សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមរយៈក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ប្រទេសកម្ពុជាមានប្រពៃណីជាង ៧០០ឆ្នាំ មកហើយក្នុងការដាំដុះម្រេច ដែលជាអត្ថប្រយោជន៍ពីធម្មជាតិមិនអាចរំលងបាន។ ម្រេចខ្មៅ (Piper nigrum) គឺជារុក្ខជាតិវល្លិ៍ ហើយជាទូទៅគេសម្ងួតផ្លែវាដើម្បីប្រើប្រាស់ជាគ្រឿងទេស និងគ្រឿងបន្ថែមរសជាតិ។ គេបានប្រើប្រាស់ម្រេចតាំងពីសម័យបុរាណសម្រាប់ឱជារស និងធ្វើជាឱសថ ហើយគឺជាគ្រឿងទេសដែលបានធ្វើពាណិជ្ជកម្មច្រើនបំផុតលើពិភពលោក។
ប្រទេសកម្ពុជាមានធាតុអាកាស និងលក្ខខណ្ឌដីយ៉ាងល្អប្រសើរសម្រាប់ម្រេច ហើយដូចបានរៀរាប់ខាងលើ គឺគេបានដាំដុះតាំងពីដើមសតវត្សរ៍ទី១៣ ជាពិសេស ក្នុងកំឡុងសម័យអាណានិគមបារាំងដែលគេបានហៅថា “ម្រេចកំពត” (ពីខេត្តកំពត) ដោយបានបង្កើតនូវកេរ្តិ៍ឈ្មោះល្បីពីរសជាតិពិសេសរបស់វា។
ផលិតកម្មជាអតិផលចាប់ផ្តើមនៅដើមសតវត្សរ៍ទី២០ ដែលចំណុចខ្ពស់បំផុតនៃផលិតកម្ម និងការនាំចេញ ម្រេចអាចមានរហូតដល់ ៨ ០០០ តោនក្នុងមួយឆ្នាំ។ តែទោះបីជាយ៉ាងណាក៏ដោយ ការអនុវត្តផលិតកម្មម្រេចទាំងមូល ក្នុងប្រទេសកម្ពុជាបានដល់ចំណុចបញ្ចប់ក្នុងកំឡុងរបបខ្មែរក្រហម។ ផលិតកម្មម្រេចទើបតែចាប់ផ្តើមបង្កើតឲ្យមានឡើងវិញបន្តិចម្តងៗ បន្ទាប់ពីទសវត្សរ៍ឆ្នាំ១៩៩០។
បច្ចុប្បន្ន វិស័យម្រេចមានសក្តានុពលសម្រាប់បង្កើនការនាំចេញ និងតម្លៃបន្ថែម ដោយម្រេចក្លាយជាផ្នែកមួយនៃវិស័យ “បន្លែ និងផ្លែឈើ” ដែលជាវិស័យមួយក្នុងចំណោមវិស័យមានសក្តានុពលទាំង១៩ បានកំណត់ក្នុងយុទ្ធសាស្ត្រសមាហរណកម្មពាណិជ្ជកម្មកម្ពុជា (ឆ្នាំ២០០៧)។ ម្រេចនេះទៀតសោតក៏ជាផលិតផលស្ថិតក្នុង “ផលិតផលសំខាន់ទាំងដប់” ក្នុងខេត្តចំនួន ៥ រួមមាន ខេត្តកំពង់ចាម កំពត កែប ក្រចេះ និងខេត្តព្រះសីហនុ។
គួរបញ្ជាក់ដែរថា ម្រេច មានអត្ថប្រយោជន៍យ៉ាងច្រើនចំពោះសុខភាពរបស់អ្នកទទួលទាន ដូចជា វាអាចជួយសម្រួលបញ្ហារំលាយអាហារ, បញ្ហាធ្មេញ, ជំងឺទឹកនោមផ្អែម, ឈឺក្បាល, ក្អក, ផ្ដាសាយ, គ្របគ្រងជាតិស្ករក្នុងឈាម, រក្សាសម្ពាធឈាម, ការពារដំបៅក្រពះ, ជំងឺមហារីក និងជំនួយដល់ការស្រកទម្ងន់ផងដែរ។ ប៉ុន្តែអ្នកប្រើប្រាស់ក៏ត្រូវចេះប្រើវាឱ្យបានត្រឹមត្រូវ និងក្នុងបរិមាណសមស្របដើម្បីទទួលបានលទ្ធផលល្អបំផុត៕
Account
Security
Favourite Content