សហគមន៍ទេសចរណ៍រំពឹងទទួលបានភ្ញៀវនៅថ្ងៃបុណ្យចូលឆ្នាំចិនច្រើនជាងឆ្នាំកន្លងទៅ

កំពង់ឆ្នាំង ៖ ពិធីបុណ្យចូលឆ្នាំប្រពៃណីចិនដែលប្រព្រឹត្តទៅនៅថ្ងៃទី២១ ខែមករា ឆ្នាំ២០២៣នេះ ត្រូវបានប្រធានសហគមន៍​ទេសចរណ៍ មើលឃើញថាជាឱកាសល្អមួយក្នុងការទទួលភ្ញៀវ។ ពួកគេថែមទាំងរំពឹងថា ពិធីបុណ្យ​ចូលឆ្នាំចិននាឆ្នាំនេះ នៅតាមគោលដៅទេសចរណ៍នីមួយៗ អាចនឹងទទួលបានភ្ញៀវកាន់តែច្រើន។

សហគមន៍ការពារធនធានធម្មជាតិទឹកធ្លាក់ស្រែអំពិល ជាឈ្មោះសហគមន៍មួយដែលមាន​ទីតាំងនៅ​ស្រុកទឹកផុស ខេត្តកំពង់ឆ្នាំង។ ជាកន្លែងដែលមានទេសភាពធម្មជាតិ និងទឹកជ្រោះថ្លាយង់ សហគមន៍មួយនេះជារឿយៗ តែងតែទទួលបានភ្ញៀវទៅលេងកម្សាន្ដមិនចេះដាច់ ជាពិសេសនៅ​អំឡុងពេលនៃការរីករាលដាលជំងឺកូវីដ១៩កន្លងទៅ។

បើតាមប្រធានសហគមន៍ការពារធនធានធម្មជាតិទឹកធ្លាក់ស្រែអំពិល គឺលោក សោភា បានឱ្យដឹងថា កន្លងមកនៅក្នុងឱកាសបុណ្យទាន គឺសហគមន៍របស់លោកតែងតែទទួលបានភ្ញៀវច្រើនជាងថ្ងៃធម្មតា ហើយភ្ញៀវដែលទៅកម្សាន្ដនៅតំបន់របស់លោកគឺច្រើនតែជាភ្ញៀវខ្មែរ ដោយហេតុថាវាជាតំបន់​ព្រៃភ្នំធម្មជាតិដាច់ស្រយាល។

ផ្អែកតាមទម្លាប់នេះ លោក សោភា បានរៀបចំតុបតែងតំបន់ទេសចរណ៍ក្នុងសហគមន៍​របស់លោក​រួចជាស្រេច ដើម្បីត្រៀមចាំទទួលភ្ញៀវក្នុងឱកាសនៃពិធីបុណ្យចូលឆ្នាំចិនតែម្ដង។

លោក សោភា បានបញ្ជាក់ថា ៖

“ថ្មីៗនេះ ក្រុមការងារយើងបានរៀបចំទីលានចំណតរថយន្តឱ្យធំទូលាយ រៀបសួនច្បារ កាត់ស្មៅ និងស្រាវជ្រាវរកមុខម្ហូបថ្មីៗសម្រាប់ឱ្យភ្ញៀវមានជម្រើសកាន់តែច្រើនផងដែរ។ ខ្ញុំគិតថានឹងមានភ្ញៀវមកលេងច្រើនជាងរាល់ដង ដោយហេតុ​ថា​ឆ្នាំនេះអាកាសធាតុអំណោយផល មានភ្លៀងធ្លាក់ច្រើន ដែលធ្វើឱ្យព្រៃឈើលូតលាស់ល្អ រីឯទឹក​ជ្រោះក៏មិនរីងថែមទៀត”

ដោយឡែក នៅឯ​សហគមន៍បឹងលំកុដ ដែលស្ថិតក្នុងខេត្តរតនៈគិរីឯណោះវិញក៏បានត្រៀមរៀបចំរួចរាល់ផងដែរសម្រាប់ទទួលភ្ញៀវនាពេលបុណ្យចូលឆ្នាំចិន។ សហគមន៍ដែលមានបឹងធម្មជាតិទឹកថ្លាយង់នេះគឺជាចំណុចដ៏ទាក់ទាញភ្ញៀវទេសចរ និងបានរៀបចំនូវទីធ្លាជុំវិញបឹងរួចរាល់ផងដែរ។

លោក ប៊ួលី មី ប្រធានសហគមន៍បឹងលំកុដបានឱ្យដឹងថា ៖

“ខ្ញុំបានរៀបចំសំអាតបរិវេនជុំវិញ រើសសំរាម និងកាត់ស្មៅដែលដុះវែងនៅតាមមាត់បឹង។ សម្រាប់រយៈពេលបីថ្ងៃចូលឆ្នាំចិននាឆ្នាំនេះ ចាប់ពីថ្ងៃទី២១​ រហូតដល់២៣ ខែមករា សហគមន៍យើងរំពឹងថាអាចនឹងទទួលបានភ្ញៀវជាតិ និងអន្តរជាតិពី ៧ ទៅ៨ពាន់នាក់”

សរុបសេចក្ដី និងនិយាយជារួម សហគមន៍ទាំងពីរបានរំពឹងខ្ពស់ទៅលើការទទួលបានភ្ញៀវទេសចរកាន់តែច្រើននៅអំឡុងពេលនៃពិធីបុណ្យឈប់សម្រាកថ្ងៃបុណ្យចូលឆ្នាំចិននេះ ដោយសហគមន៍នីមួយៗបានខិតខំប្រឹងប្រែងអស់ពីលទ្ធភាពក្នុងការកែលម្អគោលដៅទេសចរណ៍ឱ្យបានល្អបំផុតផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