សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចប្បន្ន ការទូទាត់សាច់ប្រាក់ភាគច្រើនត្រូវបានធ្វើឡើងតាមរយៈបច្ចេកវិទ្យាឌីជីថលស្ទើរតែទាំងស្រុងទៅហើយ ជាពិសេសនៅក្នុងតំបន់ដែលមានសេដ្ឋកិច្ចមមាញឹក ដូចជាទីក្រុងភ្នំពេញជាដើម។ ប៉ុន្តែយ៉ាងណា ទន្ទឹមនឹងភាពងាយស្រួលនេះ ប្រជាជនក៏អាចប្រឈមមុខនឹងការលួចបន្លំប្រាក់ចេញពីគណនីហិរញ្ញវត្ថុរបស់ខ្លួនផងដែរ។
ដូច្នេះ ដើម្បីបង្ការនូវករណីលួចបន្លំទាំងនេះ គ្រឹះស្ថានធនាគារ និងមីក្រូហិរញ្ញវត្ថុនីមួយៗ តែងមានកិច្ចការពារសុវត្ថិភាពយ៉ាងតឹងរឹងចំពោះអតិថិជនរបស់ខ្លួនតាមរយៈវិធីសាស្ត្រផ្សេងៗជាច្រើន។ បើទោះបីជាយ៉ាងនេះក្ដី អតិថិជនដែលជាអ្នកប្រើប្រាស់ក៏ត្រូវមានការប្រុងប្រយ័ត្នដោយខ្លួនឯងផងដែរ។
លោក អ៊ាន់ ពលី ប្រធាននាយកប្រតិបត្តិបច្ចេកវិទ្យានៃក្រុមហ៊ុន ក្រេឌីតប្យូរ៉ូ បានឱ្យដឹងថា វិធីមួយដែលអ្នកមានគណនីធនាគារចល័ត ( Mobile Banking) អាចយកទៅអនុវត្តបានគឺការបង្កើតលេខសម្ងាត់ដែលមានភាពរ៉ឹងមុំា។
បើតាមអ្នកជំនាញរូបនេះ លេខសម្ងាត់ដែលអាចចាត់ទុកថារឹងមុំា និងមានសុវត្ថិភាពខ្ពស់មានធាតុសំខាន់ៗ ៣ គឺ អក្សធំ លេខ និងសញ្ញា។
លោក អ៊ាន់ ពលី បានបន្តឱ្យដឹងថា៖
«លេខសម្ងាត់គណនីធនាគារ ដែលមានសុវត្ថិភាពគួរតែមានរួមបញ្ចូលទាំងលេខ អក្សធំ អក្សតូច និងសញ្ញា ដែលធ្វើឱ្យលេខនោះពិបាកទស្សន៍ទាយ»។
ក្រោយបានលេខសម្ងាត់គណនីដែលមានសុវត្ថិភាពហើយ អ្នកជំនាញរូបនេះក៏នៅតែលើកទឹកចិត្តឱ្យអ្នកប្រើប្រាស់ឧស្សាហ៍ផ្លាស់ប្ដូរលេខសម្ងាត់ឱ្យបានយ៉ាងហោចណាស់ ៣ ទៅ៦ខែម្ដង។ ក្រៅពីនោះ អ្នកជំនាញក៏មិនលើកទឹកចិត្តឱ្យប្រើប្រាស់លេខសម្ងាត់ដូចគ្នាសម្រាប់គណនីនៅធនាគារផ្សេងគ្នាដែរ ពោលគឺលេខសម្ងាត់មួយសម្រាប់តែធនាគារមួយប៉ុណ្ណោះ។
បន្ថែមពីលើនេះ លោកក៏បានក្រើនរំលឹកអំពីការប្រុងប្រយ័ត្ននៅពេលទូទាត់ដោយបិទបាំង កុំឱ្យអ្នកដទៃឃើញលេខសម្ងាត់គណនី។ ប្រសិនបើប្រជាជនដែលមានគណនីធនាគារគ្រប់រូបអាចអនុវត្តចំណុចទាំងនេះបាន ករណីបាត់បង់ប្រាក់ក៏នឹងមិនងាយកើតឡើងដូចគ្នា៕
Account
Security
Favourite Content