្ឋអាម៉េរិកបង្កើនការប្រុងប្រយ័ត្នឱ្យបានខ្ពស់ ខណៈដែលបញ្ហាភូមិសាស្ត្រនយោបាយកំពុងកើនឡើងកំដៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content