សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុភ្នំពេញ ៖ ព្រះរាជាណាចក្រកម្ពុជា បានធ្វើជាម្ចាស់ផ្ទះរៀបចំជំនួបពាណិជ្ជកម្មស្តីពីការជំរុញនាំចេញផលិតផលសក្តានុពលកម្ពុជាទៅកាន់ទីផ្សារអន្តរជាតិ នាថ្ងៃទី១៦ ខែធ្នូ ឆ្នាំ ២០២៣។ ជំនួបពាណិជ្ជកម្មនេះ ជាផ្នែកមួយនៃពិព័រណ៍ផលិតផលខ្មែរ និងទំនិញនាំចេញ-នាំចូលកម្ពុជា លើកទី១៦ ដែលបានប្រារព្ធធ្វើពីថ្ងៃទី១៥ ខែធ្នូ ដល់ថ្ងៃទី១៨ខែ ធ្នូ ឆ្នាំ២០២៣ នៅមជ្ឈមណ្ឌលកោះពេជ្រ។
ឯកឧត្តម អ៊ុំ កុសល អនុរដ្ឋលេខាធិការក្រសួងពាណិជ្ជកម្ម តំណាងលោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានថ្លែងថា កម្មវិធីជំនួបពាណិជ្ជកម្មនេះមានការចូលរួមពីក្រុមហ៊ុនកម្ពុជា និងបរទេសជាង ៨០ក្រុមហ៊ុន មកពីប្រទេសចិន ឡាវ មីយ៉ាន់ម៉ា វៀតណាម ឥណ្ឌូណេស៊ី ជប៉ុន ព្រមទាំងសហព័ន្ធស្រូវអង្ករកម្ពុជាសមាគមពាណិជ្ជករជាតិ និងអន្តរជាតិ។
ក្រុមហ៊ុនទាំងនេះបានចូលរួមតាំងបង្ហាញនូវផលិតផលជាច្រើន រួមមាន ៖ ស្រូវ-អង្ករ ដំឡូងមី ម្រេច ចេកអំបូងលឿង មៀនប៉ៃលិន ស្វាយចន្ទី អំបិល ស្ករត្នោត សំបុកទឹកមាត់ត្រចៀកកាំ ដំណាប់ស្វាយ ទឹកឃ្មុំ កាហ្វេ កាកាវ គ្រឿងទេស គ្រឿងសំណង់ និងសិប្បកម្មតម្បាញ ជាដើម។
ដោយឡែក ជាផ្នែកមួយនៃពិព័រណ៍ផលិតផលខ្មែរ និងទំនិញនាំចេញ-នាំចូលកម្ពុជានាថ្ងៃទី១៦ ខែធ្នូ នៅសណ្ឋាគារកាំបូឌីយ៉ាណា កម្ពុជាក៏បានរៀបចំ «វេទិកាធុរកិច្ច និងវិនិយោគ កម្ពុជា-ឥណ្ឌូណេស៊ី» ក្នុងគោលបំណងផ្លាស់ប្តូរ និងស្វែងរកឱកាសចាប់ដៃគូពាណិជ្ជកម្ម ក៏ដូចជាស្វែងរកទីផ្សារសម្រាប់នាំចេញផលិតផល និងបង្កើនពាណិជ្ជកម្ម រវាងប្រទេសទាំងពីរ។
វេទិកាធុរកិច្ច និងវិនិយោគ កម្ពុជា-ឥណ្ឌូណេស៊ីនេះ មានការចូលរួមពីពាណិជ្ជករ និងវិនិយោគិនកម្ពុជា និងឥណ្ឌូណេស៊ី ចំនួន១២០រូប ដែលរួមមាន វិស័យស្រូវ-អង្ករ ដំឡូងមី ម្រេច មៀនប៉ៃលិន ស្វាយចន្ទី សំបុកត្រចៀកកាំ ស្ករត្នោត អំបិល ផលិតផលសូត្រ គ្រឿងទេស ថ្មក្រានីត កាហ្វេ និងកាកាវ ផលិតលកសិកម្ម និងម្ហូបអាហារផងដែរ។
នៅក្នុងវេទិកានេះដែរ ក៏មានវាគ្មិនមកពីក្រសួងពាណិជ្ជកម្ម ក្រុមប្រឹក្សាអភិវឌ្ឍន៍កម្ពុជា និងក្រសួងការបរទេសឥណ្ឌូណេស៊ី បានធ្វើបទការបង្ហាញអំពីឱកាស និងសក្តានុពល ពាណិជ្ជកម្មនិងវិនិយោគនៅកម្ពុជា និងឥណ្ឌូណេស៊ី ផងដែរ៕
Account
Security
Favourite Content