សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ផ្លែចេកស្រស់របស់កម្ពុជា ដែលសំដៅលើចេកអំបូងលឿង កំពុងតែមានទីផ្សារខ្ពស់នៅក្រៅប្រទេស ជាពិសេស ប្រទេសចិន និងជប៉ុន ដោយប្រទេសទាំងពីរនេះបាននាំចូលចេកស្រស់ពីកម្ពុជាក្នុងមួយឆ្នាំៗរាប់ម៉ឺនតោនដើម្បីបំពេញតម្រូវការ ។ ការណ៍នេះ បានជំរុញឱ្យវិនិយោគិនក្នុង និងក្រៅប្រទេសបណ្ដាក់ទុនវិនិយោគលើដំណាំចេញអំបូងលឿងនៅកម្ពុជាកាន់តែច្រើនបន្ថែមទៀត ។
អ្នកស្រី ហេង ដាវី ប្រធានក្រុមហ៊ុន ឡុង ស្រេង ចម្ការចេក នៅស្រុកស្ទឹងត្រង់ខេត្តកំពង់ចាម បានឱ្យដឹងថា បច្ចុប្បន្ននេះ តម្រូវការចេកអំបូងលឿងរបស់កម្ពុជានៅទីផ្សារក្រៅប្រទេសកំពុងមានតម្រូវការខ្ពស់ ដែលធ្វើឱ្យក្រុមហ៊ុនត្រូវពង្រីកផ្ទៃដីដាំដុះបន្ថែមជាបន្តបន្ទាប់ ។
អ្នកស្រីបានបន្តថា បច្ចុប្បន្ននេះ ក្រុមហ៊ុនបានដាំដំណាំចេកអំបូងលឿងនៅលើផ្ទៃដីប្រមាណ ២០០ហិកតា ហើយគ្រោងនឹងពង្រីកប្រមាណ ៥០០ហិកតាបន្ថែមទៀតនាពេលឆាប់នេះ ខណៈតម្រូវការនៅខាងក្រៅកាន់តែកើនឡើងខ្ពស់ ។
អ្នកស្រីនិយាយថា ៖
«ចេកអំបូងលឿងរបស់កម្ពុជាយើងនាពេលនេះ មានប៉ុន្មានក៏គេទទួលយកដែរ ជាពិសេសនៅប្រទេសចិន ដូច្នេះហើយ នៅពេលឆាប់ៗនេះ ក្រុមហ៊ុនរបស់យើងនឹងត្រូវការកម្មករជាច្រើនទៀត ទាំងនៅក្នុងចម្ការចេក និងនៅក្នុងរោងចក្រវេចខ្ចប់។ បច្ចុប្បន្ននេះ ក្នុងមួយឆ្នាំ ក្រុមហ៊ុនចម្ការចេកមួយនេះបានបញ្ជូនចេកស្រស់ចេញទៅកាន់ទីផ្សារអន្តរជាតិប្រមាណ១០ម៉ឺនតោន ហើយទោះបីជាមានប៉ុន្មានទៀតក៏មានអ្នកទទួលដែរ ជាក់ស្ដែងនៅប្រទេសចិន មានក្រុមហ៊ុនរង់ចាំទទួលទិញចេកអំបូងលឿងពីកម្ពុជាជាច្រើនក្រុមហ៊ុន ហើយនៅមានប្រទេសជប៉ុនទៀត»។
ក្រៅពីក្រុមហ៊ុនចម្ការចេកនៅក្នុងស្រុកស្ទឹងត្រង់នេះ នៅមានក្រុមហ៊ុនចម្ការចេកផ្សេងទៀត សុទ្ធតែបានបង្ហាញពីបំណងក្នុងការពង្រីកការដាំដុះ និងនាំចេញផ្លែចេកទៅកាន់ទីផ្សារក្រៅប្រទេសដែរ ជាក់ស្ដែងមានក្រុមហ៊ុនបរទេសមួយដែលបានបណ្ដាក់ទុនវិនិយោគលើវិស័យកសិកម្មនៅក្នុងខេត្តក្រចេះ ក៏បានបង្ហាញពីផែនការក្នុងការពង្រីកការវិនិយោគលើដំណាំចេញដើម្បីនាំចេញទៅកាន់ទីផ្សារអន្តរជាតិ ។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ក្នុងរយៈពេល៥ខែ ដើមឆ្នាំ២០២៥ កម្ពុជាបាននាំចេញផ្លែចេកស្រស់ប្រមាណ ១២ម៉ឺនតោន ទៅកាន់ទីផ្សារអន្តរជាតិ បើធៀបនឹងរយៈពេលដូចគ្នាក្នុងឆ្នាំ២០២៤ មានកំណើនប្រមាណ៥,៤៤ភាគរយ ៕
Account
Security
Favourite Content