ភ្នំពេញ ៖ ខណ្ឌឫស្សីកែវ​ ត្រូ​វបានគេចាត់ទុកជា​តំបន់មួយនៅកណ្ដាល​រាជធានីភ្នំពេញ ខណៈដែលបច្ចុប្បន្ន​នេះ​មានការអភិវឌ្ឍ​លើ​វិស័យសំណង់អគារ​ខ្ពស់​ៗ សំណង់​លំនៅឋាន​យ៉ាង​ច្រើន ជាពិសេស​ មួយរយៈពេលចុងក្រោយនេះ សំណង់​ធំៗ​មួយ​ចំនួនត្រូវ​បាន​លេចចេញ​រូប​រាង​ជា​បន្តបន្ទាប់ ដែលអាច​នឹងធ្វើឱ្យតម្លៃដីធ្លីក្នុង​តំបន់នោះ​មាន​សន្ទុះ​កើនឡើង។ ដឹងទេថា តម្លៃដីធ្លី​ក្នុង​ខណ្ឌមួយ​នេះ មានកា​រប្រែ​ប្រួល​ដល់កម្រិតណា​នៅពេលបច្ចុប្បន្ន។

ថ្ងៃនេះបណ្ដាញព័ត៌មាន AMS Economy នឹង​លម្អិត​ពីតម្លៃដីធ្លី​នៅតាមសង្កាត់នីមួយ​ៗដែលស្ថិត​ក្នុ​ងខណ្ឌឬស្សីសម្រាប់ជា​ទុន​ និងជាចំណេះដឹងដល់អ្នកវិនិយោគងាយស្រួលក្នុងការស្វែងរក​ដីសម្រាប់អភិវឌ្ឍន៍គម្រោង ​ឬ​វិនិយោគ​នាពេលអនាគត ។​

១. សង្កាត់​ឬស្សីកែវ ៖​ សង្កាត់មួយនេះ ​ហាង​ឆេងដីមានតម្លៃចន្លោះពី ៥៥០ដុល្លារ​អាមេរិក​ ដល់​ ៣ ៤០​០​ដុល្លារ​អាមេរិកក្នុងមួយម៉ែត្រការ៉េ ក្នុងនោះទីតាំង​តាម​បបណ្ដោយផ្លូវធំ​មានតម្លៃចន្លោះពី​ ១ ៣០០​ដុល្លារអាមេរិក ដល់ ​៣ ៤០០​ដុល្លារអាមេរិក ​​និងទីតាំង​ដី​នៅតាម​បណ្ដោយផ្លូវតូច​វិញមានតម្លៃចន្លោះពី​ ៥៥០ដុល្លារអាមេរិក​ ដល់​​ ១ ៤០០ដុល្លារអាមេរិក ក្នុងមួយម៉ែត្រការ៉េ ។​

២.សង្កាត់ទួល​សង្កែ​ទី១​ ៖ តម្លៃដីក្នុង​សង្កាត់មួយនេះ​អាច​រក​បានក្នុងតម្លៃចន្លោះពី ​១ ៣០០ដុល្លារអាមេរិក​ ទៅ​ ​៣​ ៧០០ដុល្លារអាមេរិក​​សម្រាប់ទីតាំង​នៅតាមបផ្លូវធំ​និង​តម្លៃចន្លោះពី​ ៧៥០​ដុល្លារ​អាមេ​រិក​​ ដល់ ​១​ ៩​០០​ដុល្លា​រ​អា​មេរិក​សម្រាប់ទីតាំង​ដីនៅតាមបណ្ដោយផ្លូវ​តូច ។​

៣.សង្កាត់ទួលសង្កែទី​២ ៖ ក្នុងសង្កាត់នេះ​តម្លៃដី ក្រោមសង្កាត់ទី​១​ច្រើនបន្តិច ក្នុងនោះ​នៅតាមបណ្ដោយផ្លូវ​ធំមានតម្លៃចន្លោះពី​ ៩០០ដុល្លារអាមេរិក​ ទៅ ​២ ៨០០ដុល្លារអាមេរិកក្នុងមួយម៉ែត្រ​ការ៉េ និងតម្លៃពី​ ៤៥០​ដុល្លា​រ​អា​មេរិក ទៅ​ ១ ០០០ដុល្លារអាមេរិកក្នុងមួយម៉ែត្រការ៉េ​សម្រាប់ទីតាំង​នៅតាមបណ្ដោយផ្លូវតូច ។​

