ស្រែគំរូ ប្រើពូជស្រូវ ៣០គីឡូក្រាម ក្នុង១ហិកតា បានផលជាង៨តោន និងចំណាយត្រឹម ២លានរៀល

ភ្នំពេញ៖ ស្រែគំរូនៅខេ​ត្តព្រៃ​វែង​ ​ដែ​លបង្កើ​តដោ​យធនាគារអភិវឌ្ឍន៍ ជនបទ ​និងកសិកម្ម (ARDB) បានទទួលជោគជ័យ ហើយគ្រោងនឹងបន្តចែកចាយ​ទៅតាមបណ្តាខេត្តនានា។ ដោយស្រែគំរូនេះ ប្រើ​ប្រា​ស់ពូជស្រូវពីបរទេ​ស ​និងបច្ចេ​កវិទ្យា​ទំនើប​ដាំដុះលើ​ផ្ទៃ​ដី ៥​ហិកតា ​បាន​ប្រើប្រាស់ពូជ ៣០គីឡូក្រាម​ក្នុងមួយហិកតា ទទួលជោ​គ​ជ័យ បានផលជាង៨តោន ដោយក្នុងមួយហិកតា តម្លៃចំណាយប្រមាណ ២លានរៀលប៉ុណ្ណោះ។

សូមរំលឹកថា ក្រោមការសម្របសម្រួលពីធនាគារអភិវឌ្ឍន៍ជនបទ និងកសិកម្ម ដើម្បីសាកល្បងកាត់បន្ថយថ្លៃដើមផលិត និងកាត់បន្ថយការប្រើប្រាស់ពូជស្រូវរបស់កសិករ លោកបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) កាលពីថ្ងៃទី២ ខែកញ្ញា ឆ្នាំ២០២៣ បានអញ្ជើញចុះពិនិត្យមើលការច្រូតកាត់ស្រូវជាក់ស្តែងក្នុងស្រែគំរូ ដែលមានទីតាំង ស្ថិតនៅមូលដ្ឋានស្រុកស្វាយអន្ទរ ខេត្តព្រៃវែង ដែលប្រើប្រាស់ពូជត្រឹមតែ៣០គីឡូក្រាម ក្នុង១ហិកតា ហើយទទួលបាន ផលរហូតដល់ទៅជាង៨តោន ក្នុងមួយហិកតា។

លោកបណ្ឌិត កៅ ថាច អគ្គនាយក (ARDB) បានបញ្ជាក់បន្ថែមជុំវិញការប្រើពូជស្រូវត្រឹម៣០គីឡូក្រាម ក្នុង១ហិកតា ដោយទទួលបានផលជាង៨តោន ក្នុងស្រែគំរូនៅខេត្តព្រៃវែងនេះ គឺជាពូជស្រូវក្រអូបមកពីក្រៅប្រទេស ដោយប្រើដ្រូនដើម្បីព្រោះស្រូវ ហើយក្នុង១ដ្រូនយួរបានស្រូវចំនួន ១៥គីឡូក្រាម និងប្រើពេល១៥នាទីសម្រាប់ព្រោះ។

លោកបណ្ឌិត កៅ ថាច បានមានប្រសាសន៍ថា ៖ « ផលដែលទទួលបាននៅក្នុងមួយហិកតា ពីការប្រើពូជស្រូវនេះ ទទួលបានប្រមាណ៨តោន ដោយចំណាយពេល៩០ថ្ងៃ គឺអាចប្រមូលផលបាន ហើយក្នុងមួយហិកតាចំណាយ (លើជី ថ្នាំ និងពូជ) ប្រមាណ ២លានរៀលប៉ុណ្ណោះ»។

