គ្រឹះស្ថាន ខេមា មីក្រូហិរញ្ញវត្ថុ រៀបចំសិក្ខាសាលាប្រចាំឆ្នាំបង្ហាញពីលទ្ធផលដែលទទួលបានក្នុងឆ្នាំ២០២២ និងលើកទិសដៅឆ្នាំ២០២៣

ភ្នំពេញ ៖ ជាមួយនឹងប្រតិបត្តិការផ្តល់ឥណទានស្របតាមបបទបញ្ញាត្តិនៃធនាគារជាតិកម្ពុជា នៅរសៀលថ្ងៃទី១៩ ខែមករា ឆ្នាំ២០២៣កន្លងទៅនេះ គ្រឹះស្ថាន ខេមា មីក្រូហិរញ្ញវត្ថុ លីមីតធីត (CAMMA Microfinance Limited) បានរៀបចំសិក្ខាសាលាប្រចាំឆ្នាំ ស្តីពីលទ្ធផលដែលសម្រេចបានក្នុងឆ្នាំ២០២២ និងលើកទិសដៅយុទ្ធសាស្រ្តសម្រាប់អនុវត្តបន្តឆ្នាំ២០២៣ ក្រោមការចូលរួមពីសំណាក់ ប្រធានក្រុមប្រឹក្សាភិបាល អគ្គនាយិកាប្រតិបត្តិ ថ្នាក់ដឹកនាំជាន់ខ្ពស់ នាយកសាខា ប្រធានផ្នែក ក៏ដូចជាបណ្តាបុគ្គលិកទាំងអស់ សរុបប្រមាណ២០០នាក់ នៅសណ្ឋាគារ សុខា ភ្នំពេញ ។

នៅក្នុងព្រឹត្តិការណ៍ប្រចាំឆ្នាំខាងលើនេះ បណ្តាបុគ្គលិកទាំងអស់របស់គ្រឹះស្ថាន ខេមា បានយល់កាន់តែច្បាស់ពីសមិទ្ធផលដែលសម្រេចបាននៅក្នុងឆ្នាំ២០២២ ក្រោមការធ្វើបទបង្ហាញពីសំណាក់នាយកគ្រប់គ្រងផ្នែកនីមួយៗ រួមជាមួយនឹងការបង្ហាញពីទិសដៅដែលគ្រោងអនុវត្តនៅឆ្នាំបន្ទាប់ ប្រកបដោយការតាំងចិត្តខ្ពស់។ គ្រឹះស្ថានក៏បានផ្តល់រង្វាន់លើកទឹកចិត្តជូនចំពោះបុគ្គលិកឆ្នើមប្រចាំឆ្នាំចំនួន១៥រូបក្នុងឱកាសនោះផងដែរ។

បុគ្គលិក និងថ្នាក់គ្រប់គ្រងរបស់គ្រឹះស្ថាន ខេមា បានបង្ហាញពីចំណាប់អារម្មណ៍រីករាយជាមួយនឹងសមិទ្ធផលប្រចាំឆ្នាំ ដែលបង្ហាញពីភាពវិជ្ជាមាននៃប្រតិបត្តិការអាជីវកម្ម បន្ទាប់ពីរងផលប៉ះពាល់ដោយកូវីដ ១៩ ក្នុងរយៈពេល ២ឆ្នាំកន្លងទៅនេះ។ គ្រឹះស្ថាននៅតែរក្សាបាននូវភាពធន់របស់ខ្លួន ក្នុងការធ្វើប្រតិបត្តិការឥណទានប្រកបដោយទំនុកចិត្តពីភាគទុនិក បុគ្គលិក និងអតិថិជន។ ទន្ទឹមនឹងនេះគ្រឹះស្ថានក៏ទទួលបានវិញ្ញាបនបត្រអនុលោមតាមសារពើពន្ធ កម្រិតមាស ដែលចេញដោយអគ្គនាយកដ្ឋានពន្ធដារ មានសុពលភាព២ឆ្នាំគឺ ឆ្នាំ២០២៣ និង ឆ្នាំ២០២៤។ វិញ្ញាបនបត្រនេះសបញ្ជាក់ពីភាពត្រឹមត្រូវនៃការកាន់បញ្ជីការគណនេយ្យរបស់គ្រឹះស្ថាន។

ភាពរីកចម្រើន និងការរីកលូតលាស់របស់គ្រឹះស្ថាន ខេមា មីក្រូហិរញ្ញវត្ថុ ក្នុងរយៈពេល១២ឆ្នាំកន្លងមកនេះ គឺកើតទ្បើងដោយសារ ការប្រកាន់ភ្ជាប់នូវតម្លៃស្នូល ដែលជាវប្បធម៌រួមរបស់គ្រឹះស្ថាន ដើម្បីក្លាយជា «ដៃគូហិរញ្ញវត្ថុដ៍ល្អបំផុត» ស្របតាមពាក្យស្លោករបស់គ្រឹះស្ថាន។ តម្លៃស្នូលទាំងនោះរួមមាន ទី១- ការផ្តល់សេវាកម្មប្រកបដោយតម្លាភាព ទី២- ការផ្តល់សេវាកម្ម និងប្រឹក្សាយោបល់ប្រកបដោយប្រសិទ្ធភាព និងឆាប់រហ័ស ទី៣- ភាពស្មោះត្រង់ ទី៤- បំពេញការងារប្រកបដោយវិជ្ជាជីវៈ និងទី៥ គឺការបំពេញការងារប្រកបដោយគំនិតច្នៃប្រឌិត ។

សម្រាប់ឆ្នាំ២០២៣នេះ គោលដៅ រួមជាមួយនឹងចក្ខុវិស័យដែលត្រូវពង្រឹង និងពង្រីក គឺ «រួមគ្នាឆ្ពោះទៅកាន់ ខេមា ឌីជីថលភាវូបនីយកម្ម» ដែលស្របទៅនឹងបដិវត្តន៍ឧស្សាហកម្ម ៤.០ នាពេលបច្ចុប្បន្ននេះ ខណៈដែលគ្រឹះស្ថានមីក្រូហិរញ្ញវត្ថុមួយនេះបានពង្រីកវិសាលភាពនៃប្រតិបត្តិការរបស់ខ្លួនបានរហូតដល់ចំនួន៥សាខា និងបុគ្គលិកជិត ២០០នាក់។ គ្រឹះស្ថានក៏គ្រោងនឹងបើកសាខាថ្មី២បន្ថែមទៀតក្នុងឆ្នាំ២០២៣នេះ ក្នុងស្រុកស្អាង ខេត្តកណ្តាល និងស្រុកកំពង់ត្រាច ខេត្តកំពត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។