៤.សង្កាត់​គីឡូម៉ែត្រ​លេខ៦ ៖ សង្កាត់​នេះ​តម្លៃដីធ្លី​ប្រហាក់​ប្រហែលនឹងសង្កាត់ទួល​សង្កែទី​២ដែរ ក្នុងនោះ​ទីតាំង​ដីនៅតាមបណ្ដោយផ្លូវធំ​មានតម្លៃចន្លោះពី ​៩០០ដុល្លារអាមេរិក​ ដល់ ​១ ៩០០​ដុល្លារ​អាមេ​រិក​ក្នុងមួយម៉ែត្រការ៉េ និងតម្លៃចន្លោះពី​ ៦៥០ដុល្លារអាមេរិក​ ដល់​ ១ ០០០ដុល្លារអាមេរិកក្នុងមួយម៉ែត្រការ៉េ​សម្រាប់ទីតាំង​នៅ​តាមបណ្ដោយផ្លូវតូច ។

៥.សង្កាត់ច្រាំង​ចំរេះទី​១ ៖ សង្កាត់នេះ​តម្លៃដីមិនខុសពីសង្កាត់គីឡូម៉ែត្រលេខ​៦​នោះទេ គឺទីតាំង​ដីនៅតា​មប​ណ្ដោ​យផ្លូវធំ​មានតម្លៃចន្លោះពី​ ៩០០ដុល្លារអាមេរិក ​ដល់ ​១ ៩០០ដុល្លារអាមេរិក​ក្នុង​មួយ​ម៉ែត្រការ៉េ និងតម្លៃច​ន្លោះពី​​ ៦​៥​០​ដុល្លារអាមេរិក​ ដល់ ​១ ០០០ដុល្លារអាមេរិកក្នុងមួយម៉ែត្រការ៉េ​សម្រាប់ទីតាំង​នៅ​តាមបណ្ដោ​យ​ផ្លូ​វតូច​ ។

៦.សង្កាត់​ច្រាំងចំរេះទី២ ក៏ដូចគ្នា​នឹ​ងសង្កាត់ច្រាំង​ចំរេះទី​១ដែរ ដោយទីតាំង​ដីនៅតាមបណ្ដោយផ្លូវធំ​មាន​តម្លៃចន្លោះពី​ ៩០០ដុល្លារអាមេរិក​ ដល់​ ១ ៩០០ដុល្លារអាមេរិក​ក្នុងមួយម៉ែត្រការ៉េ និងត​ម្លៃ​ចន្លោះ​ពី ​៦​៥​០ដុ​ល្លា​រ​អាមេរិក​ ដល់ ​១ ០០០ដុល្លារអាមេរិកក្នុងមួយម៉ែត្រការ៉េ​សម្រាប់ទីតាំង​នៅ​តាមបណ្ដោយផ្លូវតូច ។

៧.សង្កាត់​ស្វាយប៉ាក ៖ ស្វាយប៉ាក​ជា​សង្កាត់​ឆ្ងាយជាង​គេពីរាជធានីភ្នំពេញ ក្នុង​ចំណោម​បណ្ដាសង្កាត់​នានា ដូច្នេះតម្លៃក្នុងសង្កាត់នេះក៏ទាបជាង​គេ​ដែរ​ក្នុង​ចំណោម​សង្កាត់ទាំងអស់ក្នុង​ខណ្ឌ​ឫស្សី​កែវ ក្នុងនោះ​ដែរ​ទីតាំង​នៅតាមបណ្ដោយផ្លូវធំ​មានតម្លៃចន្លោះពី ​៥៥០​ដុល្លារអាមេរិក​ ដល់​ ១ ២០០ដុ​ល្លារ​អា​មេរិ​ក​ក្នុង​មួយ​ម៉ែត្រ​ការ៉េ និងតម្លៃចន្លោះពី​ ៤៥០ដុល្លារអាមេរិក​ ទៅ​ ៩០០ដុល្លារអាមេរិកក្នុងមួយម៉ែត្រការ៉េ​សម្រាប់​ទីតាំង​នៅតាម​​បណ្ដោយផ្លូវ​តូច ។​

គួ​របញ្ជាក់ថា​ របាយការណ៍​តម្លៃដីធ្លី​នៅតាមសង្កាត់​នានា​ក្នុង​ខណ្ឌឫស្សីកែវ ដែលបានលើកយកមក​ចែកជូននេះ​គឺ​ដកស្រង់ចេញពី​សមាគម​អ្នកវាយតម្លៃ​ និងភ្នាក់ងារអចលនវត្ថុកម្ពុជា (CVEA) ​ដែល​តែងតែ​ផ្សព្វផ្សាយជូន​រៀងរាល់សប្ដាហ៍ ៕