លោកបណ្ឌិត កៅ ថាច បានគូសបញ្ជាក់ថា ពូជស្រូវនេះបើសិនជាធន់នឹងជំងឺ ហើយធន់នឹងអាកាសធាតុ ព្រមទាំងទទួលបានផលច្រើនបែបនេះ នឹងអាចធ្វើជាអង្ករប្រណិត សម្រាប់នាំចេញទៀតផង ។ ដោយសារតែពូជស្រូវនេះ អង្ករមានគ្រាប់ល្អ ដែលជាប្រភេទអង្ករទន់ ក្រអូប និងទទួលបានទិន្នផលខ្ពស់ លោកស្នើឱ្យសហព័ន្ធស្រូវអង្ករកម្ពុជា និងក្រសួងពាណិជ្ជកម្ម ពិចារណា ដើម្បីជំរុញការនាំចេញអង្ករប្រភេទនេះទៅកាន់ទីផ្សារបរទេស។

ប្រភពធនាគារអភិវឌ្ឍន៍ជនបទ និងកសិកម្ម បានឱ្យដឹងថា៖ ស្រែគំរូនេះ ប្រើ​ប្រា​ស់ បច្ចេ​កវិទ្យាដ្រូន​ក្នុងកា​រព្រោះពូជស្រូវ​ដែលធ្វើ​ឱ្យស្រែ​នេះ​ ប្រើ​​ប្រា​ស់ពូជតិចបំផុត​ត្រឹមតែ ៣០ គីឡូក្រា​ម​ខណៈដែ​លកា​​រប្រើព្រោះ​ស្រូវដោ​យដៃ ​ត្រូវប្រើ​​ប្រា​ស់ពូជ​ចន្លោះ ២​០០​ ទៅ ​២​៥០ ​គីឡូក្រា​ម​ក្នុង១ហិកតា​។ ​ម្យ៉ា​ងវិញទៀ​ត​កា​រប្រើ​ប្រា​ស់ជី​កសិកម្ម ក៏មានកម្រិតតិចជាង កា​រប្រើប្រា​ស់ជីរបស់កសិករ​រាល់ថ្ងៃ​នេះ​ដែរ ​ហើយការប្រើពូជត្រឹមតែ ៣០ គីឡូក្រាម ក្នុងមួយហិកតា ទទួលបានផល រហូតដល់ទៅជាង ៨តោន ហើយក្នុងមួយហិកតាចំណាយ (លើជី ថ្នាំ និងពូជ) ប្រមាណ ២លានរៀល។

ដូច្នេះផលិតផលស្រែគំរូនេះ បានលេចចេញឡើងស្របទៅនឹងរាជរដ្ឋាភិបាលបានបម្រុងទុកថវិកាចំនួន ១០០លានដុល្លារអាមេរិក ដើម្បីជួយលើកស្ទួយវិស័យកសិកម្ម ដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយសសម្តេចបានពន្យល់ថា ថវិកានឹងយកទៅជួយទប់ស្កាត់ការធ្លាក់ថ្លៃកសិផល ហើយនៅពេលដែលទិន្នផលកសិកម្មល្អ រាជរដ្ឋាភិបាលត្រូវតែរកទីផ្សារសម្រាប់ពួកគេ។ រាជរដ្ឋាភិបាល​ ក៏​នឹង​ពង្រាយ​មន្ត្រី​កសិ​កម្ម​នៅ​គ្រប់​ឃុំ ​សក្តានុពល​កសិកម្ម​នៅ​ទូទាំង​ប្រទេស ជាពិសេស​នៅ​ជនបទ។

យោងតាមរយបាយការណ៍របស់ក្រសួងកសិកម្ម បានបង្ហាញថា ក្នុងរយៈពេល ៧ខែ ឆ្នាំ២០២៣ កម្ពុជាបាននាំ​ចេញអង្ករចំនួន ៣៦២ ៧០៨,០០តោន និងស្រូវចំនួន ១ ៥១០ ៨៥០,០០តោន ទៅកាន់ទីផ្សារអន្តរជាតិ។ ក្នុងនោះ ការនាំចេញអង្ករកើនឡើង ៣,៣៦% បើធៀបនឹងរយៈពេលដូចគ្នាកាលពីឆ្នាំ២០២២។ ចំណែកការនាំចេញ​ស្រូវកើន​ឡើងចំនួន ១៣,៦៧%៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន