ជាអាជីវកម្មលក់ចេកឆាបតាមផ្លូវមែនពិត ប៉ុន្តែអាចរកចំណូលចូលគ្រួសារ និងផ្គត់ផ្គងជីវភាពបាន

ចេកឆាប ជាផលិតផលកែច្នៃមួយប្រភេទពីផ្លែចេកដែលមានភាពពេញនិយមច្រើនពីសំណាក់អ្នកទទួលទាន ដោយសារតែវាមានរសជាតិឆ្ងាញ់ ស្រួយ ទទួលទានមិនចេះធុញក្នុងនាមជាអាហារកំដរមាត់។ យ៉ាងណាក៏ដោយ អាជីព និងមុខរបរធ្វើចេកឆាបលក់ ត្រូវបានប្ដីប្រពន្ធដែលជាជនពិការទាំង២នាក់បានចាប់របរនេះដើម្បីរកចំណូលចូលគ្រួសារ និងចិញ្ចឹមកូនៗនៅក្នុងបន្ទុក។

លោក តាន់ សុរេន ជាម្ចាស់អាជីវកម្មចេកឆាបលក្ខណៈគ្រួសារដែលមានទីតាំងស្ថិតនៅក្រុងសៀមរាបបានមានប្រសាសន៍ឱ្យដឹងថា៖

«យើងចាប់យករបរនេះដោយសារពីរនាក់ប្តីប្រពន្ធបាត់បង់ការងារក្នុងសម័យកូវីត-១៩ ណាមួយពួកខ្ញុំពិការទាំងពីរនាក់ផង បាត់បង់ចំណូល ដូច្នេះយើងក៏នឹកឃើញធ្វើរបស់ញ៉ាំ ព្រោះបើលក់របស់ញ៉ាំអាចរកចំណូលជួយគ្រួសារបាន។ ដូច្នេះ យើងក៏ចាប់ផ្តើមអាជីវកម្មលក់ចេកឆាបជាលក្ខណៈគ្រួសារនៅឆ្នាំ២០១៩ ដោយបានសួរនាំពីរបៀបផលិតពីគេខ្លះ និងស្វែងយល់ដោយខ្លួនឯងខ្លះ រហូតបានផលិតលក់ជាបន្តបន្ទាប់ដូចបច្ចុប្បន្ន។ សម្រាប់ចេកឆាបនេះផងដែរ យើងមានរសជាតិ សាប ផ្អែម និងអំបិលម្ទេស ដែលជារូបមន្តលក្ខណៈគ្រួសារ»។

ពាក់ព័ន្ធនឹងការលក់វិញ លោកបានប្រាប់ឱ្យដឹងថា បច្ចុប្បន្ននេះ អាជីវកម្មលក់ចេកឆាបនេះនៅពុំមានជាតូបត្រឹមត្រូវនោះទេ គឺលក់នៅតាមផ្លូវ ជិតផ្សារមាន់អាំង និងលក់តាមបណ្ដាញសង្គម ហើយតម្លៃវិញទៀតសោត គឺលក់ពីរកញ្ចប់តម្លៃ ១៥ ០០០រៀល ហើយចំណូលដែលទទួលបានពីការលក់ទោះបីជាវាមិនអាចធ្វើឱ្យជីវភាពធូរធា និងក្លាយជាអ្នកមានក្ដី ប៉ុន្តែយ៉ាងហោចណាស់អាចដោះស្រាយជីវភាពគ្រួសារប្រចាំថ្ងៃ និងអាចផ្គត់ផ្គង់កូនៗឱ្យចូលសាលារៀនបានដែរ។  ចំណែកឯចំណុចពិសេសរបស់ចេកឆាបនេះគឺមានរសជាតិឆ្ងាញ់ប្លែក ស្ងួតល្អ ស្រួយ និងអាចរក្សាទុកបានយូរ។ នេះជាអ្វីដែលម្ចាស់អាជីវកម្មខាងលើបានលើកឡើង។

ដោយឡែកពាក់ព័ន្ធទៅនឹងការផលិតវិញ ត្រូវបានលោកបញញជាក់ប្រាប់ថា ជាធម្មតាលោកអាចផលិតបានប្រមាណ ១០០គីឡូក្រាមក្នុងមួយខែ ដោយលោកបានទិញផ្លែចេកខ្ចីមកពីខាងព្រះវិហារ ហើយយកមកចិតដាក់ត្រាំទឹក រួចបកសំបក និងលាងសម្អាតម្ដងទៀតឱ្យស្អាត ទើបយកមកឈូសជាចំណិតស្ដើងៗ ហើយដាក់ប្រេងបំពងភ្លាមៗតែម្ដង។  

ទន្ទឹមនឹងការបើកអាជីវកម្មនេះដែរ លោក តាន់ សុរេន និងក្រុមគ្រួសារបានជួបផលលំបាកជាច្រើនដែរ ដោយសារកត្តាខ្វះខាតដើមទុនផង ខ្វះខាតឧបករណ៍ក្នុងការផលិតផល និងខ្វះខាតបច្ចេកទេសក្នុងការវេចខ្ចប់ផងដែរ។ ប៉ុន្តែទោះជាយ៉ាងណា លោក និងក្រុមគ្រួសារក៏នៅតែខិតខំបន្តអាជីវកម្មមួយនេះ ហើយក៏មានបំណងចង់មានតូបត្រឹមត្រូវដែលអាចដាក់លក់ផលិតផលចេកឆាបរបស់ខ្លួនបាន ដែលអាចផ្តល់ភាពងាយស្រួលដល់អតិថិជនក្នុងការទិញតាមរយៈការមានទីតាំងជាក់លាក់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